نحفت والسبب!!!

انا قبل سنتين تمنيت اني انحف بس حسيت سالفتي صعبة يمكن لا ان العزم عندي مو قوي وفوقها خواتي نحيفات ويجيبون من كل شي وم اتحمل اهجم معهم....



المهم انا امر بظرف واتمنى من الله يفرجه علي واجتهدت بالطاعات وصار اللي صار واللي هو .!



طبعا انا اصحى لقيام الليل على الساعة 2 واجلس اقرا قران واصلي وتر واجلس بسجادتي لين اذان الفجر وبعدها اكمل الجلسة بسجادتي لين يقيم وبكذا انشغلت عن ××الأكككككل ××وبس اخلص ممكن اشرب موية واكمل نوم واصحى بدري من 8 الى 9 متفاوت الوقت _



طبعا وقتها اقرا اذكار الصباح واقوم اصلي الضحى واسوي لي بعدها على الريق مغلي الكمون والقرفة والزنجبيل والليمون واشربه وبعدها عادي اكل بطريقة معقولة واتغدى بعدها اوقف ولما يجي العصر اصلي واشرب المشروب اللي ذكرته (الكمون) واشرب قهوة واحلي واطلع بعدها السطح امشي نص ساعة بس صراحة احيانا من الكسل اخليها 20 دقيقة وانا امشي اقرا اذكار المساء وااستغفر واشغل وقتي بس ياذن المغرب خلاص اقفل فمي عن الاكل لا انكم عارفين مشاكل العشاء والمعدة يضعف عندها التهظيم وبس تجي الساعة 8 او 9 الا وانا ميتة نوم ومنها عشان اصحى للقيام
نسيت اذكر شغلة في ايام اكون مكثرة فيها الاكل اشرب شاي اخضر ياباني مرة ممتاز اشتريه من محل بسنتريا مول








الشاهد من كلامي ماتوقعت تنظيمي لطاعة الله يعني اول كنت اسوي كل شي ولله الحمد بس عشواء لكن الحين مع هالنظام استفدت منه اشياء كثيرة بفضل الله



النوم بالليل + العبادة +الصحة + نزول وزني + السعادة والراحة



للعلم هالشي من شهر ونزل وزني كيلوين وراح استمر ان شاء الله









كل من يدخل الموضوع واستفاد منه اتمنى ان يدعي لي ان الله يرزقني الزوج الصالح الطيب ... واسال الله ان يعيني ويعينكم على جسم منمق وصحي