بصراحة موضوع موحلو إلا ممتاز وربي يجعله في موازين حسناتكم وتشجعون الوحدة جزاكم الله خير .أنا كل اللي حواليني يقولوالي عيالك صغار وماتجيبي شغالة والله تعب عليك . وكنت ماشية في شغلي صحيح تجيك فترات تكسلين في شغل البيت لكن لما تصير الوحدة حرة في مملكتها مومثل اللي كأنها بسجن مراقبة في أكلها وأكل عيالها ولبسهم.المهم قلت في نفسي ليش ما أجرب المرة الأخيرة لكن هذه المرة من اللي يباتون وتروح كل أسبوعين وقبل كنت أجيب من اللي بالساعات .قلت حلو تلاقين كل شي قدامك نظيف ومرتب وترتاحين طبعا هذا وأنا داخل نفسي ماانا مقتنعة مرة ,بس فقدت الثقة في نفسي إني قادرة على بيتي .والله من قبل ما أجيبها إن نفسي مسدودة وأنا باقي ماشفتها هي عن طريق وحدة وزوجي رايح يجيبها بعدين لما جات بيت الحرمة اتصلت علي وقالت الشغالة جات تعالوا خذوها قلت لزوجي روح جيبها جات ولااراديا بان على وجهي إني ما أبغاها قال زوجي إيش فيك شكلك ماتبغيها قلت له كنت أتمنى تكون من اللي بالساعات .بس وجات قلت مسكينة تبغى شغل مو حق لعب وكلام فاضي وقلبي يغلي ما أبغاها بس عشان مايقولوا مجنونة ماتبغى شغالة بس تحب الكرف .وتصدقون بس جلست أسبوعين تصدقون كنت أحيانا والبيت كله نايم زوجي وعيالي والشغالة أجلس لحالي وأفكر ليش أجيب شغالة وليش أسمع كلام الناس إيش في أنا ماعندي شخصية ,وأسب في نفسي وجاتني حالة حتى صرت أبكي أحس إني غصب جبتها طبعا ماأقدر أخرجها عشان ما يقولوا لي مجنونة .بس دعيت الله وكل وقت أدعي الله إنها تخرج بنفسها موأنااللي أخرجها حتى جات يوم فرحي وسعدي وطفشت هي وطلبت بنفسها إنها ماتبغى شغل قلت لها-بكل برود- إيش فيه ؟قالت بس ماأبغى شغل.تدرون موقفي في هذيك الساعة شفتوا النار لما تطفوها بموية ؟انا من أول ماقالت ماتبغى تشتغل وأنامن أول قلبي يغلي والله كأنها صبت علي موية مو باردة برود إلاشديدة البرودة وطفت حرايق وحسيت كأني إنسانة ولدت من جديد .وجلست فترة مالي نفس أقابل أحد .بصراحة حتى عيالي فرحانين والله ولدي صف ثالث ابتدائي جاني مرة يقول أول البيت موحلو ولما خرجت الشغالة كذا أحسن والله ماسألته كنت مشغولة مرة بس دخل علي المطبخ وقال هذه الكلمة رفع معنوياتي موشوية إلا كثير. لماتجي كلمة من إنسان ماتتوقعين منه شي كلمة ترد لك روحك وإحساسك بإنك إنسانة لك مشاعر وشخصية وثقة بنفسك إنك تقدرين على تحمل مسؤولية بيتك وعيالك وإنك ماانت فاشلة زي ماالناس معتقدة .أحلى كلمة .ربي يسعده ويسعد أخوانه يارب ويحفظهم لي من كل عين ومن كل سوء.تغيرت وحسيت إني من أول مالي قيمة وأبغى أرجع قيمتي وثقتي بنفسي وصرت أقرأ كتب الثقة بالنفس لما أفضى وأحيانا أكون مشغولة مرة لكن هذه من دروسي المهمة جدا ولازم أدرسها وأطبقها وأعيش شخصيتي وببيتي وحريتي .أدري غثيتكم بكلامي لكن المختصر المفيد الشغالات يدهم خراب لكل شي ,أتحدى وحدة عندها شغالة وماخربت لها شي أو ضيعت تدخل وتقول لنا إن شغالتها ما سوت شي من هذا من يوم جات لها .وحسناتنا مجانا أخذتها .غصب عنك بتتكلمين عليها لو كلمة.وفلوسنا آخذتها بكل سهولة ومع هذا الغلا نجيب شغالات ونقول غلا أصلا حتى الشغالات بالساعات صاروا غاليات.غير كذا أكثرهم جاهلات فاضية تعلميها أمور دينها كويس بدل الوحدة جيبي لك 5 عشان تكسبين أجر .كل ماتصلي راقبيها كيف تصلي ,مو هي صارت من العائلة الكريمة طيب إنت مسؤولة عنها .خلاص .أنا بصراحة عندي ماشاءالله تبارك الله خمسةوزوجي يدوب أقوم بحقوقهم وربنا يقدرنا مع إننا مقصرين بحقوقهم فماعندي استعداد لمسؤولية ثانية.وسلامتكم.
بصراحة موضوع موحلو إلا ممتاز وربي يجعله في موازين حسناتكم وتشجعون الوحدة جزاكم الله خير .أنا كل...
جبت 4 شغالات بسبب الحمل وكل وحدة تجينى بمشكلة شكل والحمد لله الله يغفرلى ولهم
لدرجة ان وحدة منهم قالتلى شغلة اهلى انها ماهى حرمة وفعلا فيها مضاهر غريبة مادل على الانوثة
والن تعفدت من شى اسمة شغالة ومن الحمل بعد الن حملى نزيف وتعب
غير كذا دفاع الزوج عنهم وكانك انت الشغالة ويحصلون من الرحمة الى انتى اولى فيها ولو تكرفين طول النهار
مايكلف نفسة ويقول ارتاحى الاليش ماسويتى هذا وذاك
الة يعينا بس لا رحمة وعللى طول انتى مقصرة مهماسويتى