العنوان وااضح نبي نضحك على هبالتنا وعلى حركاتنا انا متابعة للمنتدى من 2000 وعلى قولة مشرفتنا ( فن )
من دخلنا طايرين 200 نبي خلطات وطبخات وكنت اطبع للمشرفة عزيزة شي وشويات وكل شي عندي طباعة
وبدون تعديل ولا شي والحبر راح خسارة واجيب لكم هذاك الملف الشفاف ابو جيووب واوزع الاوراق وارتبها
مسوية فنانة واجلد الملف وكل ما اروح مكان اخذهـ معي يعنني حركتاات وانا الوحيدة اللي عندي كمبيوتر ونت
وخبركم اول تليفون ويفصل واذا جيت بقرا افصله ولاخلصت ارجع اشبكه
<<<<<< ياليل ابو لمبه ههههههههه
ويوم يجي زووجي يقولي ما تملين انتي؟
اقول حرام هذي تبي الطبخة الفلانية والا الخلطة العلانية ابي اسجل الخلطة موجودة
عندي بالملف يقولي لا انتبهي لا تسجلين يجيك فايروووووووووس طاير 300 ويعدم الجهاز عليك وترى ماراح اصلحه
وانا ابقق عيووني فايرووووووووووس
قال ايه فايروس يعدم ابو الجهاز عليك والمحلات هنا ما يصلحون الاجهزة غير يرسلوونه للرياض والا جدة يعني
يبي له كذا شهرين او ثلاثة حتى يصلحووونه قلت حشى لو يصلحون وانيت ما يقعد كل المدة هذي عاد تدري
بلاش تسجيل وانا اكذب عليه سجلت هنا بس ما شاركت غير مشاركتين مدري ثلاثة ويوم قالي هالحكي وانا اطير
عيوني قلت ابدن ( ابداً ) ما اشارك حتى الفيروس ما يخرب جهازي شلون اجلس بدون نت
<<< مثقفة الاخت
واتصل على اخت زوجي تدرين يافلانة فلان زوجي وش يقوول ؟ كذا وكذا
قالت اخته ابشري اجيب لك العلم بكرة وحدة من خوياتي عندها نت وكمبيوتر اسعلها وارد لك
ويومين وانا انتظر الاجابة وتجيني اجابتها طايرة الفين : يافلانة لا تسجلين خويتي تقول فايرووسات تشوفينها تطامر
قدامك انتبهي لا تسجلين
وانا انكسر مرة ثانية كان عندي امل يكون كلام زوجي مبالغ فيه بس خويت اخت زوجي اكدت الكلام لذا لابد اني
ارضخ للأمر الواقع وابلع العافية وبس اكون زائرة واسجل خرروج من هذاك المعررف وليومكم انسى الباسوورد
والايميل واليوم افتش بالارشيف والقى معررفي غير مشاركتين بغيت اصيح :icon33:
على فكررة الملف من كثر ما جاته عين من قريباتي انسررق مني :44: كنا طالعين كشته وقتها الجماعة كلهم موجودين والملف من يد حرمة ليد بنت ومن صغير لكبير وفجأة : وين ملفي ؟ وما لقيته ليومكم !! :(
بس الله يسامحها اللي اخذته اهم شي انها استفادت منه :angry:
والزبدة نبي نعمل اقتباس لأول موضوع او اول رد لنا هنا ونشوف استهبالنا ونضحك مع بعض نبي نطلع من جو الكآبة
وهذا اول موضوع لي كنت دبة وابي انحف واسمع باسم الحبوب واسوي بحث وقلت مافيه غير انزل موضوع اسأل
البنات وما قصرووا بالردود وهذا اقتباس
الرابط هنا
http://forum.hawaaworld.com/showthread.php?p=7130381#post7130381
اسدحوووووووووووا ردودكم الاولى ومواضيعكم نبي نضحك
تحياااااااتي ,,,,
يابعد هالدنيا وينك @yabaad_haldnya_oynk
عضوة فعالة
يلزم عليك تسجيل الدخول أولًا لكتابة تعليق.
أول موضوع حطيته في الواحه الترفيهيه أتوقع شفتوه عن الخلطه السريه لبياض الصينيات اللي هي عباره عن صراصير وزبادي منتهي بالخلاط هع هع الله يكرمكم وانحذف الموضوع وبس ..أول موضوع حطيته في الواحه الترفيهيه أتوقع شفتوه عن الخلطه السريه لبياض الصينيات اللي هي عباره عن...
نورتيني ياقمررررر اووما زبادي وصراصير :09: اكيد مكرر عشان كذا انحذف
حياكـ قلبووو ,,,
حياكـ قلبووو ,,,
اول مشاركه لي في موضوع فتوى الشيخ العبيكان عن تأخير صلاة الظهر وهذا ردي
---------------
واول موضوع لي
اعطيت الشغاله كف وردتلي اياه كفين لانه حسب قولها انسانه
---------------
واول موضوع لي
اعطيت الشغاله كف وردتلي اياه كفين لانه حسب قولها انسانه
انا اول ماسجلت كنت ارد بس اما مواضيع مااحط بس يمكن حطيت موضوع والله ناسيه اسمه انا صار لي سنتين بس في المنتدى
الصفحة الأخيرة
..