نتائج تجربتي مع تمارين كروز

السلام عليكم ورحمة الله وبركاته


تمارين كروز تمارين غنية عن التعريف وانحكى كثير عنها بالمنتدى ولكن لمن لا تعرفها هي عبارة عن تمارين منوعة كل يوم تشمل منطقة محددة من الجسم ومدتها 8 دقائق سهلة ومركزة .
وتترافق مع نظام غذائي ومجموعة من تمارين التخيلات .

هناك عدة كتب للمؤلف منها 8 دقائق في الصباح من اجل بطن رشيق
8 دقائق من اجل اوراك رشيقة او نحيفة ما اذكر وهذان الكتابان موجودان في المنتدى لمن ارادت تحميلهما

وغيرها كتب لم اجدها free down load على النت بعد ولكنها موجودة في المكتبات


عادة ينشا موضوع جديد عن حمية ما او طرييقة جديدة وتلاقي البنات تحمسوا وبدنا نتبع الشي الفلاني ومين بتبدا معي ويالله تجمعنا وبدينا وبعد فترة بيروح الحماس وكل مين بيمشي بطريقه ولا مين سمع ولا من دري ولا نعرف شو نتائج هالشي الفلاني الجديد.:16:

اليوم رح احكيلكم عن تجربتي مع تمارين كروز والخلاصة اللي وصلتها: اول شي يا طويلات العمر طولي 162-163 يتغير حسب الحرارة والبرودة خخخخخ
ووزني كان 88 الله لا يعيد هديك الايام :06:
اليوم 81
ولان سمنتي في منطقة الخصر والبطن بديت بتمارين كروز من اجل بطن رشيق


اول مرة عرفتها اتبعت المرحلة الاولى 4 اسابيع وكنت ماشية على دايت بس اكلت اكثر من المطلوب ومع هيك نزلت 3 كيلو والاحلى هو نزول محيط الخصر 7 سم والبطن ما اذطر بالظبط .لكن النتيجة تظهر بالشكل روعة وكل من يقول نازلة كثير وانا وانتم نعرف انها 3 كيلو بس لكن الكل يفكر اكثر بكثير لان الخواصر نحفوا والخصر صار مشدود والدهون اسفل الظهر خفت وعطتني شكل انحف لوسط الجسم.

المهم مع الايام والشهور زدت ونحفت لحد شهر كانون الثاني مرضت رشح قوي كثير وبقي اسبوع او اكثر ولقيت نفسي نازلة لل84 فرحت يا ريتها بالعافية بس الحمد الله .
وقررت احافظ عليها ومرت الوقت لحد ما وصلت لل80 ففرحت كثير كثير لاني ما شفت هالرقم من زمان وكنت يائسة اوصله .
فبديت بكروز من جديد على اساس ما ازيد منجهة ومن جهة ثااانيةاتابع مسيرتي وانزل وزني اكثر . وهكذا بديت بالمرحلة الاولى من كروز لكن ما تابعت اي ريجيم وبالعكس لاحظت اني اكل كثير وبخبص وما في وقت محدد ولا تنظيم بالاكل فظنننت اني رح ارجع اكثر من الاول . لكن التمارين حافظت على وزني .
استمريت على المرحلة الاولى 4 اسابيع والثانية 3 اسابيع ووقفت بسبب الخروجات الصيفية ورمضان بعدين.

ورغم التخبيص العجائبي في الاكل لكن وزني ظل ثابت على 80 . وبعد توقف التمارين لاكثر من شهر مع التخبيص زدت كيلو ونصف فقط من تخبيص الاكل.اذن بعد الوصول للمرحلة الثانية :
الحلو انه كل مين شافني يقول نحفانة كثير والخواصر ودهون اسفل الظهر راحت بالمرة .خصري نحف كثير والمعدة من الامام( دهون اللي فوق الخصر ) نحفت بشكل واضح الخصر مشدود . الملابس صارت احلى بكثير ماعادت تجمع عند الخصر بديت اخذ اشكل الساعة الرملية ويظهر الورك شوي .

اللي لاحظت باخر اسبوع من المرحلة الثانية انه الجوانب من عند الصدر واللي صدرها كبير رح تعرف عن شو عم احكي خفت كثير يعني اول تحت الذراعين كان عندي دهون والان خفت كثير .

اما الشعور وهو شي ثاني احكيلكم عنه : صرت حس حالي نحيفة اكيد مش عصقولة بس رشيقة مع انه بدي 20 كيلو لسا لصير رشيقة .لكن كل يوم مع التمارين حس جسمي عم ينشد ويصير انحف . وحس بفرح لاني عم بهتم بحالي .وبديت اهتم بشكلي وبلبسي اكثر وصرت اتشجع اخذ مقاس اصغر وفي كثير ثياب بقياسات اصغر صار ت حلوة عليي.
ايام حلوة كثير كثير . تحسنت ثقتي بنفسي وبشكلي وما عدت اخجل من جسمي مثل الاول .
وخفت حساسيتي لما شخص يحكي عن السمنة او غيرها حتى احيان انسى اني لسا سمينة واعتبر نفسي نحيفة وهذا الحديث ما يعنيني.:p

الخلاصة:

تقييمي لتمارين كروز :
الصعوبة : بسيطة الى متوسطة تزداد مع المراحل ولذلك لا تنتقلي الى المرحلة التالية اذا لم تكوني مرتاحة جدا ومعتادة على المرحلة السابقة

الوقت المطلوب: هذه من مميزات هذه التمارين 8 دقائق بس يعني تخلص قبل ما تستوعبي انك عم تتمرني واذا عملتيها اما م التلفزيون او وانت تسمعين شي لن تشعري بالوقت ابدا . وفي الايام التي تفقدين حماستك فيها ولا ترغبين بالتمرن يتطلي الامر فقط النهوض والبدء لتجدي ان الوقت انتهى قبل ان تبداي بالتذمر.

الاستمرارية: نقطة مهمة جدا طالما نتهرب منها وننكرها بكل ما استطعنا . التمارين الرياضية ليست موضة او نتبعها كم يوم حتى ننحف ونتركها لا هي شي مثل الماء والطعام هل تستطيع ان لا تشربي اليوم ماء لانه ما جايي على بالك ؟؟؟؟؟ اكيد لا والتمارين الرياضية هيك لازم تصير جزء من حياتنا اليومية شئنا ام ابينا اذا كنت تريدين حقيقة من كل قبلك ان تخسري الوزن الزائد وتحافظي على شكلك اللي طلعت عيونك وانت تتمرني وتتبعي حميات حتى توصليله .:06::06:
يعني هذه الحقيقة المؤلمة اللي لا زم نذكرها وهنا :30: تمارين كروز بما انها 8 دقائق ممكن تفكري انك تستمري عليها .كنت اسال نفسي كل يوم هالسؤال : هل تستطيعين ممارستها كل يوم في حياتك . وكنت اجاوب اذا كان هذا ما يتطلبه الامر حتى احافظ على الجسم المشدود الحلو والشعور الرائع اللي اشعره بعد التمرين ( احس بنفسي انحف وانا عم اتمرن خخخخخ :22:) فليش لا . هي 8 دقائق وانت عم تطبخي بين ما تستوي الطبخة اعمليلك هالتمارين وانت على التلفزيون او النت يعني شغلة سهلة وليست مستحيلة بس يبيلها مثابرة . وتذكري يقول مدربوا التنمية البشرية ان اي عادة جديدة حتى تصير عندك عادة روتينية بالفطرة لازم تستمري عليها 21 يوم وفعلا يا بنات تصير الامور اسهل كثير وتقومين فيها بدون تفكير .


المعدات المطلوبة : بالامرحلة الاولى والثانية ما بدك اي شي الا وزن كيلو او كتاب وزنه كيلو او زجاجة فيها رمل المهم ثقل ما لتمرين الخصر في المرحلة الاولى .

المرحلة الثالثة اللي لسا ما وصلتها بدل كرة وباند مطاطية .

احيانا مر بححالة كلنا نعرفها ومرينا فيها ما جايي على بالي اتمرن اليوم ...اممم فكنت اما اقول اتمرن وانا عم نق واتذمر ولاقي حالي تمرنت وخلصت ولسا ما وقفت نق وتذمر او اجل ترين اليوم لبكرة وهذا كن تاسمح فيه مرة وحدة بالاسبوع يعني بكرة اتمرن جزئبن يعني 16 دقيقة ففكري بالموضع منيح قبل ما تاجلي عمل اليوم الى الغد .


لمن تريد خسارة الوزن :
اعتقد ان ممارسة كروز يوميا مع تخفيف ومشي 30 دقيقة برنامج رائع سترين نتائج مذهلة وهذا ما انوي ان ابدا به .

لمن تريد الحفاظ على الوزن :
اتبعي كروز مع كمية الاكل العادية واذا لاحظت ان وزنك ينزل زيدي كم حريرة يا بختك.:22:


لمن تريد ترتيب الجسم دون نزول وزن :
تمارين كروز رو عة لها الشي لانها تشد العضلات يعني رغم اني جسمي مليان دهون ولكن هالتمارين شدت عضلاتي وعطت شكل روعة .

في بنات لما تقول عضلات يوقف عقلها مباشرة ولا تستوعب شي وتظن رح يصير شكلها مثل كمال الاجسام .
يا حلوات انت بنت صح بدلالة الهرمونات اللي عندك والدورة والثدي يعني عندك بروجسترون واستروجين وليس عندك تستسترون يعني ما عندك الهرمون المسؤول عن نمو العضلات بالشكل اللي تخافين منه .كل اللي ممكن يصير انه عضلاتك بتنشد وبدل ما يظل العضل والجلد مرخي ومترهل ينشد .
اما اذا شفتيلك شي وحدة جسمها مليان عضلات فهذه بيني وبينك تاخذ هرمونات حتى وصلت لها الشكل وانصحك ما تقولي هالكلام بوحهها لانه :angry2:



اتمنى تستفيدون من تجربتي انا جاهزة للرد على الاسئلة .

واكيد بخبركم باخر التطورات والنتائج حال حدوثها :p