نحفت اخيييرا الحمد لله

السلام عليكم بنات عالم حواء
رح قلكم كيف نزل وزني من 62 الى 50 بشهر و اسبوعين
بداية انا يا بنات من زمان كنت متعودة على وزني 60 كيلو ثابت دايما و ما كنت افكر اني انحف كان جسمي نحيف من فوق و افخاذي سمينة شوي بس مو كتير بعدين برمضان لي فات كان عندي امساك اكرمكن الله كنت احس حالي ما عندي فراغ ببطني كيف يعني الاكل ما ينهضم و انا ازيد فوق الاكل اكل تاني فكان اكلي قلييل و نحفت 5 كيلو برمضان و بين على شكلي :D لكن للأسف انا لأنو كنت احس بامتلاء و نفخة من الامساك كنت اتقيأ الاكل لا اراديا و احيانا من كثر ما احس حالي مملوءة اتقيأ قصدا و رجعنا للمدرسة و انا عندي رفقاتي كلهم ما شاء الله رشيقات و اجسامهم حلوة و انا كان بدي صير متلن فقلت يا بنت انت برمضان نقصتي 5 كيلو يا ترى هو من التقيء اكرمكن الله فصرت اكل اكل اكل كمية كبييييرة ما تتصورون حجمها اقضي عالاخضر و اليابس و بعدها اشعر بتأنيب الضمير فأروح استفرغ و بعد مدة عرفت اني مصابة بمرض اسمو البوليما لي هو مرض النهم في الاكل او الشراهة كنت اعرف اني عم بذر و ما يصير هيك حرام نعمة ربي هذا بس ما كنت اقدر اوقف الى ان جاء اليوم لي جتني فيه حبة في رجلي كبة كبيرة تقرف صراحة و لما بحثت فجوجل عرفت انها من الاستفراغ اكرمكن الله فبطلت استفرغ الحمد لله يعني انتهت المشكلة ؟؟لاااا صرت اكل مسهلات و لحسن الحظ ما كنت احب الادوية ابد فكنت اشرب سنا مكي الى ان خلصت علبة كبييييرة منو الموجودة عنا بالبيت خلال هالفترة كاملة كان فيه ايام او كل ايامي و كل تفكيري كيف اني ابطل هالعادات السيئة و كنت اذا نجحت اخفف من اكلي انجح بالفطور و الغذا و العشاء ارجع متل ما كنت


لما ابحث بجوجل عن طريقة علاج البوليما كانو كلهم متفقين انو تحتاج علاج عند طبيب نفسي و انا م كنت اتجرأ احكي لماما اني كنت اعمل هيك بحالي ما حدا بيعرف بلي صارلي ... لكن الحمد لله انا حضرت مرة فدورة الها زمااان كنت صغيرة وقتها و علمونا تقنية اسمها تقنية الحرية النفسية EFT
و تأكدت انو فعلا (لا يغير الله ما بقوم حتى يغيروا ما بأنفسهم) صرت ابحث عن طريقة لاعادة برمجة عقلي الباطن و من هالطرق تقنية ال EFT
و هي تعتمد على التربيت على مناطق جريان الطاقة بالجسم فبدأت بالتربيت مع ذكر عبارات التوكيد من العبارات لي كنت ارددها
1...بالرغم من انني اعاني من الشراهة في الاكل الا انني احب نفسي و اتقبلها تماما و بعمق
2...بالرغم من انني كنت السبب وراء سمنتي الا انني .........................
3...بالرغم من انني اسعى الى جذب الرشاقة الى حياتي الا انني اتمتع بالرشاقة الآن
4... انا ألتزم بالنظام المحدد للرشاقة
5...وزني ينزل بسهولة و بسرعة
6...وزني 45 كيلو و انا رشيقة و جسمي جميل و متناسق
و غيرها تعلمو التقنية من اليوتيوب و الله بعد الله سبحانه و تعالى كانت السبب في اني اشفى من كل شي انا كنت افكر بطريقة سلبية و عانيت من الشراهة فالاكل و من الامساك و من السمنة الحين كلهم راحو
تأكدو انكم حتى لو عملتو ريجيم او تخفيف او اي شي و نحفتو احتمال كبير ترجعو الوزن لأنو نحنا عندنا قناعات انو مثلا احنا سمينات وووو تعلمت انو لما بدي حقق شي بحياتي اتخيل نفسي اني عم عيش الهدف


فصرت مثلا اقول انا رشيقة مثل رفيقتي فلانة ايوااا و الرشيقات كيف يتصرفو ؟؟؟ رفيقتي تاكل اكل قلييييل ... انا كمان رشيقة رح اكل شوي بس و فعلا و لله الحمد اخييييرا قدرت اسيطر على شهيتي و مشيت على نظام 7 لقمات بس خليتهم 5 و بأول شهر كنت لازلت اعاني من الامساك فنزلت 7 كيلو و بالاسبوعين لي بعدو نزلت 5 الحمد لله و الان تخلصت من الامساك و كلي امل انزل اكثر من كيلوين بالاسابيع الجاية ان شاء الله
و نصيحة لوجه الله لا تعملو ريجيمات لأنو مرة جربت و بعد الريجيم رجع وزني 65 اعملو نظام تقللو فيه من اكلكم بس و تذكرو انو الرسول صلى الله عليه و سلم قال بحسب ابن ادم بضع لقيمات يقمن صلبه