نحفت والله نحفت ماصدقت لين شفتهاااا تعالوا شوفوا ..

هلا بنات

اخباركم

واخبار الرياضه والركض والحرمااااااااااااان :09:

يالله تعجل بنحفنا وحنا بصحه وعافيه وتمتعنا بصحتنا



ابقولكم سالفه وحده من القرايب

هذي عندها خمس اطفال المهم ماعليها كانت تختوخه المهم انها حبت تنحف بسرعه على قولها

قامت واقنعت زوجها قالت له ابي اسوي ربط للمعده

هو بالبدايه قال لها ابدخلك اي نادي اختااااااااااري وانا بدفع بس ماابيك تربطين معدتك

المهم عندت الا تبي شي بسرعه
قام ولبى لها رغبتها

الاخت بالبدايه تمام بدت تحس بتعب حبه حبه
كشفوا عليها قالوا فيها جرثومه وهالشي خطر المهم حاولوا يعالجونها مافاد

الحرمه كل مالها تترادى تعبوا معها وتعبت هي

المهم


كم شهر صار المسكينه فيه الله يكفينا وياكم الشر الخبيث


وانتشر فيها بسرعه

انا اول ماشفتها يوووه نحفت بسرعه بس نحف على تعب وارهاق


والله والله ان زوجها الان يخبط فيها توه جايبها من امريكا قالوا له


رجعها مافي امل والامل بيد الله سبحانه



يابنات يابنات لاتتفاولون على انفسكم ولاتستعجلون النتايج حبه حبه بننحف بصحه
وشي نبنيه بسنين صعب يروح بيوم
يابنات والله حالها يكسر الخاطر وزوجهااااااااااا بيموت واحنا لاشفنا اطفالها متنا من الصياح :(:(

اشوف اخوات ترد رد سبحان الله فيه تجزع ماتدري يمكن هاللي رزقك بهالشحوم قادر يقلبها عليك بلحظه ويتعب حالكم ويرديك

الدنيا يبلها صبر كل شي يبله صبر

وقوه اراده + رياضه + حميه = جسم ولا بالاحلام باذن الله ..

بنات ادعوااااا لها تكفون بالصحه والعافيه وان الله يخليها لعيالها الصغار والله انها تكسر الخاطر وعيالها يكسرون الخاطر اكبر مالها باول ثانوي والله والله :(:(


ادعواااا لها وانا ماكتبت هالموضوع مابي اضيق صدوركم

كثر مااني بنقل لكم ماقالته هي لي بلسانها

قالت :: ياليتني على ماكنت عليه .. والله ان الصحه غالــــــــــــــــيه ماتجي شي عند الفلوس وماتشترى بالمال ماتشترى بالمال

بنات مانقول لاتهتمون اهتموا وحافضوا ومتعوا رجالكم بس بشي معقول مامنه خطر عليك وعلى اللي حولك

بنات ادعوااا لها وتكفوووون حاسبوا بردوكم والفاظكم سبحانه قادر يبدل من حال الى حال بلحظه
الله لايخلينا من رحمته
ولاتنسون تدعون لها بطوله العمر وان الله يلبسها ثوب الصحه والعافيه ..:(