نتائج استعمال خلطة النوى و اضافاتي عليها لرموش اجمل دائما

السلام عليكم بنات


اكيد كلكم تعرفون خلطة نوى التمر و الخروع للرموش

و اللي جربوها اكييييييييييد يعرفون وش معنى دخول الزيت بالعين واحمرارها والحراره اللي تجي مع هالزيت :06:

انا سويت طريقه مختلفه شوي و كانت بصراحه رااااااائعه ((يرجى ذكر الله لاني كل ما كتبت وصفه تفقد مفعولها))

احب اذكر لكم طبيعة رموشي و جفوني: اولا انا اتمتع بجفون دهنيه و رموش باهته يعني الشعره من قد ما هي ضعيفه لونها رماددي مو اسود .. رموشي كانت طولها و كثافتها عاديه بس قامت تتساقط بسبب الماسكارا والكحل .. الكحل الدهني يطيح الرموش
صاروا قصاااااااااااااااار وخفيفين .. يعني حتى بالماسكارا ((في اسوء حالاتي)) كانت رموشي مو حلوه ولازم اركب لي رموش مفرده عشان يبين شكلي اوكي


طبعا انا قلت لا يمكن استمر كذا و خصوصا ان عندنا بالعيله بنات رموشهم تجنن ما شاء الله عليهم الله يهنيهم
لدرجة في ثلاث منهم الكحل شييييييييييييييييين عليهم لان هم مكحولين خلقه والكحل يسكر عيونهم

الله يرزقهم جمال على جمالهم

طبعا الغيره بدت تشتغل و خصوصا ان مؤهلاتي الوراثيه من الوالد والوالده ما تسمح بالرموش الطويله و ((ملاحظه اغلب صاحبات الرموووووش مشعرات))
حنا مو مشعرات يعني سبحان الله كل ناس لهم نعمه يتمتعون بها .. ربي عاااادل حتى بالجمال

المهم مع البحث بالنت والتجارب الناجحه والفاشله وصلت لهالمرحله ((وهي ما قبل زراعه الرموش))

سويت خلطه وكنت احطها بالليل بس لان رموشي مو قويه وما تتحمل احط الخلطه طول اليوم فا راح تنزل عالجفن و تضايقني
لكن بنهاية الاسبوع الثاني صرت احطها ليلا نهارا لان رموشي صارت اقوى
بنهاية الاسبوع الاول كنت اشوف رموشي اغمق + اطول قليلا و بالماسكارا شكلها يرضيني نوعا ما
بنهاية الاسبوع الثاني صرت مع الماسكارا الاحظ وجود شعر قصير شوي .. و هالشي اكد لي وجود الكثافه
مع العلم اني رموشي ما تستجيب لخلطاااااااااااات كثيييييييييييييير مذكوره بالنت .. مو لان الخلطه سيئه او خفيفه .. ولكن الناس انواع

اللي ناسبني هو :
اني احط مفالا مقوي الرموش مرتين باليوم ((ليلا ونهارا)) وتلاقونه عند قزاز بسعر 33 ريال ولو اخذتي 3 حبات غالبا يعطونك الوحده ب 30 ((قزاز الراشد يسوون معي كذا وانا عموما المصريين يحبوني خخخخخخخخخ ))

بعد ما تخلين مفالا شوي يجف عالرموش وهو زي المويه بسرعه يجف حطي الخلطه التاليه نفس الماسكارا بالضبط و اصلا بتعطيك نتيجة الماسكارا من سواد واطاله + انها مغذيه و مفيده لتطويل وتكثيف الرموش

وهي عباره عن م.ك نوى تمر مطحون و اعجنيها بزيت الخروع لحد ما تصير عجينه ثقيله و اضيفي لها فازلين ((الخفيف الجديد مو الثقيل!!)) و اعجنيها بالفازلين لين تشوفين قوامها صار عجينه

ليش الفازلين؟؟؟ لانه راح يتمازج بالزيت ويمنعه من النزول بالعين و ما يحرق او يضايق + معلومه مهمه وهي ان الفازلين يطوووووول الرمووووووووووووووووووووووش :32:

مرتين باليومممممم

تبين تجتهدين و تحطين فص ثوم مهروس !! او تبين تجتهدين و تحطين زيت الجرجير مع زيت الخروع !! لكن ما انصحك تطلعين من هالاضافتين لو تحبين تسوين اضافه لاني ما اعرف وش بتكون النتيجه


ووووو بس .. :35:

النتائج زي ما قلت لكم .. عالاسبوع الاول رموش اطول .. عدم التساقط اطلااااااقا
الاسبوع الثاني نبتت رموش سعنونه + الاستغناء عن الماسكارا ((انا من الناس اللي شكلي يع بدون كحل وماسكارا واليوم اول مره بحياتي اطلع بدونهم .. فقط الخلطه على رموشي وروج احمر وكنت حلوه !! ))

ارجع اطلب منكم يا عضوات تذكرون الله .. مو عن شيء ولكن لاني لاحظت توقف الخلطات عن العمل لما اكتب عنها .. وانا ما ابي اكتم معلومه يمكن تحتاجووونها بيوم من الايام