سلام
فكره الصناديق الي بها كلين وتكون زي الشبكه احسها حلوه وجديده
زي ذي وتكون بأحجام مختلفة






والأشياء الخاصة ممكن هنا وبطريقة روعه


أتمنى وصلت الفكره

شوفي حبيبتي
طبعا الملابس مكويه و مغلفه بالنايلون يبيعه المكوجي و معلقه في استاندات و ملفوفه الاستاندات بالتل و مزينه الورود و الاشرطه
القمصان القصيرة زمان كانو يحطوها في صناديق دحين ساروا يحطوها داخل بيوت و هي معلقه طبعا ازا تبغي تتفنني تكون البيوت مفصله مو من الجاهز العادي انا في دبش اختي استاجرتها من حرمه تاجر زي كدا اشياء و كانت مرا شياكه
غرفه النوم عاد اتفنني فيها اللحاف و المفارش تبع التسريحه و الكوميدينات و الطقوم حقت غرف النوم اللي تجي زي اللي في سنتر بوينت مع السله و علبه المناديل كلها الوان موحده
كمان الاطواق فيه استاند استاجرته كمان من نفس الحرمه ترصي عليع الاطواق مرا غريب كدا اسطوانه ملبسه عريضه و كانت تحفه على التسريحه
كمان العطور و المكياج كلها تترتب في علب شياكه و لا تنسي الشموع و التحف اللي تتنثر على التسريحه
و بتلات الورد الصناعي تتنثر فوق السرير كمان لما يفردوا لحاف العروسه
و الحمام طقم كامل مع جميع مستلزماتك في سلال شياكه بلون واحد و كمان فيه الفساتين الصغيرة اللي تتعلق ورا الباب فيها الالويز و طبعا الشموع و الورود المعطرة
و حاولي توحدي لون جهازك كل شي بنفس الالوان
حتى المطبخ لا تنسي تضيفي لمستك عليه
طقم مفرش الطاوله و الكراسي و عيون البوتوجاز و كمان غطا الدورق كلها طقم
و هدي الاشياء الصغار اللي تتلصق على الثلاجه و شويه تحف على شموع
خلي البيت كله يتغير و لمساتك تبان عليه
هذا اللي افتكرته و الله يوفقك

ترتيب وتعب على الفاضي مصيرها بتنرمي بالزباله والملابس بالدولاب
مالك الا الحقايب والصناديق علشان تستفيدين منها ....

ام ريما تسلمي عالافكار الحلوة

ممكن اعرف انتي من وين وكم رقم الحرمة الي تأجر

ربي يوفقك
بس رايي من راي رواد ال الشيخ *-*