لووليــــهــــــــ :

اب

اب

لوله22 :

الأختبار فيه رياضيات بس E مافي مرا سهل اكثر الأسئله من دروس ثالث ثانوي وفيه شويه من ثاني وأولى اما نسبتك مشاءالله حلوه بس شدي واطلعي لتسعين اختبار القدرات لازم تجيبي فيه في الثمنينات او اعلى كمان احسن وبا النسبه لتحصيلي دي السنه ضحكو علينا قالو مافي ورجعو طلبوه وخلاص صار شي اساسي في التسجيل وكمان اول سنه بتكون طبعن سنه تحضريه لازم يكون معدلك في نهاية السنه 2 اقل شي عشان تقدري تتخصاصي وبس الله يوفقك

الأختبار فيه رياضيات بس E مافي مرا سهل اكثر الأسئله من دروس ثالث ثانوي وفيه شويه من ثاني وأولى...

شقاوة بدلع :

شوفي ياعسل انا دي السنه الحمد لله اتخرجت من الثانوي وانقبلت في جامعة عبد العزيز انتظام في السنه التحضيريه وربنا يسهل لاتشيلي هم والله كلو يجي بالتساهيل اتوكلي على الله وبس القدرات قسمين فيلو لفظي وكمي اللفظي اللي هوا زي العربي يجيبو ليكي كم قطعه وبعدها في اسئله ع القطعه دي ويجيبو ليكي كلمتين انتي تشوفي ايش العلاقه بينهم وتختاري من الخيارات الموجوده واممم ايش كماان اها ايوا صح يجيبو ليكي جمل فيها فراغ ويجيبو ليكي الاختيارات وانتي تشوفي ايش ملائم وتختاريه اما الكمي اللي هوا رياضيات يجيبو ليكي مسائل واشياء غريبه بس والله مو صعبه يعني ان شاء الله راح تقدري عليها نجي دحين لي التحصيلي اللي من المواد اللي تدرسيها بالنسبه انا كنت ادبي المواد اللي معانا توحيد فقه حديث بلاغه ادب نحو جغرافيا تاريخ وبس وحتكون الاسئله حسب التقسيم دا 20% من الصف الاول الثانوي 30%من الصف الثاني الثانوي 50%من الصف الثالث الثانوي وفي موقع مررره راح يفيدك في المذاكره لو تبيه ارسليلي ع الخاص اديكي هوا انا اللين دحين متابعه الموقع دا وفي كمان عندك كتب تذاكري منها في التحصيلي 1 << دا بس لي التحصيلي والقدرات انا ذاكرت من الموقع اللي اقولك عليه والحمد لله كانت درجاتي حلوه ويكون في علمك انا مني من الشطار بس الحمد لله كلو بيمشي :) وبس ما اعتقد في شي ثاني ماقلتو ياليت اكون افدتك واي شي تبيه ارسلي ليا ع الخاص وان شاء الله يكون ليا رجعه مره ثانيه هنا لو احتجتي شي

شوفي ياعسل انا دي السنه الحمد لله اتخرجت من الثانوي وانقبلت في جامعة عبد العزيز انتظام في السنه...