نتيجة تطبيقي لبعض النصايح ههههه,ونصيحة للموظفات

السلام عليكم
بدخل في الموضوع على طول قبل ما يغير الانترنت رايه وينقطع مرة ثانية خخخخخخ
هذا الله يسلمكم انا اقرأ في النصايح في المنتدى من فترة طويلة واستفدت منها بس بشكل غير مباشر
حتى جاء ذاك اليوم اللي قلت فيه بتبع النصايح بقوووه , خخخخ , بشوف يمكن اقدر أؤثر على زوجي
وكانت النصيحة على ما اتذكر ان اذا قال لج زوجج انه بيطلع لا تعصبين خلج كول وقولي له عادي حياتي خذ راحتك , عشان يعني ما يحس انج لزقة وتقول النصيحه انه بيرجع لج متلهف <<<<إي هين , ههههه
المهم وجا اليوم الموعود
زوجي كان بالدوام , وهو راجع اتصل فيني وقال ان عنده شوية اشغال بيخلصها وبيجي , واختكم طبعا تتبع النصيحه فقلت له اي عاادي وما ابديت اي اعتراض او ملل او اي شي :35:
وظليت انتظر وطفشانه في البيت انا واطفالي الاثنين ربي يحفظهم :04:
وبعد مددده اتصلت فيه وقال انه بيطلع ويا اصدقائه , آآآآه كنت بنفجر ذيك اللحظة بس تمالكت نفسي ولا اظهرت اي شيء من مشاعري السلبية وسويت نفسي عادي , طبعا اتباعاً للنصيحة :39:
وبعدين :time: يوم وصل ال :arb: كنت نفس البركان اللي بينفجر من داخل بس متحمله وساكته كأني مفطسه روحي
المهم وتكلمنا في موضوع كان واعدني فيه من قبل واتضح من كلامه انه راح يتكنسل!!!
هني والله العظيم حسيت اني راح أفلع زوجي بأي شي قدامي :angry: خخخخخ لا مو تصدقون اكيد لا مو من طبعي
بس حسيت اني انفجرت خلاص وقمت اقط على زوجي كلام اول مرة في حياتي اقطه عليه , ما قليت ادبي يعني او تلفظت , لا الله لا يجيب هالشي بس احس اني طلعت من طوري وهو ساااكت
هو عادةً جذي اذا صارت هوشه يسكت يقول انه اذا تكلم راح يغلط فيظل ساكت احسن إلين ما تهدأ الامور شوي
المهم وبعد ما فرغت شحنة الغضب حسيت بالندم على اللي سويته
حسيت اني كنت كاتمة على انفاسي طول اليوم وبعدها خربت اللي بنيته كللله
ليش صار هذا كله؟
لاني مو متعوده اني اخبي مشاعري عن زوجي
يعني اذا قهرني بشي اقول له على طول ما اخلي في قلبي وهذا اليوم صار العكس حاولت ابين عكس اللي احس بيه ليما انفجرت
وطبعا الصبح تاسفت من زوجي وبكيت وهو قال لي لا عادي ولا عليج انا مو زعلان وانتهى الموضوع

الخلاصة اللي استخلصتها من السالفه كلها
ان النصايح ما تنطبق على اي زوجين
يعني الوحده لازم تقيم شخصية زوجها هل تصلح عليها النصيحة او لا
ومو جذي بس
لازم تشوفين شخصيتج انتي تقدرين تتحملين او لا يعني في بنات يقدرون يسوون وفي بنات لا كل وحده وطبعها وقوة تحملها وشخصيتها يعني تغيير الشخصية واايد صعب وما يجي بيوم وليلة

المهم الشق الثاني من الموضوع<<<<أدري مللتكم بس تحملوني فاضية لكم خخخخخ
يخص الموظفات يعني العاطلات بره لا تشوفون :04:
بقول لكم عن نفسي
انا توظفت من فترة وراتبي تقريبا يعادل نص راتب زوجي
المهم وكنت مسويه فيها ان الحلال واحد وهذا صدق يعني وكنت اتفق مع زوجي اني راح اعمل براتبي كيت وكيت وكيت وكان يقول لي ان هذا راتبج وانتي حرة وكان يعطيني من راتبه
اصلا كنت في فترة ما اصرف من راتبي على نفسي كنت مصروفاتنا العادية من راتب زوجي وانا اعمل سيفنج , لان كان عندنا ما يزيد واايد عن حاجتنا والحمد لله
المهم وكان كل شي اوكي وما في مشكلة , حتى صار زوجي سوى مشروع بيت واخذ قرض كبير و صار راتبه ما يكفينا والبيبي الجديد وانا تركت شغلي ذيك الفترة
فصرت اساعد زوجي بالمبالغ اللي جمعتها حتى طارت كلها <<< الله يعوضني بأحسن منها في الجنة ان شاء الله وبعطي بنات عالم حواء كلهم في الجنة هههه
المهم <<<< احسبوا كم مرة كتبت مهم وانا للحين ما دشيت في المهم خخخخخ
وانا اعرف زوجي انه مو استغلالي ابداً
لانه حتى قبل ما اتوظف كنت اعرف عن فلوسه كل شي والداخل والخارج وكل شي وكان دايما يعطيني كرت البنك ويخليني اتصرف فيه على كيفي ما شاء الله
وبعدين كنت بتوظف من جديد وفكرت وقلت لنفسي خل اتصرف في راتبي بدون شوره لان اكيد هو بيخلص المبالغ اللي عندي وانا لازم ما اصرف بغباء ومن هالكلام الخطأ
فصرت اشتري اشياء كبيرة بدونه وهذا غلط
وما كنت اسولف له عن فلوسي ابدا
وهو ما قال لي شي حتى مرة صار نقاش وقال لي اللي تبينه سويه بفلوسج :44:
بعدين هو تحسنت اوضاعه ولله الحمد لكن قام يسوي مثلي يعني مو مثل قبل الحلال واحد صادته ردة فعل
هني اكتشفت اني غلطانه لان صار ما يعطيني كثر قبل ويخبي عني بعض المواضيع اللي اكتشفها بعدين
طبعا هذا كله في شهور قليلة
وبعدين جلسنا جلسة مصارحة واتفقنا نرجع مثل قبل الحلال واحد
والحين الحمد لله احس ان حياتي صارت مثل قبل يعني هو ما عنده اي مانع لو اني رفعت مبالغ حق نفسي او سيفنج او اعطي اهلي او اي شيء
بس مو ان اهمشه كلياً
فاللي استنتجته ان الوحده المفروض ما تخلي الفلوس تكون حاجز بينها وبين زوجها وان حلال الزوجين واحد ترا
يعني اللي احسه ان اذا كنت واضحه ويا زوجي , طبعا ما اقصد بكل تفاصيل المبالغ بس اقصد بشكل عام , فهذا ينفعني انا اكثر شي لاني بجذي ما اتحمل مصاريف وايد اما بذيك الطريقة فإن الزوج يعاند ويحس ان زوجته كانما تتحداه يعني
ما ادري وصلتكم المعلومه او ما وضحتها عدل
لحد يفهم كلامي اني اقصد ان اي شي تسوينه بفلوسج حتى لو بتشتري شنطة لازم تخبري زوجج! لا
والفلوس ان زادت لنا وان قصرت علينا
وزوجج كلما كنتي رقيقة وياه كان هو ارق وياج
وكلما كنتي جافة وعنيدة هو بعد نفس الشي
وبث :04: هذا اللي حبيت اقوله
وابي اشوف تفاعلكم