مرحبا اختي

السلام عليكم ورحمة الله وبركاته

متزوجه ,,,ربة بيت,,أنثى

حلمت من فتره هذا الحلم وداااااااااايما مأرقني أحس فيه شيء ضروري وانا ما اعرفه

+++++++++++++++++++++++++++++++++++++++++

حلمت اني ف الحرم المكي للصلاه وعلى ما اعتقد الوقت ظلام ولما أذن الأذان تتابع معاه

صوت ضخم متباعد شوي بس ورا بعض واستعجبنا كلنا (انا وامي وخواتي وقعدتنا مع بعض

مثل قبل لا أعرس ونحنا قاعدين ف الحرم)

فرفعت راسي لصقف الحرم وكان كله مصقف بمرايه ويعكس الصوره للصوت المخيف هذا

طلع صوت طبوووول عظيمه كل طبل ملفوف من فوق بجلد وعلى الطبول رجال

3 او 4 يدقون عليه مع الأذان الطبول افريقيه ..وقامت اميه تنصح بصوت عالي : شو

سويتوا

ياهل السعوديه ليش جذيه ومن ها الكلام .

فخفت عليها وايد حد يمسكها وفي نفس الوقت . جانا ريال طويل مش الطول العادي

لأ ,,الطول مع نور ,,ما فيه منه ولا شفت مثله ,,عظمه

وقال انتوا قوموا من مكانكم وروحوا لمكان ثاني .. وكان واقف وماسك وراه باب

بمزلاي او نفس الأبواب القديمه .(.مثل الخشبه الطويله تطلع وتصك الباب الثاني)

وورا الباب أمه الله كانت ساكنه حول الحرم وماتوا منهم واااااااااااااااايد بسبب

الطاعون,, ولي خلف الباب الناس الناجييين منه بس يخافون على المصلين لا يختلطون

معاهم,,,

وشلينا عمرنا رحنا الجهه الثانيه ونفس الوقت تذكرنا شنطة الجوازات نسيتاها مكانا

فرديت للمكان وانا أزاحم الجموع وأمشي عكسهم يبت الجوازات ورجعت لهلي..

هلا اختي ام باسل بس حبيت اعرف دلالة السحر في الحلم ازا كان من شخص في قلبه شي من الحقد
وتسلمين

السلام عليكم ورحمة الله وبركاته

بصراحه أختي أنا طماعه شوي عندي حلمين

ومعلوماتي هي .. أنثى .. غير متزوجه .. متخرجه وبالبيت

الأول:

شفت بالحلم كأني بشقتنا القديمة وبغرفة أمي بالتحديد بجانب الدريشه

وعن يساري أمي وعن يميني عمتي وعن يمين عمتي عمتي الي بالرياض =راح أكتب أساميهم لك برساله خاصه=

وكانت قدامنا سفره مو متأكده إذا كان عليها شي أو لا

بس الي أذكره إن عمتي فاطمه قدمت لنا ماي والكأس الي فيه الماي ملون والمويه شويه

ولما شفت داخل الكاس لقيت ماي قليل وفيه زي خيوط بيضا عددها قليل ومو مره مبينه

سويت نفسي كني زي الي بشرب منه وحطيته على السفره شافتني عمتي راحت جابتلي

قاروره شفافه شكلها من صفاوتها كنها قزاز وفيها ماي كثير والقاروره مليانه

شكلها مثل شكل علب التعبئه الكبيره حقت البراده بس منتفخه من الماي أكثر من الشكل العادي

وأنا شربت منها

بس اللهم اجعله خير


الحلم الثاني لعمتي

أنثى .. متزوجه ... مديرة مدرسة ... وماعندها أولاد

وحلمت فيني

تقول جيتيني معك أطقم ذهب كثيره وقلتي ياعمتي خبيها عندك ماأبيها الحين وتقول كأني

قاعده أرتبهم كل طقم لحالها وبحطهم بالصندوق

وإنه من بينهم خاتم قالتلي عمتي والخاتم ذا يابنت اخوي قلتلها لا ماابيه وامي تقول لي ليه اخذيه

وإني رفضت بقوه بعدها جيت لعمتي قلتلها عمتي شوفي الخاتم الي بيدي مو هذا أحسن من هذاك

وتقول عمتي إنه كبير وحلو وفيه زي النقشات

بس اللهم اجعله خير :)

والله يجزاك خير أختي

السلام عليكم..

حلمت من فتره يمكن شهر أو اكثر ان في بطني من الاسفل ثلاث فصوص صغاار
لهم برييق رااائع احلى من بريق الالماس حتى....وكنت جالسه في مكن مظلم
بس البريق هذا منور علي...


الحلم الثاني قبل كم يوم..حلما اني لابسه حلق دائري كبيير مصنوع من الفضه في اذني
وكنت مبسووووطه..

بالنسبه لحالتي الاجتماعيه أنا عزباء عمري 24 سنه فالبيت بس انشاء الله
راح ادرس قرييب سجلت والدراسه شهر 2..

وجزاكي الله كل الخير

السلام عليكم
أختي أم باسل قبل يمكن سنة أمي حلمت أنه في عقرب تحاول تقرصها
سألت الشيخ العصيمي وقال أنه هذي امرأة سيئة تحاول التفريق بينها وبين أبي
المهم قبل شهر رأيت أنني كنت في بيت أهلي وأنه هذي العقرب الصفراء كانت تحاول أن تقرص أمي وهي تحاول الهروب منها وأنا كنت أحاول أن أقتلها ولكني لا أستطيع ثم طلبت من أمي أنها تطلع من الغرفة لكنها رفضت فطلبت منها أن تحضر ريد (قاتل الحشرات) وذلك لاخراجها من الغرفة وعندما خرجت أمي لاحضاره استطعت أن أقتل العقرب بسهولة وبيدي المجردة
انتهى
أنا متزوجة ولدي طفلين وربة بيت