نجاح التلقيح الصناعي في المره الرابعه الحمدلله

السلام عليكم ورحمة الله وبركاته
اخواتي العزيزات حابه اخبركم عن تجربتي لتستفيدي منها يارب
انا مشكلتي تكيس شديد وزوجي عنده ضعف وقلة حركة الحيوانات المنويه
طبعا لما شفت تحليلي انصدمت كان التكيس عندي شديد كان ال lh 25
يعني على كلام الدكتوره المبايض معطله طول السنه الي فاتت كنت احجم كل شهر وكل شهر الحمدلل الهرمون يتعدل اكثر
لكن ما صار حمل قال الدكتور الافضل تلقيح صناعي بالحاله هذي رغم ان كل شيء صار طبيعي والتكيس الحمدلله شبه مختفي
والتبويض صار طبيعي حتى بدون ابر
لما عملت تلقيح صناعي الصدمه زوجي تحليله مو زين والعدد مره قليل
لكن الدكتور قال ممكن يصير حمل بالحاله هذي وكله على الله
ولا صار حمل
وعملت مره ثانيه والعدد صار اقل والحركه اسوء ولا صار حمل رغم اني ما اتحرك وماشيه على الدوا صح بس الله ما راد
والثالثه بعد
والمفاجأ بالرابعه
كان اسوء تحليل له حتى الدكتور علق قال الله كريم
عطاني مثبتات وقال لا تحركين
من الصدمه رميت الورقه ولا صرفت الدوا ولا اكلت مثبتات ورحت البر ونسيت الموضوع لكن الشيء الي التزمت فيه الرقيه الشرعيه
رغم اني ما احس باي عارض ولكن احلامي كانت غريبه والراقي قال انه فيه مشكله معج بالرحم وكنت ارقي نفسي واروح مع صديقتي للراقي ولا كنت احس باي اعراض ولكن اتكلت على الله
طبعا زوجي زهق من موضوع العلاج وقال هذي اخر مره تعالجين خلاص زهقت
المهم الدوره تاخرت يومين بس انا ما انتبهت لها لاني مو متوقعه حمل ونسيت اصلا اني عامله تلقيح صناعي
انتفخ بطني ولا اقدر اخذ نفس وصار عندي تضخم ورحت الطبيب وعملي سونار قالي عندك تصخم ببطانة الرحم
والمبايض استغربت قلت التضخم يجي دايم بعد ابر التفجير او اثناء الابر الحين صار لي فتره بدون علاج شنو نططه علي الحين
قال عشان احتمال كبير فيه حمل
وقالي يالله حليلي والحمدلله والشكر حللت وطلعت حامل
والفال لكم يارب
نصيحتي
الدعاء الحجامه والرقيه الشرعيه والتوكل على الواحد الاحد لانه وحده هو الرازق
والحمدلله والصلاة والسلام على رسول الله