~*LaMaR*~ :

طيب يا أخوااااااااااااااات أنا أحس التنظيف و الترتيب و الكنس أمرها سهل لأنها مو كلها يوميه و ممكن تحطين جدول مريح لك و ممكن تستخدمين الأجهزه المساعده لك .. طيب بالنسبه للطبخ والنفخ الصرااااااحه هذا هو عقدة حياتي ماااااااااااااااااا أحبه لأنه يومي و إلزامي عطونا أفكار تسهل الطبخ علينا و خااااااااصة الموظفه و ياليت الموظفات إللي ما عندهم شغالااااات يقولون لنا جدولهم و بإنتظاااااااااااار تجاربكم و حلولكم و تفااااااااااعلكم مع الموضوع حتى نخلي الحياه أسهل بدون شغاااااااااله

طيب يا أخوااااااااااااااات أنا أحس التنظيف و الترتيب و الكنس أمرها سهل لأنها مو كلها يوميه و ممكن...

أم يحيى :

عدنا ( ياربي مايكون كلامي ثقيل عليكم ):39:: ومن الأمور الكمالية اللي ممكن نستغني عنها ، حتى لا نحتاج لوجود الشغالة : التكلف في الضيافة : كثير من الأخوات ، تقول أنها لا تستغني عن الشغالة من أجل أن طريقة استقبال الضيوف وتقديم أنواع الضيافة تغيرت وتطورت .. صرنا نحط قائمة <<حشاصار مطعم مو بيت ): في البداية : عصير ( وهذا ما كنا نسويه قبل ) القهوة ومعاها على الأقل نوعين أو ثلاث انواع حلا الشاي ومعاه موالح ( هذي التسيورة العادية بس مو عزيمة كبيرة ).. ولو جينا للحق ، هل هذي الأشياء تعتبر وجبة ؟؟؟ هل هي عشا أو غدا ؟؟ لو كانت وجبة على عيني وراسي أقول تستاهل .. لكن والله لا هي غدا ولا عشا بس تعب وصرف فلوس ومواعين ... وبعدين ؟؟؟ هل ضيوفنا جايين جوعانين عشان نقول : نكسب أجر ( اطعام الطعام )؟؟؟ ثم سؤال مهم : أكثر الحريم والبنات هالأيام يحافظون على رشاقتهم ...ويالله يذوقون باطراف اصابعهم ...حتى اللي مو مسوية ريجيم تستحي تاكل حتى لو جوعانه ...صح والا لا .. مو هذا اللي قاعد يصير ؟؟؟ والنتيجة ؟؟؟؟ النتيجة نقول ليش الجيران تغيروا صاروا ما يزورون بعض ؟؟ وليش صلة الرحم قلـّت صارت صعبة ؟؟ وليش صاروا يمنعون اصطحاب الأطفال ( مو لبيوت الغرب ؟؟ ياليت بيوت الغرب بس ...حتى بيوت العمام والخوال وحتى الإخوان والخوات أحيانا ) صاروا ما يبون أطفال لأنهم يخافون على أثاثهم الفاخر وضيافتهم الغالية يخربونها الصغار ... صح والالا ؟ معليش أنا أتكلم بصراحة ..وأتوقع كل وحدة عارفة هالشيء بس نستحي نقوله ... طيب الحل : نرجع لبساطتنا .. بساطتنا في الضيافة ...لأن الناس مو جاية تاكل والا تشرب ...جاية تشوفنا وتسولف ويانا ... وبساطتنا في تأثيث بيوتنا اللي ما يستانس فيها أحد ..أهل البيت تصير هم وغم عليهم يخافون عليها ..وهم وغم في التنظيف والصيانة ...ومشاكل مع الشغالة ليش ما نظفت زين .....وبعدين تهرب الشغالة ويطيح كل شيء بكبد راعية البيت .... نبي نرجع يابنات مثل ماكنا أول ...أنا ما أقول اتركوا الكشخة والزين ...كلنا نحب الزين والكشخة ...لكن ..بحدود الطاقة .. والله تعالى يقول : " لا يكلف الله نفسا إلا وسعها " فإذا كان في أمور الدين ،،، لا يطالبنا ربنا بالتكلف فوق الطاقة ، بل ينهانا عن مافيه ضرر علينا ...فكيف نكلف انفسنا في أمور دنيوية قد نكسب بسببها الذنوب ... قد يكون فيها اسراف وتبذير قد يكون فيها تكليف الزوج أو النفس فوق طاقتها فيلهيها عن أشياء أهم وأفضل .. قد تسبب الغيرة أو الحقد أو مشاكل بين الحريم وأزواجهن لما كل وحدة تبي تصير على مستوى صديقتها أو أحسن منها .... كل هذا يصير أو بعض منه ...صح والا لا ؟ هذا غيض من فيض أخواتي الحبيبات ... ولولا الخوف انكم مليتوا كان كتبت أكثر وأكثر ... لكن أحب أسمع منكم أنتوا بعد لعل الله يتقبل منا ونكون سببا في ايقاف استقدام الشغالات عن بلادنا وبلاد المسلمين ...وقديما قالوا : مشورا الألف ميل يبدأ بخطوة ... أنتظر اضافاتكم خواتي الحبيبات ...

عدنا ( ياربي مايكون كلامي ثقيل عليكم ):39:: ومن الأمور الكمالية اللي ممكن نستغني عنها ، حتى...

حلا شقراوي :

تصدقون يا بنات أفكر أفرش بيتي بموكيت أدفأ في الشتاء أريح في التنظيف وإذا لابد من السيراميك يكون في المجالس فقط ما أدري يا بنات عن غسالة المواعين أحد جربها فيه ماركة معينة تنصحون فيها ياليت تفيدوننا

تصدقون يا بنات أفكر أفرش بيتي بموكيت أدفأ في الشتاء أريح في التنظيف وإذا لابد...