نبي نتعلم الكلام الحلو والذراابه والأسلوب♡

السلام عليكم ..


اسعد الله مسائكم ~ 



عـاده بالمجالس سواء رجاليه او نسائيه نلاحظ بعضهم كلامه حلو .. .. يعرف يرد ويسولف .. 
دائما ماتميل لهم القلوب وتحس انك ترتاح يوم تسولف له .. حتى الحريم الكبار اذا بغوا يمدحون بنت .. 
يقولون "يازين كلامها" .


بين قوسين "الذرآبه"


انك تعرف ترد على كلمه موجهه لك بطريقه لبقه يعطيك الكثير من الاهميه


وبمآ اني على وجه اجازه و مناسبات ----> 
لازم اتعلم الذرابه 


مثلا يوم كنا صغار ماكنا نعرف وش معنى بعض الكلمات او كيف نرد عليها .. حدنا "الحمد لله بخير" لكن يوم نكبر نسال اهلنا 
.. الكلمه هذي وش يردون عليها ونقعد نتعلم "




فيه مثل يقول "الملافظ سعد" .. وانتم تلاحظون لاشفنا احد علاقته كثيره وانسان اجتماعي
دائما ماتلقى كلامه حلو واسلوبه مع الناس يبين اهتمامه فيهم .. ودائما يقولون
"* فلان طلعه مع الناس لسانه*"



حتى هنا بالانترنت ماشاء الله بعض البنآت تحبين تقرين كلآمه وحتسيه وانت ماتعرفينهآ 
.. بس لانهآ تعرف تنتقي كلامهآ وتحس ان كلامهآ موزون ومرتب ..


----\مدخل :
اتذكر يوم كنت صغيره كانت فيه كلمه تعقدني ماعرف ارد عليها .. اذا عطيت احد شي وقالي " عشتِ " 
يااني اتنح مدري وش اقول .. الا ان سخر الله لي اخوي وسالته عنها ..
قام يضحك شوي بس جاوبني جواب كافي وعطاني محاضره عن " الكلام 


ياكثر مانسكت لاسمعنا كلمه جديده ونسال بعدهآ "وش يردوووون !" 


ماهو عيب انك ماتعرف ترد اليوم , العيب انك ماتعرف ترد عليها بكره وبعده وبعده : )


خاصه ان فيه بعض الكلمات ممكن اول مره نسمعها .. تكون من شخص من منطقه ثانيه وتختلف اللهجه
.. عشان كذا بعض المرات نكتفي بقول "الله يسلمك" 
وانا اعتبرها مخرج من اي كلمه ماعرف وش يردون عليها



نبدآ نتعلم 


1-
من الكلمات اللي كانت جديده علي واستفدت منها كلمه "لا تعبت" وهي كلمه تنقال اذا شفت احد قاعد يشتغل ويكرف 
والا يشيل له اغراض  فتقول له لاتعبت ويرد عليك "لا ندمت "



2-
بعد مثلا اذا احد سلم عليك وانت ماتقدر تقوم والا كنت جالس تقوله"عز الله مقامك " ويرد عليك"مقامك عزيز"


3-
طبعا من المعروف عندنا النساء ووكآد الرجآل لانه عيب تقدم شي بيدك اليسار .. مثلا كاس مويا او اي غرض المفروض تعطيه باليمين 
.. لكن بعض الاوقات تكون غصب تمد له باليسار او تنسى وكذا .. 
فتقول للي انت مقدم له شي باليسار تقوله "شمالـ ن ماتشناك" 
من باب التقدير والاحترام ..
4-
بعد فيه كلمه حجازيه اذا كنت عند ناس ورحت من عندهم يقولون لك "آنستنا" او "آنستونآ"
اول مره قالوها لي طبعا كلعاده الرد كان "الله يسلمك  لكن بعد ماسالت عنها صار ردها "انتوا الانس"




5-
فيه كلمة تنقال للي وصل لهم قريب من سفر , ( قرة عينك ) نردبشوفة نبيّك .. 


6-
اذا حدن قآلتس بعد العشاء بالعزايم " سفره دايمه" تقول له "هني وعافيه"


7-
من ضمن الأشياء اللي أعرفهن يقالن ----> اثرني طلعت ذربــه
مثلاً يقولك لبيه تقول لبيت حاج / أو لبى قلبك
سم / سم الله عدوك
والنعم / ماعليك زود 
خطاك السو / خطاك اللاش
8-


انطــح فالكـ أو تفاول<<أي شاركنـا الطعـام 
ومدري وش يردون عليها ... حنا نقعد ونبلع على طـول مهوب لازم نرد
أنعم الله عليــكم << تقولونها عقب ماتشبعون .. لراعي العزيمه اللي تو .. ويرد >> صحه وعافيـه
أكــرمكم الله << تقال اذا خلصت العزيمه وبغيتوا تسرون .. ويرد >> حياكـم الله 
ثم خلاص اطلعوا وصكوا الباب .. خلصت العزيمـه 
ايه صح نسيت صح النوووووم <<< كثير تنقآل لي <<< صح بدنك



9-
ادري ذي كلمآت بسيطه بس بعضنآمايعرفه
" ما تشوف شر " الرد " الشر ما يجيك "
اذا احد قلك على شي عندك " حلو"او شكلك حلوو الرد " تحلى أيامك"


زيّ أول ما كنت اعرف وش اقول لا قالوا : انعمْ الله عليكمْ  !
بعديّنْ عرفت الرد وَ هو : ( فيه العافيه ) !


فيّه كلمه دايمْ لا دخل علينّا جدي وَ حنّا نتغدا يقولها بسّ مدري وشي هي ! 
لا تذكرتها جيّت وَ قلت لكمْ ..


ايّه تذكرتها , هيّ هنّهمْ وَ يردون عليّه بـ : اقرب منهمْ .
وفيه :
* إذا كح واحد تقول له  
* إذا طاح شي تقول
كفو ترد عليها "كفاك الشر" والا "كفوك الطيب"
/ إذا قال لك واحد ، وش تقول له ؟
تقول ... ولا انـت


الكلمات كثير وردودهآ كثير



نبي نسمــع منكم الكلمات اللي تستخدمونهآ او سمعتوهآ وماتعرفون وش الرد عليها .. عشان نستفيد ونفيد




* الموضوع ارتجالي , اعذرونا على عدم ترتيب الافكار فيه وقلة المعلومات ~



ايه قبل اطلع اذا احد قالكم " عشت " ترى الرد " تعيش اياامك " <~ مانست للحين 



بقوول ختآمآ


يعني اللي ماعطاه ربي الجرأه في الحكي 
اقلها يدخل على الناس بوجه بشوش ...


للأمانه عجبني ونقلته لكم ..

عطونا اللي عندكم وش تقولون؟