السلام عليكم ورحمة الله وبركاته
هذي قصتي من السمنه الى الرشاقه...
مااااااضي نحووووله...
بنات انا كنت مااااشيه ولاهمني لاسمنه ولا رشاقه ولا شيء غير اني استانس واروووح مطاعم واطلب فاست فووووود لاني كنت والحمد لله اني جا اليوم اللي قلتهاااااا
انا<كنت>مدمنة وجبات سريعه
بيتزاهت ....دومينيتزبيتزا...ليتل سيزر...
كنتاكي ماكدووو هارديز كانتون برجر كينج الارنب الجائع كوكو كودو هرفي........
المهم بتتعبون لو كملت لكم باقي المينيو حقي...
واذا مو مشتهيه وجبات ومشتهيه شاي ادق اطلب صحن فطاير او مناقيش او مقليات
واذا ابتقهوى ما اعترف بالتمر...
ادق اطلب بقلاوة او كنافه او معمول......
او اسوي حلى >> عاد انا اشطر وحده تسوي حلى ...
المهم ولا جى بالليل جى زوجي من العمل
قاللي يالله روحي ظبطيلنا شي ننقنق علييييه
يعني مقالي ...بطاطس مقلي....نجتس...
او شيبس وربيان بالجبن وبرنجلز و دوريتوس...
زجنبه لازم صحن كاكاوات..وعلبة تشوكليت يا جواهر يا ماكينتوش واحيان نكون مارين على محل حلويات مثل الوليمه او باتشي او شوكولاين واكون جايبه ربع كيلو للطقطقه ....
المهم يعني ما انام الا...بموت من التخمممممه..
واحيان اقول لزوجي وهو جاي يجيب منBRكورتين..اممممم...وحده توفي بامكسرات وعليه بعد توفي ومكسرات واكوره الثانيه يا تشيز كيك توت يا قهوة يا اوريو....
والله يا انها حااااااااليه...
كنت مجرمه بنفسي....
وبما اني مدمنة سينبووون ..
ماتكفيني وحده...نو....لا رحت اجيب كرتون يأما اللي فيه 9 صغار اللي 69 او اللي فيه 4 كبار ب45
واكل منها بالمجمع ثم بالبيت واحطها بالفريزر ومتى ما صنفت معي هجمت...
والله يابنات الاكل لذيذ ماقلنا شي بس صحتنا اهم...الله يستر علي من اللي كنت اسويه بمعدتي ...
المهم لا حملت ما يهمني شي بالعكس اتوسع بالملابس عالاقل افتك من الضيق او المخصر..وعذري حامل....عندي 3 اطفال....
وآكل حق 2 او 3 اشخااااص....واسمن زياده ..
ولا ولدت تتراكم السمنه بما اني نفااااس ثم تترامكم اكثر بما اني مرضع ...
واصلا" زوجي ما يشجع عالريجيم يبيني سمينه ...
ايش كانت صدمة نحوله؟؟
كانت صدمتي باللحظه اللي وقفت عالميزان
يوم 1-8-2010
ولقيت وزني 99 يابناااااااااااااات
واو ...ايش هالرقم...معقوووله ...ليه كم بيني بالعمر وبين امي..او جاراتها او حمواتها ...؟ا
انامو مثلهم جايبه 10 -11 بطن
انا عندي 3 اطفال بس
وللان ماجيت ال30 عمري 28
وهذا وزني...؟؟؟.؟؟؟.؟؟؟
ما قلت بوزني القديم الا لكم يا حوائيات....
لان شخصيتي مجهوله طبعا"....
المهم شسوي شسوي .....
اولا"دعيييت ربي يساعدني ويقويني .....
فكرت بربط المعده واللي عندي ما يحمس......
ثم فكرت اشترك بنادي وكمان اللي عندي مايحمس...
وفيه بنات كثير اعرفهم اشتركووو بنادي وما لقوووو نتيجه....
المهم كان شهر 8 عربي وباموت وحب الخشووووم والطليييبه...وافق زوجي اني اسوي ريجيم...
بس كان يهدد لا ارجع لوزني قبل الزواج لاني كنت 64....بس كنت عظم على جلد لان طبيعة جسمي عظامي عريضه....
المهم وافق..وكا تقريبا" كل يوم هوشه معي...
وكنت على وشك السفر للتمشيه...
مرحلة تغييير نحوله
قعدت ادوووور بجوجل ومنتداي عالم حواء ولقيت خلطات ورياضات..وريجيم النقاط
وبدييييت وكنت مسويه لنفسي برنامج
الا وهووووو:
نظاااااااام نحوله للتخفيف
اولا"
تصحين من النوم تشربين
كوب ماي دافي
او كوب نعناع
او ماي دافي بالكمون والليمون.
الفطور>>>>الساعه 11
ك حليب ق د+2توست+جببنه ق د+طماطه او خياره.
او
الحليب+2توست بر محمص او شابوره اوحبةكليجا ديمه>>احبها...
سناك
بعدها على 2الظهر
كوب زنجبيل او نعناع او بردقوش
==================
الغدا ء>>>>الساعه4العصر
تونااو قطعه من صدر دجاجه مشويه اوسمك مشوي+ سلطه+برتقاله
سناك
عالساعه 5:30 او 6 اذا جعتي ممكن تقرمشين حبة شابور لحالها >>اللي بحجم 4 اصابع .
====================
العشاء>>>>الساعه 7
بيضه على توسته بر او زبادي ق.د
اولبن ق د+2فاكهه
سناك
عالساعه 9 كوب شاي اخضر واعصري عليه نص ليمونه
وبعد الساعه 7 كله مشروبات اعشااااب.
