ولو تكون مفروشة احسن ياعنفوان ياقلبي وللي عندها اقتراح اخر تتفضل

انا كمان من جده وتعينت في المدينه ومحتاره في السكن ابغى اكون جنب ناس طيبين لاني معاي امي وبناتي صغار وانا معاكم يابنات

السلام عليكم

أنا من المدينة ونصيحتي لكم انتظرو للسبت وشوفو فين يكون توجيهكم عشان تختارو على أساسه السكن يعني الي بتتعين مثلا بالحناكية والضميرية والحسو ماينفع تسكن بالهجرة ووراها لأنه بيصير بعيد عليها من لما تطلع من المدينة ويمكن السواق يجيها أول وحدة ويفرفر فيها يجمع بقية المعلمات وترجع بيتها في الظهر اخر وحدة لكن تسكن مثلا في الفيصل والمخططات الي حولها على طول تطلع من المدينة وتفتك من الفلفة في السيارة الي أحيانا توصل لساعة الا ربع خاصة للي عنده أطفال تفرق معاها الخرجة . وقيسو عليها الي تتعين في بدر مثلا أو في وادي الفرع أو في خيبر ..

بعدين الشقق المفروشة نصيحة ابعدوا عنها لأانها غالية الا إذا بتاخذو الشقة بس في البداية لحد ماترتبوا وضعكم .

بالنسبة للي عندها أطفال إذا جاء توجيهك شوفي فين تستأجري بعدين شوفي المدارس القريبة منك أفضل المدرسة تكون قريبة للأطفال خصوصا لو ابتدائي الا إذا كان عندك سائقك الخاص وإن شاء الله إحنا بنات المدينة مانقصر معاكم في إذا اتحددت أماكنكم وإذا ماعرفنا نسألكم قرايبنا .

والله يوفق الجميع يارب

نسيت الي تسأل عن مكان قريب من الحرم كيف قصدك يعني تكوني وسط البلد ؟؟ أو قريب جدا من الحرم ؟؟

بكلا الحالتين نتظري ألين تشوفي توجيهك ممكن يكون القريب من الحرم قريب من الخدمات بس إيش يفكك من الزحام ؟؟

المنطقة تحدد الإختيار

وميض جزاك الله خير على نصائحك والله يكتب مافيه الخير للجميع

ولو اخذنا الشقة مش مفروشة حنضظر نفرشها يعني مكيفات ثلاجة اثاث

الله ييسرها من عنده

هي فرصة استثمارية حلوة والله يسخر لنا من يراعي الله فينا