يالله ياللي ميتَ العرق تحييه = وبامرك نما عقب اليباس الهشيمي
ياحي ياللي مانعدد حسانيه = يامنزل الماء من سحابٍ ركيمي
نحمدك يامنشي المطر من مناشيه = وبامرك كسيت الارض ثوب النعيمي
ابرج لقلب صالي الهم يكويه = يصبر وقلبه بالخفايا سقيمي
تعبت اداري دمع عيني واخفيه = وحبل الرجاء متعلقٍ بالرحيمي
ادرا مناقيد العرب والمشاريه = واكن جرحى مادرى به نديمي
واليوم صبري باح والهم طاويه = وبنت الكريم عيونها فالكريمي
مادام غيري ماحسب قيمتي ليه = احسب احسابٍ له وهو مستهيمي
خلاص عدلت الفكر عن طواريه = ورقيت مبدأ للمعزه عظيمي