==========================
وبعدها جت اصعب مرحله....
رمضااان شهر الملذات والاكل والمقليااات
طول رمضان ما كليت حبة سمبوسه عضيت عضه وحده وللحين ذاكرتها...
ولا شربت فيمتوووو.تصدقووون..
كنت انصح نفسي ببعض العبارات التشجيعيه وصار نظااامي :
نظام نحوله
1\على طول اليوم مووووويه ...
2\اذا نايمه او اذا تقدرين ماتكملين وجبتك يكون احسن..
مو لازم كل الوجبه>>يعنني.
3\اذا وراك تخبيصه خليها باليوم المفتووووح
4\العبي رياضه ساعه باليوم..واي رياضه اللي تعرفين او تحبين 15 د.
5\ لاتصحين يالليل وتاكلين شي وتقولين هلكانه ترا ضميرك يتابعك
6\سوي رياضة شفط البطن 10 مرات الصبح ومثلهم قبل النوم.
7\ومسموح باليوم كله تمرتين بس مع القهوووووه>>ضروري...
8\ ممكن استبدال الحليب بعصير انانس كي دي دي.
9\ لا للوجبات السريعه ونعم للاكل الصحي والسريع.
10\لا للحلويات والمقليات والسكريات..ونعم للمشويات.
وباليوم كله مو مسموح لي الا ب2 م ص سكر اختار متى استهلكها بالفطور او الغداء او العشاء...
بدي بتخفيف بالوجبات الرئيسيه...
اني احطلي بالصحن غدا نص الكميه اللي دايم ...
وجى موعد السفره...وبالسفره قعدت مخففه مع ان الاكل كاااان فضيع ويصك الراس بس اللي اشتهيه واكون قد ذقته احطه بفم ابونا او ولدي... هههههههيطفشني ومشروع تعذيب |..لعل وعسى اتهور وآكل...
واول ماجيت من سفرتي لقيت الجروبات الحلوه... وكنت طبعا" مع القروب البنفسجي...
وياحليلهم احتضنوني ما قصرووووو
خاااااصه فجوره...
المهم رجعت من السفر وجت مرحلة التغيييروالنحف......والتحقت بالفريق الازرق بنصه تقريبا"
وكانت معي الكوتش احساس انوثه وكيتي ...بس احساس كانت محتضنتنا كللللنا ....
كم يوم ودخل علينا رمضان وكنت افطر 2كوب ماء و3 او 7 تمرات بس غالبا" تكون 3 وجنبهم با بادبة شوربه....وعالساعه 8 المغرب عند مسلسل
<ليلة عيد> اسوي رياضي اليوميه مشي عالير ساااااعه..
واستمر الحال لحد ما وصل وزني 92 وانا كنت حاطه:
اهدافي99>>85>77
وكنت اتمنىى يجي يوم العيد واشوووف اكون بالثمانينات
واتمنى يكون وزني 88
وقالتلي وحد بالقروب الازرق ان شاء الله يوم العيد تكونين 86
وقلت لها قولي ان شاء الله وانا اضحك...
ووالله يابنات ماجى يوم العي الا ووزني 86
دعوة البنت كانت مستجابه...
المهم بشهر 8+9 نزلت من 99 الى 86 يعني 13 كيلوووو
وبعدها حطيت قدامي هدف الرشاقه قبل العيد
والحمد لله استمريت ونزلت
ووصلت باخر شهر10 الى 80 كيلو>>وقربت اشوووف ال70 الحمد لله...
والتحقت بالفريق التركواز....
الحمد لله
وبعدها حنابشهر11 وما بقى شي عالعيد
من اوله لحد ليلة العيد تحول وزني من 80 ال75
والحمد لله قطعت الشوووووط كامل....
ووصلت للوزن اللي ابغاه من 99 >>>وصلت ل75
اللهم ثبتني..وساعدني اظل على هالوزن باقي حياااااتي مابي ارجع للسمنه
ولا للخوف من كلمة ميزان...ولا لمنظر العجوووز..
والله كل من شافني اللحين ...قالو كنتي زايده عن عمرك10 سنين مع السمنه واللحين مع النحف نزلتي من عمر 15 سنه....
بنات اللي تدخل تدعيييلي بلييييييييييييييز...ولا تنسوووون اللي تعجبها قصتي تعطيني شكرا"
نحله دماميه @nhlh_dmamyh
محررة
يلزم عليك تسجيل الدخول أولًا لكتابة تعليق.
وديان وفراس
•
الله يتمملك على خير وينحفني زي مانحفك
حبيبتي نحوله كأنج تكتبين القصتي انا نفس الحاله كنت ولا حتى افكر اوزن اشوفني زدت ولا لا
ما يهمنا الا هالكرش
الحمدلله الذي هدانا لهذا وما كنا لنهتدي لولا ان هدانا الله
مشكوره نحوله على طرح تجربتج ما شالله تبارك الله والله يقويج يالغلا وتوصلين للمثالي وانتي بالف صحه وعافيه ياااااااااارب
وهذه لج يالغاليه
ما يهمنا الا هالكرش
الحمدلله الذي هدانا لهذا وما كنا لنهتدي لولا ان هدانا الله
مشكوره نحوله على طرح تجربتج ما شالله تبارك الله والله يقويج يالغلا وتوصلين للمثالي وانتي بالف صحه وعافيه ياااااااااارب
وهذه لج يالغاليه
الصفحة الأخيرة