بنات بقولكم سالفتي ابيكم تطول بالكم وتعلموني وش اسوي ولله ماعاد اقدر في نفسي
انا احس في نفسي اني ماني طبيعيه انا فيني حاجه مااعرفها فيني وسواس فيني تعب غير طبيعي
متزوجه لي ثلاث سنين
من يوم ماتزوجت بعدها بفتره الحمدلله ربي رزقني بحمل وكنت اصلي والحمدلله وكل يوم اقرى الاذكار وكتاب الاذكار ماينزل من شنطتي وفي تسريحتي وزوجي كان مواضب على الصلاة بس بعدها بفتره جا رمضان صمناه بس بعد رمضان استهنا بالصلاه نصلي فرض ونخلي فرض الين ماتركناها
في شهر ان كان حنى بنصلي نصليها فجر واليوم كله منصلي
انا اذا نويت اصلي يجيني حكه احس كنه موية نار على ايديني ويجيني رعب غير طبيعي خووووف داائم انا من قبل كان قلبي قوي بس مدري وش غيرني ادنى حاجه تخوفني وتدب الرعب في قلبي
بعد فتره ولدت والحمدلله ومنعني اخذ موانع حمل وبعد شهر حملت بالثاني والحمدلله بس كنت متضايقه ودائم متعومسه ومعصبه وتعبانه وحمل ثقيل بس اللهم لك الحمد كانت ولادتي يسيره
بس المشكله ولدي كرهته فترت نفاسي ابكي مابيه لاهو ولا اخوه واتعب معهم ودائما هو صياح 24ساعه يبكي تعبني بقوه لادرجت اني خذيتهم في يوم عجزت فيهم واحطهم بكيس زباله بقطهم بالشارع بس على حزة جيت ابوي من الدوام وخفت منه ورجعتهم بتسالوني شلون طاوعك قلبك بقولكم مدري
ولدي كان مجرد لحمه واصارخ عليه واهاوشه واسبه
طلعت من الاربعين نومتهم وخليتهم باسرتهم بس ولدي الثاني يضل يبكي حتى لوهونايم فكنت اسكر الجهاز عندي وارفع صوت التلفزيون
كنت مهمله مرررررررررره
ولما انام ويبكي اقوم اصارخ عليه مو اسكته حتى زوجي يقوم من النوم مفزوع على صراخي
وكم مره افكر مجرد تفكير اني اذبحهم وافتك
وتجيني وسوسات اني اقطهم مع الدريشه بس فجاء اتعوذ من الشيطان واطنش هالوسوسه وكم مره يطريلي ااذي عيالي وبرضو اتعوذ من ابليس واطنش الفكره
بس يابنات اتعب معي عيالي واتعب من بيتي واتعب من زوجي واتعب من نفسي
مرات اتوحم عليه وانا اكل حبوب منع حمل واسوي تحليل واكون مو حامل بس مدري شلون يجيني زي الوحم اكره ريحته ومااحب اشوفه واذا شفته اتصنع مشكله اطفشه من البيت
واذا جا اهاوش اقوله ماتشم ريحتك ومايمديني اكمل كلامي الى وانا رايحه استفرغ من ريحته الخايسه مع العلم انه موسوس بالنظافه يتروش اكثر من مرتين يوميا ودائما بملابس جديده وعطر يتعطر فيها حتى لو مو طالع
المهم صارت بني وبينه مشاكل واجد وصار عيشتنا نكد وهم وقلق من عيال
على ان عيالي فيهم ماشاء لله قدر من الجمال بس
وهو بعد مايحب يشوف العيال يقول اطلعي برى انتي وياهم عشان يتقوهوى لحاله ويتابع التلفزيون على رواق
بس الي ذابحني اني مااقدر اصلي ولله مقدر
اسمع قران عادي اقرى اذكارعادي
بس احد يجيب لي طاري الصلاة اويامرني بالصلاة اتنرفز وااعصب
لدرجت يابنات اني لو اروح لعند ناس اسوي نفسي زي بنات الابتدائي حتى الابتدائي مايسوونها والبزران مايسوونها
اذا كنت في غرفه مع حريم يصلون اجي اسوي نفسي اصلي بدون وضوء واحرك شفايفي وبس وانا مااقرى قران ولاشي واقعد افكر بصلاتي لواني متوضيه وخالصه واصلي زي الناس وافتك بس مااسويها
واذا كنت بغرفه لحالي البس جلال صلاة واقعد 3دقايق واطلع من الغرفه يعنني صليت حتى انا نفسي استنقد نفسي بس مقدر
زوجي كرهته وهو قبل كان نور عيوني عيالي كرهتهم
احس مابدت فيني هالحاله الى يوم حملت بولدي الثاني جاني شي مو طبيعي
وكم مره اقاوم نفسي وقلت بروح اقرى عند شيخ وكل ماجيت اوقت لموعد الشيخ تروح علي نومه مادري شلون انام فجاء
ويوم عزمت خلاص وبقوه ارسلت اخوي ياخذلي رقم من عند الشيخ قاله الشيخ يمكن مااجي اليوم عشان بداية عطله!
مليييييييييت ابي استقر نفسيا وجسميا
افكر بافكار قبيحه ومتشائمه ودائما عصبيه
واحسد خواتي ولله انهم يصلون ومتهنين بحياتهم وسعيدات
شوفولي حل تكفون
جورينا الحلوه @goryna_alhloh
عضوة جديدة
يلزم عليك تسجيل الدخول أولًا لكتابة تعليق.
السبهانيه
•
لاحول ولاقوة الا با الله روحي لشيخ وقول لزوجك عن اللي تحسين فيه وقولي لهلك حرام عيالك وش ذنبهم
الله يكون بعونك
الي فيك مو طبيعي يمكن عين قوية يمكن مس ماادري
لازم تتعالجين لا تسكتين على نفسك
الي فيك مو طبيعي يمكن عين قوية يمكن مس ماادري
لازم تتعالجين لا تسكتين على نفسك
الصفحة الأخيرة