طيب
ومشكورة أجزل الشكر على الإفادة يادكتورة

مبررررررررررررررررررررررررررررررررروك، وعقبال الشهادة الكبيرة
وربنا يحفظ باسل، ويبعد عنو كل شر

الله يبارك فيكي

أنا ولدي حاليا في الخمس شهور والله كان يرجع بشكل ماممكن تتخيليه حتى ملابسه اغيرها في اليوم مرتين وثلاث وإذا كنت عند ناس أو أحد عندي شوفي الإحراج كيف حتى ما أخلي أحد يشيله لأنه يرجع على كل واحد يشيله وبعدين ترجيع كبير يعني تقريبا إللي يرضعه يرجعه وكل ما سألت دكتور قال المشكلة في المعدة ويوصف له شراب الترجيع إلين وصفت لي دكتورة حليب ببيلاك ar مخصص للترجيع ومن يومها الحمد لله الوضع تغير صارت ملابسه تجلس باليومين نظيفة ومايرجع إلا زي أي طفل بعد الرضعة أو شرب موية بعد الرضعة ...
وترى الحليب ميزته إنه ثقيل زي الزبادي وريحته زي السيريلاك بالرز ..

صادقة يا أم أبرار أنا أستخدم حليب( أآر) وهو خفف كثير لكن الترجيع ما زال يعتبر كثير يعني اللي ما يكون يعرف ولدي قبل ويشوفه دحين يقلي مرة ترجيعه كتير فأقول في قلبي أجل كيف أول؟؟
أنا أمس أشتريت موتيليم وحأجربه إن شاالله ينفع معاه