نحتاج 100 شخص :) ..أوه .. أنا اشتركت... نحتاج 99 :)

بسم الله الرحمن الرحيم
خطرت لي فكرة .. عسى الله أن يبارك فيها ونستفيد منها كلنا .. الله يكتب لنا ولكم الأجر ..
الفكرة بدون تعاونك عزيزتي انتي و العزيزات الباقيات ..ماراح تنجح :)
سبحان الله .. الرسول صلى الله عليه وسلم .. في أحاديثه ذكر لنا أشياء كثيررر نستفيد منها لبشرتنا و شعرنا و جمالنا ..
لأنه ببساطة .. ماينطق عن الهوى .. اللهم صلى وسلم عليه :)
عشان كذا .. هذا الموضوع راح يكون تفاعلي .. بمعنى .. أنا أجي وأكتب فايدة من السنة النبوية بس بشروط !
الشروط
كل عضوة ماتكتب غير فائدة واحدة فقط
وكمان لازم يكون الحديث مصدره موثوق .. يعني نتجنب الأحاديث الضعيفة وماشابه ذلك
الهدف من هذا الموضوع إنو نجمع 100 فايدة لجمالنا من السنة النبوية :)
وكمان عشان مانضيع في الردود ومانعرف إذا انذكرت الفايدة أو لا .. راح يكون بإذن الله فيه جمع للفوائد كل صفحتين :)
--
راح أبدأ بالفايدة الأولى
1-مايخفى عليكم ياحلوات فايدة زيت الزيتون .. للشعر و البشرة وكمان كأفضل أنواع الزيوت في أكلنا ..
تعالوا نقرا قول النبي صلى الله عليه وسلمم :)
وصانا حبيبنا صلى الله عليه وسلم حيث قال : (كلوا الزيت وأدهنوا به فإنه يخرج من شجرة مباركة ) أو كما قال .
--
يلا الدور عليكم الحين .. خلونا نلتزم بالقوانين .. عشان نطلع بنتيجة حلوة زيكم :)