نحن السبب

صباح الخير عليكم يا حوائيات
الموضوع طبعا ما بيخصني وحدي بيخصنا نحن جميعا
وحبيت اكتبه للفائدة
طبعا كلنا او اغلبنا نشتكي من الرجال
يعني مرة نقول خاننا ومرة نقول مسجل بمنتديات
ومرة بدو يتزوج
بس ما سألتو حالكم ليش هو ماشي بها الطريق وهو قوي وما خايف من حدا
اما اذا وحدة مننا شافت شي على زوجها تخاف اني تواجهه
تعرفو ليش؟
لاني قالو يا فرعون مين فرعنك قال ما لقيت مين يردني
يعني الاغلب يقولو لو اتزوجت علي بموت نفسي ..........
يعني شو بيعملك مو سائل يلي بدو يساويه رح يساويه
بس لو كان كلامك اتزوج وانا عندي اهل بعرف ارجع اعيش معهم واهلي ما رح يخلوني الا رضيانة
كان حسب حساب
لما يخون نسكت ونبكي ونقله ليش وبقعد في بيتنا ونحن زعلانين
بس لو شاف انك ما اهتمتي ورح تتركيه كان حسب الف حساب
طبعا ما تجي هلق وحدة وتقلي يمكن في شي ناقصه
طبعا الكمال لله بس في حوار ومناقشات بين الزوجين
يعني بيتفقو شو يلي ناقصهم شو بدهم
ومدام هنن رضيانين بحياتهم خلص
الخيانة صعبة وجرحها ما بينتسى وبالاخير الرجل بيلوم المرأة
والزواج من اخرى انا اشوف اني مستحيل
طبعا الله محلله بس الله عطى لكل وحدة طاقة احتمال يعني انا ما اتحمل اعيش مع زوجي اذا اتزوج
كل وحدة ولها طاقة
ونحن ندعو بها عندما نقرأ سورة البقرة
بسم اللله الرحمن الرحيم ربنا ولاتحملنا ما لا طاقة لنا به واعف عنا واغفر لنا وارحمنا انت مولانا فانصرنا على القوم الكافرين

يعني ربنا وزع الطاقات بين الناس وكل واحد اله طاقة احتمال
طبعا نصائحي للزوجة انتي اول شي كوني واثقة اني ربنا رح يكون معك مادام انتي بتصلي وبتقرأي قران وبتدعي وبتقومي بواجباتك تجاه ربك
تاني شي كوني واثقة بنفسك وكوني قوية الشخصية
الرجل لا يحب المرأة ضعيفة الشخصية
لاتقصري بواجباتك حتى لا تكون حجة


النتيجة اذا لم يقدرك فهو انسان لا يستاهلك
حددي ما تريدين حتى ينفذه الرجل لك اما اذا كنتي ضائعة ولا تعرفين ما تريدين فهو اكيد لن يكون معك
فعندما تحدث مشكلة قفي بحزم وفكري ماذا تريدين وفكري بالنتائج واصلي صلاة استخارة
ثم قرري وكلمي زوجك بما تريدين
وتأكدي انك ستكونين فعلتي الصواب


طبعا انا لا ادعو للطلاق ولا للمشاكل ولكن اريد من المرأة ان تدافع عن حقوقها التي وهبها اياها الله
ولا تتنازل عنها ولا تفرط بها
وطالما نحن نتقي ونخاف الله فالله لن يضرنا ابدا وسياخذ بيدنا ويوفقنا
ودائما ادعو ان يوفقني الله لما يحب ويرضى

ارجو الاستفادة للجميع