أخباركم بنات إن شاء الله زينين
أولا أحب أشكر الأخت الفاطمية وأقلها المنتدى من جد فاقدك
وأقلها الله يوفقك ويرزقك الفردوس الأعلى
ويحقق لك كل أمنياتك
من جد يابنات خلطتها رائعة لكل مشاكل البشرة
أنا أستخدمتها من فترة والحمد لله
وصحباتي هالحين كلهم يستخدمونها
والخلطة بسيطة وماتأخذ وقت
أول شيء يغسل الوجه بالصابون أنا أستخدم صابون الغار بزيت الزيتون
الخلطة زيت لوز حلو (حلو)
وفيتامين A
وهذه صورته علشان الموضوع يكون كامل
وهذا بالإنجليزي علشان خاطر عيوووونكم
نأخذ حبة فيتامين ودبوس أو أبرة أو سكين نفتحها ونأخذ الزيت ونحطه بطبق صغير
(الفيتامين عبارة عن كور صغيرة بداخلها الزيت)
ونضع فوقه شوي زيت لوز حلو يعني تقريبا المقدار اللي يكفي وجهك ورقبتك
ونضعها على الوجه في الليل ونامي وفي الصباح غسلي وجهك
بعض الخوات مايحبون يحطون زيت بالليل
مو مشكلة في الصبح في الظهر اهم شيء تخلينها فترة في وجهك 3ساعات
يوميا لمدة أسبوع وشوفوا النتيجة
على فكرة يابنات تناسب جميع أنواع البشرة لأن بشرتي تختلف عن بشرة صاحباتي
وناسبتنا كلنا والحمد لله
وهي مفيدة للحبوب وللكلف والآثار وكل مشاكل البشرة إن شاء الله تفيدها
هذه تجربتي وحبيت أنقلها لكم
أعتذر على الإطالة بس حبيت أوضح الموضوع كامل
ودعواتكم يالغاليات لي وللفاطمية صاحبةا لخلطة
وأي استفسار أنا بالخدمة :)