لمار ههههههههه

عرفتي من أين تؤكل الكتف :)

ضربتي ع الوتر الحساس يعني نخلي شعار الاستغناء عنهن شرط الزواج بهن هههههههههههههه

أم سلامة حبيبتي

ليش حنا دائما ندفع من صحتنا وعمرنا وراحتنا عشان راحة اضافية لغيرنا ماهي راحة ضرورية يعني شيء كمالي ؟!

بمعنى ليش أنا أضايق على نفسي بالبيت وأحرم نفسي من الخصوصية الي تبيها كل وحدة في بيتها عشان راحة اضافية لزوجي وهو أنه ماينتظر إذا طلب شيء .. أو مايتأخر عليه شيء !!!!!

أيش بيصير له يعني لو تأخرت عليه في طلبه إيش فيها لو سنّع نفسه بشغلة معينة !! ترى حنا الي عودنا رجالنا على الكسل وعدم التعاون ..

إذا طلب مني مية شغلة بوقت واحد أقوله أنا بشر ماني آلة أسوي الي أقدر عليه والباقي ينتظر عليه وإذا مافيه حيل ع الانتظار يسنّع نفسه ..

طبعا حنا على طول والمين لقولة مايرضى والله ليزفني بكلمتين حلوة ووووو .. واحنا ماحاولنا ولا حاولنا مرة مرتين ثلاثة وبعدها خلاص يأسنا لييييش ؟؟؟

حنا لابغينا السوق ولا نروح لأهلنا ولا عرس ولا طلعة جبنا كل كيدنا عشان يرضى وأنواع التمحلس وتضبيط العلاقات والسنع عشان يرضى لييييش كل هالكيد والعقل المدبر مايطلع إذا بغينا نغيره من انسان كسول ومعتمد لإنسان متعاون ..

المسألة ماهي سهلة لكن ماتمنع من المحاولة والمحاولة حتى آخر لحظة بتنويع الأساليب والطرق وترى قلوب الرحمن بين اصبعين من أصابع الرحمن يقلبهما كيف شاء يعني مافي شيء على الله عسير وممكن ينقلب هالشخص 180 درجة بين ليلة وضحاها


الله يصلحنا ويصلح أزواجنا ويحفظنا ويحفظ بيوتنا

البداية تبدأ من تغيير نفسك والاستعانة بالله والعمل وكل عسير بعدها سيصبح يسير وسيتغير من حولك تبعا لتغيرك .. بشرط






















أن تمحي من قاموس ألفاظك (مافي أمل ,, ماينفع ,, ماأقدر ,, رجالنا مايستجيبون ) وكللللل الألفاظ السلبية والمحطمة لأنها ستفقدك عزمك وإرادتك وقوة تأثيرك الذي تستمديه من ثقتك بقناعتك ..

والله يوفق الجميع

أهلين وميض و ينك لك كم يوم ما طليتي علينا ؟؟؟



شغل البيت أخذك منا ؟؟

خلااااااااص يابنت جيبي لك شغاله و ريحي عمرك >>>>>>>>> هههههههه تراي أمزح الله يريحنا منهم ..

والله مايخلينا نقول مستحيل نستغني عن الشغالات الا العجز والكسل اللي فينا واننا مانعذر نفسنا اذا كنا تعبانيين كل شي نبغاه كامل ومكمل رغم ان الكمال صفة الخالق سبحانه عز وجل 00 حتى الناس صاروا يطالعون في البيت نظيف او لاء تقديم صاحبة البيت كيف انواع الحلا اللي تقدمها وهي من صنع البيت او من برى00 وش نوع اثاثها وكيف ترتيبها 00وكاننا جايين للفحص والتدقيق00 والله حتى الناس ساروا مايروحون لبعض بسبب التكلف زيادة عن اللزوم 00شوفوا زمان كيف 00البيوت بسيطة واثاثها بسيط00 الضيفة من الموجود00لان المقصود من الزيارة مواصلة بعض والسؤال عن بعض 00 ومهما يكون من نقص عند الوحدة تنعذر بسبب البيت والعيال الله يهديهم00 اما الحين ياكافي نسال الله السلامة 00صرنا نحمل هم الضيف اللي يجينا00 وش نسوي وش نحط له وكيف نرتب بيتنا من اجل استقبالة رغم ان البيت كامل مافية شي ناقص00 الله يعين بس وياليت نرجع لبساطة زمان00
،،,الا ليت الزمن يرجع ورى والا الليالي تدور
ويرجع وقتنا الاول وننعم في بساطتنا

زمان اول احس انه زمان فيه صدق شعور
نحب ونخلص النيه وتجمعنا محبتنا

زمن مافيه لاغيبه ولاحتى نفاق وزور
ياليته بس لو يرجع ونسترجع طفولتنا

صغار قلوبنا بيضا نعيش بعالم محصور
ولانعرف ابد اغراب ماغير عيال حارتنا

صحيح صغار بالتفكير لكن ماعلينا قصور
نخطط نكسر اللعبه وتسعدنا شقاوتنا

نروح المدرسه بدري ونضحك داخل الطابور
نحاول نزعج العالم في روحتنا وجيتنا


وعشان نأخر الحصه نخبي علبه الطبشور
نشاغب بس في الاخر تميزنا برائتنا

نحب الضحك والهيصه نحب ننط فوق السور
نفرفش ليه مانفرفش مادام الضحكه عادتنا

ولكن دارت الايام وبان الخافي المستور
وصار الهم متعلي على قمة سعادتنا

كبرنا وصارت الدنيا تصف احزاننا بالدور
وتهدينا الالم والهم غصب عن عين رغبتنا

تعبنا من بلاوينا احد ضيق واحد مقهور
وكلن غارق بهمه وفي الاخرتشتتنا

وانا ماقول غير الا ياليت ان الزمان يدور
ونرجع للورى فتره نعدل وضع عيشتنا ،,, </B>

الله يصلح حال الجميع


رتولة

وش نوع غسالتك المواعين ؟؟؟

ومكنستك اللي ذكرتيها هناك في ملف الموظفات وش نوعها ؟؟؟ وايش مميزاتها ؟؟؟

ياليت مع الاسعار






بنات يه احد جرب المكنسة الصغيرة اللي بالشحن ؟؟؟

اللي تعلق بالجدار وتصلح للبداد >>>>>>>> حلوة البداد ههههههههههههههه