نحفت يابنات تعالو شوفو كيف/ مكرر في القسم

مساكم الله بالخير بنات اليوم بقولك قصتي عن مايخص الريجيم والرشاقه
انا بنت عمري 20 ومن عرفت عمري ووزني 80 وكنت احسب ان من المستحيلات يزيد وزني بسرعه او ينقص. المهمم قبل رمضان شفت وزني وماتغير ومع رمضان تعرفون حلا ومعجنات واكل لين افطس 😂 ماارحم نفسي الله وكيكلم
المهم يوم العيد احس نفسي كبيره والمع مدري وش فيني وبعد العيد بعشره ايام شفت وزني لقيته 92 ياويلي انجلطت 😫
رجعت للبيت واخذت البساكيت اللي عندي والشقليطات ورميتها وجلست على خبز البر والبيض المسلوق والمويه لمدة اسبوع وماكان عندي ميزان اشوف وزني واستمريت ،، ومااكل الا اشياء قليلة الدسم وبدون سكر وامشي نص ساعه مشي سريع وارقص نص ساعه رقص مو طبيعي اهز جسمي كله 😂😂
المهم بعد ثلاثه شهور اشتريت ميزان ولما شفت وزني لقيته 82 الحمدلله نحفت كثير واقدر اواصل لين اوصل للوزن اللي ابيه ولما وصلت للوزني اللي قبل تركت الريجيم وصرت اكل ،، والحين لي شهر رجعت للريجيم ونحفت لين 78 وانا مبسوطه وان شاء الله بستمر لين 60 وادعولي ان ربي يقوي ارادتي
وانتي اذا تبين تسوي ريجيم مو اسبوع وتملين تقولين مانحفت ولا فيني فايده لاتحطمين نفسك وانتي تقدرين تستمرين ولاحقه على الاكل ياخي اكلي بس خففي وابتعدي عن الغازيات والشكولاته
نظامي :
افطر خبز بر مع قشطه مراعي قليلة الدسم وشاي بدون سكر او احط سكر تروبيكانا تلاقينه في الصيدليه
واتغداء سبع ملاعق رز واحيانا اتغداء تونه بدون زيتها اكشنها بدون زيت او اكلها كذا عادي
واتعشاء سلطه
واذا جعت اكلت فواكه او ثلاث تمرات مع القهوه
لازم ثلاث تمرات لا اقل ولا اكثر لازم عدد فردي وفي الاسبوع اسوي لي يوم مفتوح اكل فيه اللي ابي ،،
والمشي لازم هو اللي يحرق السعرات واذا مشيتي ساعه بيكون احسن والمويه اشربي كل يوم ثمان كاسات لان المويه تذوب الشحوم وتساعد على تنزيل الوزن وان شاء الله ربي ينحفكم ويحقق امنياتكم ،،