السلام عليكم خواتي
ودي أحكي عن تجربه بر الوالدين حصلت أمام عيني وليست منقوله
أذكر في يوم من الأيام تعب أبو زوجي وتنوم بالمستشفى وراح زوجي عنده وجلس تقريبا يوم كامل وهو يداريه ويسولف عليه علشان مايبيه يضيق وماينام يخاف انه يبي شي وجاء أخوه اللي يدرس وأخذ منه مفتاح السيارة وطبعا كان معه مفتاح بيتنا وزوجي أخذ مفتاح أخوه ولما جاء الصباح جاء اخوه الثالث يناوب مكانه وهو طلع طبعا مرني أنا وولدي وأخذنا لشقتنا ولما وصلنا عند العمارة تذكر أن المفاتيح مع أخوه اللي يدرس فعلا يابنات مسكين ضااااااق:44::44: بيت أهلي وأهله بعيد وهو تعبان مانام وجايب فطورة وبيبرد وأخوه بالمحاضره مستحيل يرد قال بطلع للشقة أجرب مفاتيحه وطول ماأنا أمشي أستغفر ولما دخل المفتاح الأول:::::::::::::::من دون تعب ولا حاول ولا شي سبحان الله أنفتح باب الشقة بكل سهوله و دخلنا وسكرنا الباب بدون مانقفله ونام لحد العصر وقام بيرجع لأبوة وقالي غريبه الباب أنفتح بجربه مره ثانيه وجرب يابنات بنفس المفتاح اللي فتحه فيه بس مارضى الباب يقفل والله يابنات أن بر الوالدين يسهل لك الله فيه كل صعب بإذنه 00
قصه ثانيه
أمي الله يشفيها بتهدي وحده هديه لزواج بنتها :icon28: عني أنا وخواتي يعني قطيه أستلفت كل المبلغ مني لحد مايجيبون خواتي فلوسهم وللأسف ماأحد منهم دفع قطيه كلن شال يده """"وأمي ياعمري أنحرجت مني شلون ترجعلي فلوسي وهي مامعها شي وتدري بظروفي الماديه لما شفتها كذا قلت : والله ماترجعين لي ريال واحد فداك يعوضني الله ::::::وفعلا يابنات جبرت بخاطرها وأنا كنت محتاجه والله الذي لاإله إلا هو رجعت لي خلال عشر أيام أو أقل أكثر من اللي عطيته الغاليه ::
بالنسبه لي هاذي تجربتي من البر بالوالدين ::::::وياليت كل وحده تعطينا تجربتها أو تجربة أحد تعرفه :27:::::
شومي @shomy_2
عضوة فعالة
يلزم عليك تسجيل الدخول أولًا لكتابة تعليق.
الدلوعة 2010
•
جزاك الله خيرا على هذا الموضوع
بااارك الله فيك يختي
فعلا بر الوالدين لايذهب سدى
والله العظيم ودي افرحها لو بميه بس الله يعلم بالحال لي سنين والله ماعطيتها شي
يارب ترزقنا من واسع فضلك يالله
فعلا بر الوالدين لايذهب سدى
والله العظيم ودي افرحها لو بميه بس الله يعلم بالحال لي سنين والله ماعطيتها شي
يارب ترزقنا من واسع فضلك يالله
الصفحة الأخيرة