صباحكم ورد وجوري وكل شي حلو حوائيات
رمضان مبارك ع الجميع وعسى الله يجعلنا من العتقاء من النار
اليوم جايبتلكم نوع من المعجنات راح تدمنووه
خاصه ان طريقته ومقاديره مافي اسهل واحلى منها
نجي للمقادير:
3 اكواب دقيق (كويتي او فاخر)مافي اي مشكله
1 ونص كوب جوز هند
3 ارباع كوب زيت
ملعقة اكل خميره
حليب سايل(يعني بودره مذوب بكوب مويا معاه شوية سكر)
-----------------
الطريقه :
تخلطين الدقيق والجوز الهند والخميره وتحطين عليه الزيت وتبدين تفركين فيه بيدينك
لين ماتحسين ان الزيت انخلط وتجانس مع الدقيق والجوز الهند زييييييييين
بعدين تعجنين المكونات اللي فرركتيها بكوب الحليب(يمكن تحتاجين اكثر من كوب)
بس العجينه راح تكون شوي قاسيه يعني تنفع للفرد(لاننا راح نفردها بعد ماتخمر) ومدة التخمير ساعه او ساعه ونص
كافيه ان شاءالله
بعدين حبيباتي
نفردها على طاولة الفرد بهالطريقه
صورت لكم هالمرحله مع انها سهله بس للتوضيح"واعذروني على رداءة التصوير"
طبعا مثل ماهو موضح تقصينها بشكل دايري وتحشينها جبنه
نجي للمرحله الثانيه وهو تقفيلها بشكل النجمه
كالتالي
نقفل جهه وبعدين الجهه الثانيه والثالثه
واخر مرحله نقليها بزيت غزير وحامي عشان ماتتشرب زيت..ونسقيها بالشيره
وهذا شكلها النهائي
يالله بنات جربوها وانتظركم بالاطباق المجربه ان شاءالله
ورمضان مبارك للجمييييييع
ودعواتكم
:26:
رووووووووعه