نحف من غير حرمان ولا نفسيه ،،، بنضاره وخدود ورديه

هو بالاصح نظام غذائي وليس نظام تنحيف ،، طول عمري عارفه هالنزام بس ماعندي اراده اطبقه مع انه سهلللللللللللل

والحمدلله تزوجت واحد نظامي مره :arb: ،،، خلاني امشي على هالنظام من غير ماحس

قبل زواجي استخدمت ريجيم من المنتدى كان للأخت شيري وبالامانه انه احسن ريجيم استخدمته وكل اللي جربوه انهبلوا عليه

بس انا يوم سويت الريجيم كان فيني فقر دم وزاد مع الريجيم وصابني بهتااااااااان وشحووووب وخمول وطلعت حبوب في بشرتي ،،، قسم بالله كل من شافني مستحيل يقول عروس ،،،صرت كأني عجوز مريضه :07:

صحيح نحفت 8 كيلو في شهر بس جلست شهور اعالج فقر الدم والبشره المعدومه

ماتصدقون يابنات زوجي فشلنييييييييي بعد الزواج بفتره قال ليش كذا بشرتك

مع اني ولله الحمد طول عمري اتمتع بنضاره وخدود ورديه لدرجة وحده تسألني أيش ماركه البلاشر حقك
وانا اصلن ما حطيت بلاشر


كان حلمي انحف بصحه ونضاره وخدود منفوخه وجسم رشيق،، والحمدلله تحقق حلمي من غير تعب وكسبت صحه وبشره ونحافه

الزبده

هالنظام رووووووووووووووووعه ،،، كنت أكل وأشرب كل شي من غير حرمان ومع هذا كنت أنحف كل يوم بزياده

وبشرتي تغيرت تدريجيا ( يوم بعد يوم) وصفت وراحت الحبوب والشحوب ودبت الحياه من جديد في الخدود

اولا : قبل ماروح للدوام الصبح كنت اشرب كاس ماء دافي مع ملعقة عسل اسود وأكل حبة برتقاله
واحيانا اكل تمر قبل اطلع ،، اهم شي ماروح الدوام ومعدتي فاضيه

والظهر اسوي الغدا ولااااااااااااااااااازم اقدم مع الغدا شرائح طماط وخيار واحيانا جرجير

لازم كللللللل يوم ،،، ماعمري قدمت الغدا لزوجي من غير هالسلطه البسيطه ابدا

وبعدها انظف المطبخ واشتغل :angry: ،،، عودني زوجي انه مافيه نوم بعد الاكل ابددددددددددد

عند أهلي كنت أملئ الكرشه وانام

اذا خلصت شغلي اكون هضمت كل الاكل وانام ساعه او ساعه ونص :time: لين العصر

والعصر أقدم سلة فواكه وضروري من ضمنها برتقال ،،، كل اسبوع زوجي يجيب فواكه منوعه
يعني اسبوع برتقال وتفاح وكيوي
الاسبوع الثاني
برتقال وموز ومشمش وهكذاااااااااا بس البرتقال اساسي

وبعد صلاة المغرب قهوه وحلا وبعد فتره تركنا القهوه وصار زوجي يجيب كل يوم حليب طازج من مزرعة ابوه
ويوم اقدم الحليب مع حلبه مطحونه واحيانا مع عسل اسود ،،، وايام أقدم زهورات او بابونج


وبعد صلاة العشاء يكون العشاء جاهز ( دايما يكون خفايف )

وباخر الليل عالساعه 11 و 12 اذا جعنا ناكل فواكه

كل شي كنت اسويه بترتيب وبأمر من زوجي ،، لاني من النوع اللي ما أكل كثير وكان يجبرني أكل غصب عني
حتى ان فكره الحليب والحلبه والاعشاب والزهورات كلها من ترتيبه وافكاره هو

وأهم شي طريقة الاكل تكون بهدوووووووووووووء وحبه حبه لدرجه نجلس عالوجبه ساعه

وانقطعت عن الوجبات السريعه والجنك فود ،،، اذا طلعنا نطلب سمك او لحم مشوي وعصير طازج واحيانا نطلب بس عصير كوكتيل طازج

والله يابنات ماتتخيلوووووووووووووووووووووووون زادت نسبة الهيموجلوبين بالدم وتحسنت صحتي ونحفت لدرجة انه بعد شهرين من زواجي صارت البناطيل والتنانير تطيح وأهممممممممممممممم شي بطني كل يوم يلصق للداخل

ويوم ازور ناس من زمان ماشفتهم يقولون بشرتك متغييييييييييره ماشالله وصار المكياج علي يهبل
كل هالنظام أتبعته في 7 شهور فقط ولو كملت كان حصلت على نتائج أفضل


اذا رحت لاهلي اكل كثير واذا انعزمنا أكل رز وايدامات وصياني مقليه ومعجنات وحلويات بس الحمدلله ما كنت اسمن ابد

أذكر اول ماشفت زوجي تضايقت مرررررره ،،،، ماشالله عليه خدوده ورديه وشفايف ورديه ،، انهبلت احسبه من الخكاريه اللي يحطون مكياج او روج بس اكتشفت انه من الصحه ( ماشالله ) ،،، وشفت اخته كانت سمرا بس ماشالله خدودها مورده
وعرفت انه من النظام الغذائي . وعلى فكره زوجي رشيق ماشالله مع انه مدددددددددددددددمن كبسه .

يارب لك الحمد حققت حلمي من غير رياضه ولا ريجيمات ولا خلطات أعشاب ولا حبوب تنحيف ولا شاي اخضر

ابد ماسويت شي من هالاشياء ،،، حتى جسمي ماترهل بسبب شغل البيت والكرف .




بس الحين أنفصلت عن زوجي :44: ،،،، ورجعت لنظامي القديم في بيت اهلي ،،، أكل ونوم وخمول وفقر دم فضييييييييييع وشحوب وهالات ،، حتى اهلي قالوا ليتك عندك زوجك كانت صحتك احسن

الحمدلله بيت اهلي عامر ومايقصرون بس المشكله في النظام الغذائي المتبع ،،، قسم بالله الثلاجه مليانه خضار وفواكه بس محد ياكل
تخرب بالثلاجه ولا يبون الحليب ولا الحلبه ،،، ولا ولا شي

اكثر اكلنا بالبيت جنك فود وايسكريمات وتشيبس و وجبات سريعه وسندونتشات دسمه :f226:




الحين عاد ادعوا لي ان كان فينا خير لبعض يجعني معه عاجلا قبل آجل قبل تخلص العده



دعواتكم بهاليوم الفضيل :(