نتيجة استفتاء موضوع الخطبة في المنتدى ووجهة نظري !!!

بسم الله الرحمن الرحيم
والصلاة والسلام على سيدنا محمد وعلى آله وصحبه وسلم ...
أما بعد .... فلله الحمد والمنة ... وله الشكر من قبل ومن بعد ... من يومين كتبت استفتاء عن مدى مصداقية الخطبة في المنتدى ... واللي خلاني اكتب الموضوع كثرة هالشي في هالقسم خصوصا ... وكانت النتيجة ان 90% قالوا انه كذب وأنا أقول يمكن صح هالكلام الله أعلم بس وش اللي يحد وحدة تكتب موضوع وهي أصلا تكذب وظهرت لي هالتفسيرات :
1/ ان البنت تكذب عشان تتسلى بردود البنات أو بالرسايل على الخاص
2/ ان البنت تكذب عشان تشوف وتثبت مدى تلهف البنات على الزواج خصوصا ان الوحدة تجي تقول اخوها او قريبها
متزوج ولا يبي اللي تصرف وأحيانا وصلت لانها تقول مريض أمراض خطيرة ومستعصية وأحيانا لايريد دفع مهر للبنت ان كانت لم يسبق لها الزواج ولو كان المهر 20 الف
3/ ان البنت تكذب لحاجة خاصة فيها يعني مصلحة خاصة تراها لانعلمها
4/ ان البنت تكذب لجعل موضوعها ذا أهمية لكثرة المشاهدة والردود
قد لاأحصر الموضوع في نقاط فالله سبحانه أعلم بما في السرائر ولكن لمن تدخل تحت احدى هذه النقاط انت اخيتي محاسبة على كل حرف كتبتيه وحق أي وحدة كذبتي عليها وتتريقتي على لهفتها ( وهذا حق مشروع مافيه عيب ) في ذمتك ومو شرط انك تقدرين تتسامحين منها ومو شرط تسامحك
والنتيجة الثانية ان نسبة 5% قالوا ان اللي يكتبون الله أعلم بمدى مصداقيتهم وهذا لايحتاج لتعليق
والنتيجة الثالثة ان نسبة 3% قالوا انه رجال يلعب بعقول البنات ويستدرجهم وهم مايدرون بالرغم من اني استبعد هالنتيجة لان البنت الجادة ماراح يستفيد منها والاستدراج قد يكون بشكل آخر واتوقع ان عقلية الرجال ماتفتقت عن حجم هالدها فالمكر والحيلة بهالحجم خاص بالنساء يعني ماعنده وقت لها الخرابيط
والنتيجة الثالة 2% قالوا انهم صادقين وانا اقول حتى لو كانت صادقة مثل هالموضوع ماينكتب في منتدى عام مثل مناقصة والكل يقدم عروضه يعني تبين تخطبين من المنتدى اوكي بس اختاري وحدة معجبتك وصار لك معها عشرة لوقت طويل وعرفتي كيف شخصيتها ماناقص الا تعرفين بعض النواقص مثل اسم العايلة ومواصفاتها الشخصية وهالشي ينكتب على الخاص .... اتقوا الله وحاسبوا انفسكم قبل لاتحاسبون ترى فيه ملك يكتب ... انتهى ان كان فيه خطأ فمن نفسي والشيطان وان أصبت فمن الله ولكم شكري على اتاحة رأيي