** أم صالح 99 **
•
روعه ماشاء الله
قلب عايض
•
الله لايحرمني لاخلا ولاعدم يسلمووو حبيبااااتي ع المرور
واللي طلبت الطريقه ع الخاص بانزلها هنا ان شاء الله انتظروني
واللي طلبت الطريقه ع الخاص بانزلها هنا ان شاء الله انتظروني
قلب عايض
•
طريقة الباميه لعيون اللي طلبتها
بعد ما اقمعها واغسلها اقليها شوي بالزيت الحار مو الين تذبل لا بس شوي
واشوح بصله مقطعه صغير وثوم فصين كبار مهروسه واذا ذبل البصل والثوم اضيف مكعبات الطماطم حبه صغير وفي الخلاط احط حبة طماطم ثانيه وملعقتين صلصه كبار وملعقه كبيره كاتشاب ومكعب ماجي وشوي كزبره خضراء لاتكثرين
واصبها على الحمسه واذا تسبكت مع بعض احط الباميه احيانا اسويها بالدجاج او اللحم واحيانا بدون وتطلع لذيذه
بس اكون سالقه الحم او الدجاج قبل واقطعه مكعبات صغيره واضيفه للباميا وبعدين اصب عليها مرقة اللحم وما اكثر لين تتغطى الباميه بشوي لانها تقريبا مستويه بس يبيلها طبخ ربع ساعه على نار واطيه (( نسيت نضيف البهارات حب قرفه هيل ليمون اسود ) وبث بالعافيه << فيه سر صغير بس خطير ماراح اقوله هههههههه
لا مستحيل اخبي عليكم شي فديتكم (( احط ملعقة سكر مع الايدامات تطلع جونااااااااااااااااااااااااان ))
<<< ادعوا لي بتسخير زوجي وصلاح عيالي وفك اسر اخواني الباقين
قلب عايض
•
وطريقته كالاتي << فديتني ههههههه
2 كاس حليب نيدو محموس ع النار لحد مايشقر
علبة قشطة
2م ك سكر
2 كيس شعيريه باكستانيه محموسه وتعجن بحليب نستله
3 علب اصابع رينجو
واللي ع الوجه بالخلاط
نص علبة حليب نستله
6 حبات جبن كيري
ويزين بالهيرشي والفليك
والف عااافيه وصحه ع قلبك هههههههههه
قلب عايض
•
صورة لكيس الشوي
طريقتي بعد مانظفت السمكه ونقعتها بملح وخل وليمون عشان الزفره تروح غسلتها بعدين بمويه ونشفتها وتبلتها ببهارات مشكله وماجي وفلفل اسود وبشرت ليمونه شوي بس للنكهه والريحه الواااااااااو
دعكت السمكه بالتتبيله الين داخت خخخخخخخخخخ
وخليتها بالثلاجه ثلاث ساعات تقريبا وكل ماتطول احلى وبعدين دخلت السمكه بكيس الشوي وكلكم عارفين طريقته واللي ماتعرف
اول احط بالكيس دقيق واقلبه في الكيسه كلها واكب الباقي واسوي فتحه صغيرة من الطرف عشان يطلع البخار وما اقفل الرباط مرره عشان اسوي تنسيم للبخار واحطها بصبمبة بايريكس واحطها بالنص واولع الفرن واخليها ساعه وانتي تابعي الفرن وشوفي
اخر شي اقص الكيس من فوق شوي واحط زيت زيتون على الوجه مسحه بس واخلي الفرن من فوق عشر دقائق واطلعها
وتمتعي بالطعم اللذيذ والطري بنفس الوقت
الصفحة الأخيرة