نتبهي لاتكونين خربتي بيوت بدون قصد

بسم الله الرحمن الرحيم.



اخواتي العزيزات صدقوني الموضوع خطير بقدر مايدل العنوان وانا بتكلم عن شيء كلنا نسويه بحسن نيه بحته وهو لماتجيك وحده تشتكي من مشاكلها بشكل عام والزوجيه منها بشكل خاص وتبدا النصايح منا مثلن فـيْ مثل هالقسم لما وحده تعرض مشكلتها اللي هي الاغلب انها مع زوجها نلقى الردود اللي تهدي صاحبة الموضوع وتحثها عالصبر او التأني وفي ردود اللي اقصدها بهالموضوع تأجج المشكله اكثر وتأزم الوضع بدال ما تهديه ?‏?نـا بضرب لكم مثال من. تجربتي اناا انسانه مسالمه بطبعي وماحب المشاكل واول ماتزوجت بجهل مني كنت احكي امي وخواتي وخالاتي لانهم عايشين جنبنا مشاكلي طبعا كانت تختلف ردودهم علي اللي تكبر المشكله بعيني واللي تقول انتي عطيتيه وجه وانتي طيبه ومادري ايش وهم قصدهم خير طبعا بس المشكله ان شخصية زوجي مو مثل ازواجهم وحلولهم ماكانت تناسب مشاكلي معاه لان شخصيته غيروكنت اتبع نصايحهم وكانت وربي مشاكلي تزيد ماتنقص لدرجة انها كانت بتوصل فـيْ مرات للطلاق وبعد مافكرت ومع العشره صار عندي قناعه ان مشاكلي انا احلها بنفسي بدون مااستشير احد وفعلن وربي اني ارتحت نفسيا وصرت اعالج مشاكلي حسب المشكله نفسها ولاني صرت اعرف طبع زوجي عرفت اتعامل معاه بدون استشارات متهوره الخلاصه ياحبايبي من هاللفه الطويله العريضه اكثر. من نقطه
1} لاتشكين اسرار مشاكلك الزوجيه لاي احد حتى اهلك لانهم بيكبرون الموضوع مهما صغر الا اذا الموضوع جدا كبير وماله حل وماينسكت عليه لان بعض الاستشارات تصب البنزين عالنار وتخرب بيوت
2}اعرفي شخصية زوجك وتعاملي معاه وقت المشااكل على هالاساس ولاتخلين احد يقولك كيف تتعاملين معاه لانك ادرى الناس فيه وعاشرتيه اكثر من غيرك
3}التضحيه ثم التضحيه ثم التضحيه لاتقولين كرامتي وكرامتي اذا تبغين حياتك تمشي لازم تدوسين على هالكرامه حبتين عشان تمشي امورك الحياه صبر واكثرها مشاكل والم مو كلها حلوه بس الفرق فـيْ طريقتك فـيْ التعامل مع هالمشاكل
4}لماتكونين فـيْ وضع الناصح حاولي تكونين محضر خير وهنا اهم نقطه فـيْ موضوعي والله ماابالغ ياما حريم انخربت بيوتهم بسبب نصائح كانت بحسن نيه انتبهوا لنصايحكم للبنات تكفون فـيْ ناس بجهل تاخذ هالنصيحه وتطبقها.وتزيد المشاكل عليها لان الحل اللي ناسب زوجك مارح يناسب زوج غيرك الرجال يختلفون فـيْ طبايعهم
5}فـيْ شيء احس الحريم فاهمينه غلط وهو لما يكون فـيْ مشكله الوحده تمد البوز شبرين والدنيا تصير نكد فـيْ نكد ظنا منها انه بهالاسلوب بيتحسف الراقل ويعتذر انامن رايي محد يحب النكد خصوصا لو كان الوضع مشعلل بينك وبينه ماراح يجيب هالاسلوب الا زيادة عناد منه عشان كذا اشوف كثير يقولون بالايام حقرته و ماكلمته ولاحاول يعتذر رغم انه الغلطان عزيزتي الاوادم بشكل عام والرجال بشكل خاص وقت المشاكل يكون اعتذاره انه يجي بشكل سواليف وخفة دم زايده حبتين فلما يجيك بعد المشكله ويطق حنك وضحك معاك لاتقولين طنش ومو مهتم هذا معناته انه يقول لك اسف بطريقه غير مباشره فانتي عاد قابلي طق الحنك بطق حنك ازين منه وبيتسلك الوضع ان شالله لكن لما تستقعدين وتبوزين الرجال بيهج لانه مايبي يتنكد هو عارف انه غلطان بس مايحب ينذل بهالغلط
6} احتسبي الاجر فـيْ صبرك على اذى زوجك واسالي الله الجنه لان ببصراحه هاليومين الرجال صايرين مو طبيعيين اللي يخون واللي يضرب وااللي يشتم مدري وش هالداء المتفشي فيهم الله يصبرنا ويكتب لنا الاجر ويغنينا برضاه عن رضى خلقه.


اتمنى تتقبلون بربرتي بصدر رحب ولكم جزيل شكري