حلوة افكاركم

اضيف على كلامكم
كي الملابس وهي لسى مانشفت تمام يسهل الكي
شراء معطرات الجو لاوقات الزياره المفاجئه او في حاله مافيك تشعلي فحم وتبخري
تكشين كميه كبيره من البصل مريحه جدا وحفظها بالثلاجه 
تقطيع الخضار وتفريزه للايدام والصواني والشوربات وفرم الشبت والبقدونس وحفظها بالفريزر
تنضيف كميه من الدجاج وتفريزها تصبح جاهزه للاستخدام للقدر ع طول
اخراج الدجاج او اللحوم من الفريزر ووضعها بالثلاجه من الليل ووقت الغدا تحصليها جاهزه وذاب الثلج بدل الانتظار 
تعويد الاطفال ع النظافه والمساعده ولم العابهم وعدم اخرراجها من غرفتهم
تخصيص درج اواثنين لمواعين الاستخدام اليومي 
لها فائدتين الاولى المحافظه على باقي الدواليب نظيفه بدل لمسها وفتحها كل اشوي
الفايده الثانيه عدم تراكم المواعين بالمجلى يصير اذا احتجتي ملعقه مثلا تضطرين تغسليها وتستخدميها بدل ماتطلعي وحده جديده 
ترتيب السرير اول ماتصحي من النوم يحسسك ان الغرفه مرتبه
نظام توقيت المنبه لكل غرفه خمس او عشر دقائق ترتبي فيها واذا انتهى الوقت تتركيها وتنتقلي للمكان الثاني 
اخذ منظفاتك كامله معاك وقت الشغل اسهل واسرع  من كل اشوي رايحه تجيبي غرض
الشغل وقت مالاطفال يكونوا نايمين 
التسبيح والتحميد والتكبير قبل النوم خير من خادم
فتح اذاعه القرآن او قرآن او محاضره او اناشيد بدون موسيقى وقت التشغل تحمسك للشغل 
تنضيف المطبخ قبل النوم ومسح الكاونترات والفرن ووضع كميه من الكلور والعملاق الاخضر بفتحات المجلى بعد تنضيفه