نتيجة غريبة في تحليل دم بنتي ؟؟؟؟

السلام عليكم ورحمة الله وبركاته

انا عندي بنت عمرها 4 سنوات ونصف وولد عمره سنتين و8 اشهر الله يحفظهم لي ويقر عيني فيهم ان شاء الله

المهم اولادي لهم فترة ما ياكلوا ابدا غير اشياء معينة وما يغيروها مثل البيض والجبنة السائلة مع عيش شامي والجبنة الشرائح والبطاطس المقلي مع الكاتشاب والاندومي والمكرونة بالباشاميل بس من غير حشوة طبعا وحليب وعصيرات والكيك لما اسويه في البيت والتمر

تقريبا ما يخرج أكلهم عن هذه الأشياء فعرضتهم على دكتورة علشان اشوف لهم شي يفتح شهيتهم للأكل

أول شي قالت لي على عمرهم وطولهم وزنهم مرة كويس الحمد لله

بس قالت لازم قبل ما اعطيهم اي فيتامينات اعمل لهم فحص دم وعلى اساسه نحدد ايش النوع اللي اعطيهم

سويت تحاليل الدم اللي طلبتها ( تحليل دم شامل + تحليل لمعرفة اذا في نقص حديد أو لا)

لما رحت استلم النتائج برضه الحمد لله نتائج الدم كويسة للاثنين وما في فقر دم ولا في مشاكل

بس قالت لي ما شاء الله على بنتك اول مرة يمر علي طفل عنده نسبه الحديد قد كذه في دمه فوق المعدل الطبيعي

وطمنتني انه مافي شي يخوف ممكن يكون غلطة مختبر و طالما البنت وزنها ونشاطها طبيعي بس قالت لي نعيد التحليل مرة ثانية بعد ثلاثة اشهر وخوفتني لما سألتني انه هل عندكم تاريخ وراثي في العائلة للأنيميا المنجلية قلت لها لأ بس عندي حالة في عائلتي وحالة في عائلة ابوها انيميا فولية

وقلت لها انا متخوفة لأن زوجي الله يرحمه توفى من 3 اشهر بسرطان في الدم وكان يشتكي من زيادة نسبة الصفراء في الدم ( كان لونه اصفر ) لأن المرض كان وصل للكبد والطحال والنخاع فقالت لي بعد 3 اشهر اعملها تحليل الصفرا مع انه ما يحتاج طالما البنت لون عيونها سليم وبولها لونه طبيعي وهذي العلامتين اللي ينخاف منها

فحببت اسأل اهل الخبرة اللي يقدروا يفيدوني في النتيجة الغريبة لهذا التحليل وايش معناه النسبة العالية هذي انا مرة خايفة على بنتي والنتيجة كانت كالتالي :

test name : ferritin
result:369.27 (high
unit:ng/ml
reference range:4.6 - 204

طمنوني جزاكم الله خير