أنا كان عندي حبوب صغيره وشالتها بس عندي زي الكلف بسيط على الوجه بعد ماأحط الخلطه ولليوم الثاني وهي تحرقني ماأدري أكمل أولا وللعلم صار لي 4أيام وماشفت أي تغير في اللون

بالله النتايجه تبان من كم يوم بعدين حبيت اعرف هو كريم اطفال علاج لايه

معليش إختي DESTINY, باتدخل شوي وبرد على البنات, إذا ما فيهه لقافه مني....

كريم سودو, أصلاً هو للحالات التالية: إلتهاب الحفاض للأطفال, حروق الشمس, حب الشباب...وهذا الكلام مو من عندي, هذا الكلام مكتوب على العلبه نفسهه...

أنا في وجهي أثر خفيف لحب الشباب, وإستخدمت خلطة الإخت DESTINY الله يحفضهه بنفس المقادير, مع إضافه بسيطه, وهي إضافة قطرات من زيت فيتامين E.

والله إن الخلطه في خلال إسبوع تقريباً طلعت إبهه بنتيجه مذهله...

أنا لوني حنطي مشمشي, والحمد لله, بس من الشمس , إسمريت وأثر حب الشباب محد يلاحظه إلا أنا إذا دققت النظر فيهم...

بس مع الخلطه , ولله الحمد, فتح لوني للطبيعي, مثل ما قلت لكم إن الكريم لحروق الشمس بعد, و أثر حب الشباب بعضه إختفى و بعضه كلش فتح, وأحس إن الوجه كلش نظيف, حتى لما أضحك أو أزعل أو أستحي , تصير خدودي حمممممررره...هيهيهيهيهيهييييي...

الخلطه أحطهه بالليل و أنام فيهه للصبح , و أغسلهه عادي, ولاحظت إن البشره تكون كثير مرتاحه...

مقادير الخلطه على ما أذكر إذا ما كنت غلطانه:

2 ملعقة كبار سودو كريم
2 ملعقة كبار زيت اللوز,( من الصيدلية اللي صناعته English)
2 ملعقة متوسطه من الفكس الأزرق
و أضفت ملعقة صغيييييييييره من زيت فيتامين E.

ومشكوووووووووووره حبيبتي على خلطتج الأكثر من رائعه .......

خوخه7 // حبيبة قلبي مرخووووصه يالغالية وزين ماسويتي ---كلنا خوات والي تشوفونه لمصلحة الجميع سووو وانا من ناحيتي اسمح لكل اخت غالية انها تجاوب البنات بغيابي اذا كانت متقنة الاجابه عشان الكل يستفيد ---وتحياتي لج وحبيبتي دموع الشوووق ؟؟ وفيكم الخير والبركه كلكم

والحين برد ببعض الاجابات علىالبنات عشان كلامي وكلامج يكمل بعضة :39:

catty // تسلمين حياتي على الدعاء ويارب يوفق الجميع

نداااااوي // والله الحلوه انتي ياروحي :27: وعليج بالف عافية --وربي يجمعنا بالجنة ---آآآمين

Amarige // حبيبتي الاخت خوخه7 ماقصرت كتبت المقادير --وممكن بعد ادخلي على الموضوع بتوقيعي تلاقينه كااااااااامل

حـلا // ليش استعجلتي وكبيتي العلب كلها على بعضها ياحياتي كلشي له مقدار وموزين تكثرين الفكس ؟؟ الحين لازم تزيدين الكريم وزيت اللوز يعني ( 4 ملاعق كريم سودو full + نص بطل زيت اللوز ) عشان يخف الفكس وراح تصير الخلطة تكفي شهوووور

" حبيبتي الكويت " // العفو ياقلبي ولاتنسين تستمرين مو يوم ويومين !!

ام الزين لولي // يالغالية زيت اللوز المر للجسم لانه ثقيل وممكن للوجه احيانا --وزيت اللوز الحلو للشعر وبشرة الوجه لانه خفيف وسهل الامتصااااص

sunrise22 // هلا حبيبتي --اكيد تنفع لاثار الوجه واول شي تعالج الحبوب الملتهبه وتصفي الجلد حتى اذا بظهرك او باي جزء بالجسم بس استمري خلي مفعولها يشتغل على الاثار والسماااار

H W I D A // ياقلبي انا سبق وقلت لاتستخدمون معاها شي هو لازم يخرب عليها ؟ لانه الليمون يزيل الدهون بالبشره يعني يضيع المفعول للتركيبة الي تحت الجلد ويقف نشاطها وماي الورد يشد البشره يعني يقفل المسام الي يفتحه الفكس والمره تعتبر مضاد للالتهابات وتقريبا تعمل عمل السودو مامنها خوف ---انا افضل انك تختارين وحده من الخلطتين لاتستعجلين بالخلطات خلي كل خلطة تاخذ وقتها وعلاجها بروحه حتى تقدري تفرقي بينهم وتعرفي نتايجهم ---صح :27:

بصيص أمل // حبيبتي اذا الحرقان يصير معاكي لثاني يوم خلاص وقفيها لانه بشرتك تبيلها تقشير للكلف والتركيبة عالجت الحبوب بس الكلف ؟؟؟ لانه اول وحده يظل الحرقان معاها لثاني يوم ( روحي طبيب جلدية للكلف ) لانه الفكس يظل شويه مفعوله ويبرد مايحرق

مستبده // النتايج من ثاني يوم تبان وكل وحده وحسب تعب بشرتها --- الكريم هو للاطفال لللاتهابات الجلدية والتسلخات يفيد مايضر


وتحياتي للجمييييييييييييييييع

الله يخليج عزيزتي DESTINY , وهذا الرد منج ما يدل إلا على ذوقج و أخلاقج العالية...

وأنا أشكرج مره ثانية على خلطتج الحلوه و اللي بالفعل و بدون مبالغه إستفدت منهه, وخاصه إن زيت اللوز هو الزيت اللي أستخدمه دايماً في تنظيف بشرتي و ترطيبهه, وحبيت خلطتج من شفت إن زيت اللوز من مكوناتهه...

ومشكوووووره مره ثانية يالغالية..

وشكراً لصاحبة الموضوع إن طلبت ذكر النتايج , علشان الكل يستفيد..