نتيجة عكسية ما توقعتها!!

السلام عليكم

يا بنات بقولكم مشكلتي مع بنتي الكبيره عمرها 3 سنوات ونص ودخلتها من أسبوع في المخيم الصيفي المقام في مدرسة رياض أطفال مستواها عالي مدته 3 أسابيع تمهيداً لإدخالها المدرسة إن شاء الله في بداية السنة الدراسية لما تكون بعمر 4 سنوات تقريبا
اللي صار اني داومت معها تقريبا أسبوع لكنها أبدا ما تأقلمت وكانت تبكي طول الوقت إذا كانت لحالها وترفض المشاركة بشي مع الأطفال :44:

طبعا سحبتها من المخيم وجلستها في البيت خلاص... لكن اللي صار انها متعلقة فيني ولاااااصقة.. تجلس جنبي وامسكي يدي وتعالي معاي لما تروح فوق وما ترضى تلعب مع الأطفال اللي يجونا البيت مع انها تحبهم بس تغيرت تصرفاتها بعد هالأسبوع
واللي خلاني أكتب الموضوع انها صحت من النوم مفزوعة تصيح بأعلى صوتها.. ولما سألتها وش فيه قالت أنا أدورك ياماما !!
يمكن لأني خليتها بآخر يوم لها في المدرسة لحالها مع المعلمة.. يعني شكلي جيت بكحلها عميتها!!

تكفون وش أسوي شوروا علي يا بنات.. أدخلها المدرسة السنة الجاية ولا أنتظر خصوصا إذا كملت كذا بهذا الوضع :44: