نحن قومُ لانخطئ ....وإذا أخطأنا .....مانعلم أحد

الملتقى العام

السلام عليكم ورحمه الله وبركاته

موضوع يحمل مجموعه من السياط كالعادة
بنظرة خاطفة وسريعه على تطورات المجتمع المحيط نجدها من شدة سرعتها
تدهورت إتجاهاتها ..يعني بدال ماترقى للقمة صارت تدحدر تحت ...
وهذا شئ مؤسف للغاية ..ومحبط من جميع النواحي ..لأن اللي قاعد يصير راح يكون
سمة للجيل القادم ..الجيل اللي صار ضحية الأهل وعدم مبالاتهم قبل مايكون ضحية لتغيرات الزمن .
من كم يوم ...

رحنا نتغدى في (تشيليز (...وأحنا جالسين في أمان الله وقاعدين نستفتح الهجوم
بكل هدوء ...فجأه ..هبت عاصفة من عواصف التغيير اللي قلت لكم عنها قبل ...
وسكنوا جنبنا ..تحديدا في الكراسي اللي لاصقة بكراسينا ....مجموعه صبايا ...
من أشكالهم وأصواتهم مايتجاوزون ال 16 أو 17 سنة ...
كان بينا وبينهم حاجز لكن (الله يالحاجز .( كنهم معنا على الطاولة ...
ومن دخلو ... إلا والأصوات والكركرات بلا أي هدف أو مضمون ...بالضبط بالضبط كأنهم في داخل غرف
نومهم ...لدرجة ماقدرنا حتى نتكلم معها ...

ومو هنا المصيبة ....المصيبة في نوعية الكلام نفسة ...كلام سوقي ...سخيف ..ماله لاراس
ولا ساس ..وبين كلة جملة والثانية ...وحدة تقول للثانية) يــــلعــــ........... أومك ياشيخة (..

تخيلوا ؟؟؟
كنت في موقف لأحسد علية ...قدام زوجي والعيال ...أنحرجت لأنهم ينتمون للمجتمع الأنثوي
اللي ماخذو منة غير التصنيف ..
ولاحظو) أنا ماعلقت على دخولهم للمطعم بدون محرم لأنها حرية شخصية مالي دخل فيها(
كان تعليقى على تعديهم على حريتي الشخصية ومساحتى المحددة لي ..
متى بنتعلم أننا نحترم مساحات الغير ؟؟؟ متى بنتعلم حدود حريتنا الشخصية وين يوقف
ومساحه الغير وين تبدأ ؟؟ متى نتعلم آداب الآماكن العامة ونظرة الآخرين لتصرفنا ؟؟
ومو أول مرة تصير لي ..أو لكم ولاراح تكون آخر مرة ..
في بعض المطاعم (في بلاد برا ) ...لما تطيح الشوكة منك بالغلط ...تتجة لك كل الأنظار
من التهجن على صوت الشوكة اللي سويتة ...لين تغيصين في هدومك من العار ..
يجون يشوفون هنا ...مو صوت شوكة .. مدافع وسواطير ...صرنا لين دخلنا مطعم هنا

نحسب أنا في (حي بولاق الدكرور ولا باب السيدة ( ...

وأتوقع بعد فترة ..بيوزعون عند الباب سدادات للأذن أول ماتدخلين تاخذين لك جوز ...
وبنعتمد على لغة الإشارة في سوالفنا مع بعض ..
الموقف الثاني جاء مباشرة بعد هالموقف السعيد ...بعد مارحت أنا وبنتي للسوق عشان آكمل
أغراض العيد ..وتحديداً (لحياة مول ( وأكثر تحديداً ...لزارا ....
بس ماكان زارا ....تحول ذاك اليوم ...لزعارار ....الملابس كلها في الأرض ..وبين الرجلين
بعيني شفت حرمة تمشى على بلوفر ..طيب ..كيف أنا بشترية وبلبسة وهي ماشية علية
بشوزها ..
طيب لية ؟؟؟ وإيش الوضع المآساوي اللي صار في العالم عشان تنزل الملابس على الأرض ؟
لية ياحريم ..لين خذيتو شي وماعجبكم ولا ترددتو فية وقبل تطلعون من المحل ماترجعونة محلة ؟؟
ولا تسلمونة للبائع (الفاغر فاة كما رأيتة ) ..عشان يرجعه .؟؟؟
ولاأضعف الإيمان علقية في أي معلاق وهم يرجعونة ..
ليش الهمجية وقت التبضع ..وسياسة وش دخلني هذا كلن يسوي ..

لما أنتي ترجعين وذي ترجع وذيك ترجع ماصارت المحلات كذا يوم العيد أو في فترات التخفيض ..
والله لو تشوفون وجوة العمال وقتها وهم يحاولون يمسكون طرف الخيط بس عشان يبدون يرتبون
وموب قادرين ....
بنتي يوم دخلنا ...وقفت في الوسط وقامت تدور بنظرها على المحل ...وقالت ماما : جايهم إعصار ؟
قلت يابنيتي هذا إعصار الحريم المهذبات ماشاء الله عليهم ...
الوحدة منهم على بالها لما تطلع من البيت خلاص ..محد عارفها برا ويحق لها تعمل مابدا لها ..
وبعضهم عندهم أي شي يتخطى حدود بيتها ..خلاص كيفة ..بالطقاق ...يعتبر من الشارع
المفروض إن الأنثى تكون جنس يمشي وحوالينة هالة ...الكل يحس فيها ...وتترك أثر منها
في كل مكان تمر علية ..
لما نتعلم أن أنوثتك عنوان لكتاب كبير ...في أقسام كثير ..لازم الكل يحسك ويقراك من تصرفاتك
ولما نتعلم ...أن المكان العام ..لة قوانينة ...والشخص الموجود في المكان العام لة حقوقة علي
وأنة مو مجبر يسمع سوالفي وهواشي على عيالي ومكالماتي ...
وقتها بنكون أستحقينا لقب أنثى ....بكل جدارة ..
9
529

يلزم عليك تسجيل الدخول أولًا لكتابة تعليق.

تسجيل دخول

سراب ...1988
سراب ...1988
كلام كبير..لافض فوك ..الله يثبتنا على طاعته ويديم علينا نعمة العقل..
اااه يادنيا
اااه يادنيا
الله يهدي الجميع يارب
classikyah
classikyah
كلا بطبيعته
استغفر الله العظيم
الحياة أجمل
الحياة أجمل
استغفر الله
استغفر الله استغفر الله
استغفر الله استغفر الله استغفر الله
استغفر الله استغفر الله استغفر الله استغفر الله
استغفر الله استغفر الله استغفر الله استغفر الله استغفر الله
استغفر الله استغفر الله استغفر الله استغفر الله استغفر الله استغفر الله
استغفر الله
استغفر الله
استغفر الله
استغفر الله
استغفر الله
الحلا من الكويت
اما السوق والملابس المكركبه عالارض0000000000
شفتها بام عيني كثير بالرياض وقت العيد والتخفيضات شي غير طبيعي