كيف المعنويات ؟؟؟
اهم شئ يابنات لا اوصيكم
عليكم التحلي بالاخلاق السعودية..
وتكون عنكم روح رياضية في تقبل النتيجة
زيي مثلا ..
مهزومة واحد صفر وعادي انكت واشارك الغير فرحتهم:30:
من جد انتبهوا لانفسكم انتم ثروة الوطن
مانبغى حالات اغماء
والا زعل ..
والا حش بالوزارة ..
اهم شئ الاخلاق والله الله بالاخلاق
-----------------------
نجي للجد ..
يقول ابوي طول الله عمره ماله داعي تنتظرين الوظيفة ماراح يجي اسمك؟
وانا اللي ازعل واقول لابوي:ان شاء الله يجي من عام 1424 وانا حاطه يدي على خدي ومتكيه وانتظر (ما اقولكم قوة تحمل عجيبة واخلاق سعودية قمة)
الا ابوي يعطيني الرد الصاعق:
يابنتي فكري بعقلك واتركي الاخلاق على جنب..
ايش الافضل والاوفر لهم
انهم يحطونك بوظيفة رسميه وراتب ثابت مايقل عن 3000
او انهم يعطونك اعانة 2000 ويمكن ماتشملك الاعانة :42:ويمكن يلقون اي وظيفة ويغصبونك عليها
وانتي بنتي الحلوة
ماتبغين الاختلاط صح والا لا
وانا اقول: صح
ويقول ابوي:ثمن ياتقبلين يا ماتقبلين وفي الحالة اللي ماتقبلين فيها بتروح الاعانة...
فكرت قلت يابنت عصفور باليد خير من عشرة على الشجرة معيين ينزلون كن احد ملزقهم بغراء قزاز...
امسكي مصروفك الشهري بيدك والله يخليلك اللي يصرف عليك بدون مايتمنن والا يماطل والا يمارس ضغط نفسي على قلبك
حتى انتم ماراح احد ينفعكم الا ابهاتكم
او ازواجكم ويمكن اخوانكم فخلو روحكم سعودية
انا متفائلة ان شاء الله ينزل اسمي
وانتم كيف معنوياتكم؟
بس سجلت بحافز يكفي ولا لا..؟؟