السلام عليكم

بصراحة موضوع ممتاز ومحتاجينه بقوة
بس للأسف في بعض الردود تهبط من عزيمة الوحدة

أنا قررت أستغنى عن الخادمة ...............وخااااااااااااااااايفة من المجازفة
دحين ممكن نلخص البدائل...........
أولا...التوكل على الله وطلب العون منه سبحانه .........البكور في الأعمال صباحا............التسبيح والحمد والتكبير قبل النوم
ثانيا ...طبعا بإذن الله راح أشتري الآلات التالية لتعينني بعد الله عزوجل ..........
1-غسالة صحون...بعد البحث لقينا أفضلها lg وأريستون وليفربول اذا ماني غلطانة بالاسم
2-غسالة ملابس اوتوماتيك ..........بس عندي سؤال.......هي كيف اسمها اوتوماتيك ؟ مو لأنها بس نحط الملابس وهي تغسل وتبدل الموية وكمان تجفف ؟ يعني نجي بس ناخد الملابس ونطبقها وعلى الدولاب إلا الذي يحتاج لكوي نكويه.............أتمنى الاجابة وذكر الماركة اللي تكون كدا وتجفيفها 100% لأن صعبة بأشتري غسالة فوق الألفين ريال ومجفف لحاله ونفس الشيي بألفين او أكثر وأنا مالي قدرة اقعد اشيل الملابس من جهاز لجهاز أبدا .....أو أنشر الملابس مافي مجال للنشر

أنا سمعت ان ماركة ليفربول أو ويلربول نسيت اسمها هههههههههههه سمعت انها تغسل وتجفف 100%
ياليت اللي عندها تذكر الماركة ونسبة التجفيف
3-مكواة بخارية اللي شبه المكنسة الكهربائية أو مكواة الكبس..........سؤال أيهما أفضل؟؟
4-محضر الطعام من براون
5- قدر ضغط
6-مكنسة كهربائية وياليت تكون تنظف حتى السيراميك.........أيضا نريد ذكر النوعية الجيدة
ثالثا...تقسيم العمل على كل افراد الأسرة
رابعا...العمل وفق جدول منظم


أنا عندي اربعة أبناء بنت 16 سنة وولد14 سنة وبنت 13سنة...........تبارك الله كبار....وولد شهرين
بيتي دور كامل 6غرف و4 تواليت ومطبخ كبير وصالة كبيرة وحوش........تفصيلها مرة ممتاز بحيث إن غرف النوم والصالة بجناح شبه منفصل عن غرف الضيوف.....عشان كدا آخدين راحتنا مانشوف الشغالة الا نادرا............ترتب الصبح وخلاص ماعاد تدخل هادا الجزء
الغرف موزعة كالتالي
غرفة نومي........غرفة البنات.......غرفة الولد ...........و2تواليت والصالة هادي بجناح لحالها
وغرفة استقبال نساء ........واستقبال رجال............وغرفة الشغالة حاليا و2تواليت
أما المطبخ جاي في النص بين القسمين
أنا كنت معلمة وتركت الوظيفة ............
حالتي الصحية......الحمد لله.........لا اتحمل المجهود على طول ظهري ورقبتي تتعب بسبب شي في الفقرات
أنا لو أشتغل في البيت راح انحف وهادي مشكلة بالنسبة لي لأني بالعاااافية حتى زاد وزني وصرت معتدلة القوام.......ما ابغى انحف

طبعا غرفة البنات عليهم تنظيفها
والولد تبارك الله أصلا هو مررررة مرتب تبارك الله أحسن من اخواته الله يصلحهم
غرفتي ماكانت الشغالة تدخلها
غرف الضيوف مقفولة ونااااااااااااادرا لما يجونا ضيوف...يعني مرة بالأسبوع تنظيفها كفاية
الحوش قال زوجي يتفق مع الكناس يغسله مرة بالأسبوع.........ريحني الله يجزاه خير بس ياليت يتحقق هالشيء مو كلام بس
ناوية اخلي كل واحد يغسل ملابسه بنفسه يتعلموا بدل الخيبة اللي هم فيها دحين حتى الولد لازم يخدم نفسو مافيها ولد وبنت .......لو فرضنا اضطر يدرس برا لمايكبر خلاص يكون يعرف يدبر نفسه
ايش باقي؟.......الطبخ ...............وآه من الطبخ
كنت طباخة مااااااااااااهرة واصبح اسمي على كل لسان لدرجة اني لما اتزوجت كانوا ناس غرب يجوا لزوجي يبغوا يشوفوا الفلانية ايش تأكله............وغير كدا مواقف مالها داعي أذكرها
الآن ..........لايمكن أزبط شيء لو حتى براد الشاهي وكمان لو حاولت اسوي شي تلاقي ظهري وكتوفي ورقبتي تميتني آلاما
الحمدلله على كل حال...............صرت أكررره المطبخ من قلبي
يحسسني بأني فاشلة مو قادرة اسوي شي لأولادي ولو طبخت نجلس على الأكل وانا مو مشتهية لني قاعدة اجاهد الألم وما ابغى ابين..............الشكوى لله

