السلام عليكم ورحمة الله
حبيباتي الغاليات أمس اتصلت على اختي وقالت لي حماتها سوت مقابله يوم الثلاثاء في نجران وعلى طول ماعندي انتظار اخذت رقمها وكلمتها وغثيتها باالأسئله أهم شيء والله تقول معلماتهم زي العسسسسل بالعكس هم اللي يهدون البنات ويقولون لهم لا تخافووون تقول مرة تعاملهم روووووعه وهي كان موعدها الساعه 2مساء بس ماجاء 11 الا وهي هناك يعني لاتلتزمون بالوقت عشان تاخذو رقم بدري ويمديكم عا المستشفى أما الاسئله الا سالوها سؤال تربوي كيف تتعاملين مع الطالبه المشاغبه وسؤال في تخصصها هي اقتصاد منزلي ماهي انواع العجائن وبس واعطوها الكشف الطبي وعاطول للمستشفى بس لانها راحت يوم الثلاثاء عطوها موعد الاحد اللي هو اليوم عشان تروح للنتيجه لان يوم الاربعاء ماعندهم استقبال لاحد وبعدين سالتها عن الاماكن تقول عشر اماكن لازم تكتبيها كلها من ظمنها نجران والخرخير وحبونا ثار والباقي نسيتها اعذروني وكمان سالتها عن اللبس قالت عادي بعهم كان لابسين العبايات بس الافل انك تفسخي العبايه لان المظهر عليه درجهوكمان سالتها عن السجل الاكاديمي قالت مو ضروري هي ماكان عندها وعااادي ماقالو لها شئ بنات تكفووون ادعولي فديتكم وان شاء الله ربي ييسر لنا ياااااااارب دعواتي القلبيه للجميع بالتوووفيق

اختي مقابلتها اليوم في نجران تخصصها اقتصاد منزلي تغذيه و علوم اطعمه سئلوها
كيف تكتبين جمله باستخدام الحاسب الالي قالت باستخدام برنامج الوود و سئلوها كيف تحفظ الاطعمه قالت بالتجميد و و التبريد و التجفيف و بالملح و السكر و الخل و اشياء كثيره قالتها لهم المهم و سئلوها كيف تعرفين ان اللحمه طازجه قالت بالضغط بواسطت الاصبع و عن طريق لونها و رائحتها و سلامتكم ما سئلوها في التربوي اي شي

السلام عليكم ياحلوين
كيفكم وش اخباركم انا مرشحه في نجران رياضيات والحمد لله سويت المقابله والبارح وصلت الطائف وكانت الاسئله سهله والحمد لله وسويت الكشف الطبي (النفسيه والتحاليل) واي وحده تبغى الاسئله ترد لانه مافي تفاعل ماراح اكتب الاسئله................

كيف حالكم
توني االيوم واصله من نجران خلصنا كل شي بعون الله
تخصصي دراسات اسلاميه
الاسئله
#ما حكم تكبيرة الصلاة
#تعرفين تستخدمين الحاسب
#طلبت اقرا سورة الماعون
#وسورة الفاتحه مع استخراج الحكم التجويد
#طلبت اكتب من هم اهل الزكاة

تعاملهم ممتاز المقابله شي روتيني خلاص انتي توظفتي
وبس بعدين خلونا نعبي اوراق التعييييين
ورحنا للفحص الطبي
ورجعنا بالسلامه وظهري لحد اللحين يوجعني من السفر

ونسيت اقول لكم بشروووونا وقالو ا لنا بس سنه ويحق لكم النقل الى مدنكم

هذا وبالله التوفيق والسداد

دعواتكم لي بالتوفيق دنيا واخره

وينكم بشرونا وش صار معاكم