الله يشفي ولدك شفاء عاجلا لايغادره سقما
ياختي الغاليه انا حاسه بمعاناتك لاني اعيش نفس المعاناه فقد رزقني الله طفل عمره الان سنتين وثمانية اشهر وكان وقت الولاده طبيعي من حيث الوزن والحركه والصوت الا انه لم يستطيع الرضاعه بشكل طبيعي وبدا وزنه في النقصان ووديته اكثر من مستشفى وشافه اكثر من دكتور ولي يقول مافيه شي ولي يقول تأخر في النمو وماكنت اعرف وش عنده بالزبط قالولي الناس وديه الطب الشعبي رفعيله ولا اكويه ورفعتله ومافيه فايده وكوته حرمه كي خفيف ماترك اي اثر فيه وعطتني خلطات للجسم وعلى الراس وكله كلام فاضي ووديته لشيوخ لاني شكيت لاتكون عين والله اعلم وش فيه بس لماسار عمره ثلاثة شهور سويناله اشعه مقطعيه وقالوا عنده ضمور بسيط في المخ وان شاء الله يتحسن ولما سار عمره سبعه شهور سوينا له اشعه مره ثانيه ورنين مغناطيسي في مستشفى ثاني قالوا عنده ضمور شامل للمخ والمخيخ وماله اي علاج لافي السعوديه ولا برى وماتتخيلين صدمة الخبر وقتها لكن الحمد لله على كل حال وانا مايأست من رحمة ربي فهو العالم بحاله وحالي وهو ارحم به مني فوكلت امري اليه
وهو الان في العنايه المركزه من سنه ونصف لانه مايقدر يتنفس طبيعي البلغم ذابحه ومافيه تطور في النمو مايتكلم ولا يتجاوب معنا يسمع ولله الحمد ويشوف ويحرك يدينه ورجوله ويطلع بعض الاصوات الخفيفه جدا وزنه كان مايزيد عن اربعه كيلوا لين رمضان الماضي والحمد لله تحسن وزنه شوي ووصل سبعه كيلوا وحنا الحمد لله مستمرين بالرقيه الشرعيه له كل ما زرناه ونعطيه مويه زمزم بنية الشفاء و ندهنه بزيت زيتون مقري فيه ونعطيه برضه عسل مقري فيه والله ييسر شفاءه ولاتيأسي يا اختي واصبري واحتسبي وان شاء الله ان ولدك مافيه الا العافيه وانا اسفه كتبتلك معاناتي وانتي اكيد مو ناقصه بس والله حسيت فيك ولعلك تستفيدي من تجربتي خاصه من الحريم الي تقول انها تعالج ومادري شنو ترى اكثرهم نصابين الا من رحم ربي ماهمهم الا الفلوس
واخيرا انا سمعت عن دكتور في مصر يقول انه يعالج من ضمور المخ اذا ماكان وراثي وكلمه زوجي واكد هالكلام بس مدري عن صدقه وله موقع على النت اذا تبين تسألين عنه اسمه (البهي)بس انا ماقدرت اروحله عشان ولدي لازمله اخلاء طبي وبرضه ماأدري عن مصداقيته اخاف يكون نصاب بعد واذا بغيتي اي شي راسليني على الخاص لاني احيانا ماارجع اشوف المواضيع الي رديت عليها
والله يشفي ولدك وولدي وجميع مرضى المسلمين

عندك رقم الدكتور وش نوع العلاج

الله يشفي ولدك شفاء عاجلا لايغادره سقما


بس اختي ممكن تقولين لي ليش اساسا سويتي له كوي وهو عمره 3 شهور يعني شنو السبب ؟؟؟؟؟؟


ولي عوده بعد جوابك

اختي انا كتبت انه كان تعبان ويصيح طول الوقت ويستفرغ وبطنه منفوخه وراسه يرجعه على ورا فقالت الحرمه ماله علاج الا الكوي

احد يعرف رقم جابر القحطاني او معالج بلسع النحل