يعني فكرت كتير بموضوع الخادمة بالنسبة لوضعي مالقيت لها أي داعي والله بس خربت بناتي كبروا وهم مايعرفوا شي
اللي في الثانوي قلت لها سوي القهوة قالت ما أعرف انصدمت..........اشتكيت لأمي وقالت لي كلمة أدبتني فيها.....قالت: احنا نجتهد في تعليم الشغالات ونسينا نعلم بناتنا...( أمي طول عمرها ماعندها خادمة وماتحبهم وربتنا كلنا وبيتها فاخر وفيه كل انواع التحف وماتلاقي ذرة غبار وعندها هوايات زي الخياطة تمارسها عادي وكمان ماتترك واجب اجتماعي أبدا وغير كدا دااااايما عندها ضيوف على فجأة بدون موعد وأحيانا تعمل عشاء على شكل بوفيه للحبايب وأغلبه شغل بيت تبارك الرحمن وكمان عندها أمها حرمة كبيرة وغير كدا جدتي دلوعة ومو أي شي يعجبها طول اليوم تغير وتنوع بطلباتها وعلى قلب أمي زي العسل يعني بارة بأمها بر ماشفنا زيه بشهادة الكل من حوالينا ...وكمان صوامة قوامة ...دايما هي وجدتي صيام وتسوي فطور وبف وشرب وماسية وتعمل حساب اي ضيف ممكن يجي فجأة......الصلوات تطول فيها وقيام الليل ماتتركه لاهي ولاجدتي رغم السن
أتعجب منهم ...كيف يقوموا في عز البرد ومن احلى نومة ويتوضوا ويطولوا بصلاة الليل...الله يرزقهم الفردوس الأعلى ويدخلهم الجنة من غير حساب........ ماشاء الله لاقوة إلا بالله اذكروا الله على ميمتي)
دايما زوجي يقول لي ............ماتجيني ربع عمتي الله يحفظها ...وصيري زيها ومن هادا الكلام
غير كدا امي دايما بشوشة تبارك الله ......أنا لو اكنس الصالة بس والله أخلاقي تصير سيئة ومرة عصبية.....آآآآه ليه ؟
أمي تغسل الدرج 3 أدوار والحوش والسيراميك حق الصالة دايما يلق تبارك الله
المطبخ عمري ماشفت فيه نحاس دايما مرتب...رغم ان ضيوفها يوميا خوالي هادا رايح هادا جاي وأخواني كمان طالعين داخلين وأولاد أخواني داااااااايما عندها صغار وكبار وكل واحد من اخواني يجي يسلم ويكون معاه احد من أولاده وزي كدا
الله يحفظها ويديم عليها الصحة والبركة


معليش طولت...............بس والله من جد لقيت في هادا الموضوع بالذات أخوات ماكنت أتوقع ألاقيهم

الله يجزاكم الجنة أنتم ومن تحبون

أختي توتة .. دمعت عيني لما قرأت كلامك عن الوالدة ..ماشاء الله تبارك الله لا قوة الا بالله ، اللهم بارك لها بعمرها وعملها ووقتها وصحتها وزدها فهما وعلما وقوة ، اللهم اكفها شر خلقك وأتمم عليها لباس الصحة والعافية ..

شفتي ياتوتة ؟ السر في نشاط الوالدة الله يحفظها في الطاعة ،،، الطاعة ،،،

قال عليه الصلاة والسلام فيما صح عنه: ( احفظ الله يحفظك )


قال ابن كثير وهو يترجم للمحب الطبري ؛ -وهو إمام شافعي كبير، من أجل الأئمة الشافعية، كان مزاحاً دعوباً، وكان متقياً لله عز وجل- يقول: ركب معه شباب في سفينة، فلما اقترب من الشاطئ قفز من السفينة إلى الشاطئ، وحاول الشباب أن يقفزوا فما استطاعوا، فقالوا: كيف استطعت أن تقفز وأنت في الثمانين، ونحن شباب لم نستطع؟
قال: هذه أعضاءٌ حفظناها في الصغر فحفظها الله لنا في الكبر.
ومعنى الكلام: هذه أعضاءٌ حفظناها من المعاصي فحفظها الله علينا لما كبرنا، فما أصابها وهن، وهذا معنى قوله عليه الصلاة والسلام: {احفظ الله يحفظك}.

أختي : لا يكلف الله نفسا الا وسعها ...

إذا كنت تقدرين فجزاءك عند الله عظيم والإسلام حث على اكرام الضيف ..لكن إذا كان فوق طاقتك فلا تكلفي نفسك الا ما تستطيعين ،، خليك على البساطة المعقولة ..ذكرتيني بوحدة من قرايبنا كان بيتها ماشاء الله فندق كل من راح وجا سكن عندها ، بعدين تعبت قام زوجها بنى ملحق في البيت ( غرفة وحمام ) وأعلن قال :ترى أم فلان تعبانة وما تقدر تستقبل والملحق موجود للي يبي باي وقت ...

ومن ناحية الشرهة ، أيضا ذكرتيني من 11 سنة تقريبا أو أكثر لما بدؤوا جيرانا بتخصيص يوم لإستقبال الضيوف الناس انتقدوهم وصاروا يتكلمون فيهم وما بقى شيء ماقالوه عنهم ، اللي يقول بخلاء واللي يقول مايبون الناس واللي يعيب عليهم ،،، والحين ،،، تعالي شوفي نفس الناس اللي كانوا ينتقدونهم ويتكلمون فيهم ،، صاروا يسوون مثلهم ويخصصون يوم لإستقبال الضيوف ..
ومادام الأمر مشورع في الإسلام فالحمد لله ..لكن كلن حسب ظروفه فأنتوا شوفوا اللي يجون من السفر هل هم يضطرون ينزلون عنكم وما عندهم امكانية يسكنون شقة أو فندق والا لا ؟ فهذا يعتمد على الظروف والله يوفق الجميع لكل خير ..

احبك الله يا أختي
وأسأل الله أن ييسعدك وجزيك بمثل ما قلت وأكثر ..