نحتاج مشورتكم موضوع مصيري

السلام عليكم اخواتي
أتمنى يكون الكل بصحة طيبه
انا حابه استشيركم بموضوع وأتمنى الاقي منكم آراء سديده ورجاءا بدون اقتراحات طلاق
اليوم دقت علي خويتي تستشيرني انا نصحتها بس من الصباح وانا بس افكر في كلامها فقلت ناخذ رايكم


قبل 3 سنوات تقريبا خويتي اكتشفت انه زوجها له حركات مع كم بنات بس جوال وكلام فاضي يعني مو حب او علاقات جاده ورغب شخصيته مره قويه والكل يعرفه بشهامته ورجولته واحترامه بس اعترف بخطئه و
اعتذر وندم وبكي وحلف له ماعاد فيه شي وابتدو صفحه جديده تعبت هي كثير علشان تحاول تنسى وترجع تحب زوجها بس تقولي طول هالسنوات مفوضه امري لربي وأقول لو في شي بيكشفه لي وماكلمت او خبرت حد بمشكلتهم وبالعكس زاد تفاهمهم مع بعض وصارت حياتهم افضل ورزقهم الله بطفل جديد.
طبعا هو جوالاته ماعليهم رقم سري ولاشي وعادي مفتوحين بس هي ابدا ما تلمسهم .. عاد قبل كم يوم كان يرن المنبه للصلاه وهو ماصحا راحت بتسكر المنبه ولفت نظرها برنامج دردشه وشافت انه عنده برامج كثير حق شات ومكالمات بس هي متفهمه لان طبيعه عمله يتعامل كثير مع دول وناس برا فأكيد واسهل التعامل في هالبرامج عاد تقول ماادري ليه فتحت واحد من هالبرامج لقت فيه محادثات كثيره رجال طبعا وشركات بس في كم محادثه بنات واجنبيات طبعا هو يكلمهم بس ما يردون عليه يعني بس يسلم
ويمكن محادثتين اللي فيها تواصل بينهم ماركزت اكثر الا لمحادثه وحده طويله وعريضه ومافيها كلمه وحده عن عمل كلها كلام فاضي وسؤال وامور شخصيه زي انها مش متزوجه وهو قايل لها انه كان متزوج ومطلق ومتى وقت الاكل وخرابيط زي كذا وفيسات ضحك طبعا هي عصبت مره وقومت القيامه وهو يحلف
انه مافي شي وانه عمل ولما تفاهمت وتكلمو بشويش قال لها انه يتعامل مع هالشركات وهاذي وحده من الشركات وانه في ايميلات كثيره بينهم بالعمل فقط طيب ليه هالكلام التافه يقول لها بس علشان تمشي مصالحنا وطبعا ابدا مش معترف انه غلطان يقول شفتي المحادثه لا قلت لها احبك ولا قلت كلمه خطا ويقول انه حاج ومصلي ويخاف ربه وليه قايل انك مطلق قال انا فعلا كنت مطلق ماكذبت ويحلف انه يعرفون انه متزوج وعنده أطفال وسعيد بحياته يقول لها هم كذا تعاملهم مع الكل مو بس معه .
هي عمرها مادخلت حد بينهم بس ماقدرت وكلمت اخوه وقالت له راح اكلم اخوك وسألته بالمكتب حقهم يتعاملون مع هالشركات قال فعلا بس تونا واشياء بسيطه هل بينكم محادثات شخصيه قال لا قالت له اجل فهمت وش اقصد قال لها لا تخافين اخوي معي على طول ومااشوف عليه شي وماقدرت ولمحت لاخوه وانها تعبت وانه اذا خبرته لسبب واحد فقط لو قررت بيوم تنفصل يكون في حد من اهله عارف بالاسباب . اخوه عاقل كثير وكثير حاول يهدأها وطلب منها تحافظ على بيتها وانه معتمد عليها حتى بصلاح بيتها وهدايه اخوه وقال لها حاضر لاي شي وطلبت منه مايخبر أي حد وخبرت زوجها انه كلمته ماقال شي قال انا واثق من نفسي بس فشلتينا مع الرجال .
وطلبت منه يحلف على القران ويمسح كل البرامج اللي عنده وعدها وقال لها بدل كل هالقيامه اللي صارت كان كلمتيني بهدوء ومايصير خاطرك الا طيب ومن عيني امسح كل شي بس لو قلتي انك تتضايقي وهو عارف أساسا انه هالحركات تضايقها
نفسيتها مره تعبانه وجلست تبكي وحالتها حاله وهو أيضا تقول كم يوم تعب وصدع ومريض ومايبي ياكل وبعد هواش وصياح وبصراحه تعترف انه جرحته كثير بالكلام وغلطت عليه وهزأته وقالت انها ماتشوفه شي
خبرها بهدوء انه مسح البرنامج وانه ماعاد يتكلم مع أي حد واي حاجه تضايقها ماعاد يرجع يسويها


المشكله الان اللي نبي نستشيركم فيها هي الان تقول فقدت الثقه وفقدت الأمان ومو قادره ترجع طبيعي معه تدلعه وتحبه وحتى الأطفال تقول كارهتهم مساكين وهو طبعا يبيها وما يبي يتركها و يقول انه مره يحبها حتى من سمع صوتها تبكي ترك عمله وراح لها على طول ومبدي حسن النيه وعجز يفهمها انه مستحيل يخطأ بحقها بعد غلطته الأولى اللي قبل كم سنه .
وش السواه وكيف ترجع الثقه تخاف تنصدم بعد مره وتعرفون صعبه العيشه مع شخص ماتثقين فيه وبالاساس هي تحبه كثير وهو مو مقصر معه بشي وتقول حياتنا طيبه وما فيها عيوب وزوجها سلبياته بسيطه جدا وهذا اكثر واكبر شي كارهته فيه وهو يقولها انتي موسوسه وشكاكه وتغارين كثير يقول لها انتي معك زملاء وتتكلمي معهم في بعض المواضيع انا زيك بس مااشوفهم فصار بالمحادثه الكلام.