تصدقون دايم مسنترة في قسم الجمالبس للاسف من وراآآء الكواليس
استحي اطلع على المسرح
بس تعرفون عاد للضرورة احكام
ابي استشيركم بشغلة وياليت ماتردوني خالية الوفاض << متعوب عليها<<اخلصي علين
الموضوع ومافيه اننا خطبنا لاخو زوجي<<مبروووك
وعلى فووكرة كل ابو عالم حواء معزومين على العرس بس بشرط احضار اللاب توبات وابرازها عند بوابة القاعة عشان اتاكد من انكم عضوات باب الحارة <<شطحت (اقصد عضوات في حواء)
المووهيم
بتقولون وش دخلنا
انا بقولكم
الحين انا بالمدينة اوكيه
والعرس بعد 3 شهور يعني ان شاء الله بيمديني اتولم واتسنع
واكيد مثلي مثل كل الحريم ابي اصير نجمة الحفلة خصوصا اني انا سلفتها الكبيرة (ترا به 4 سلايف غيري)
وعلى فكرة ترا العروس من الجماعة ابوها (الله يرحمه) وابوي (الله يحفظه) كانت تجمعهم صداقة عمر
وجيران اهلي وكل ابو شي يعني جماعتهم من جماعتنا
انا كنت حاطة ببالي البس فستاني حق عرس اختي كلفت عليه ومالبسته الا 4 ساعات او اقل
بس المشكلة زي ماقلت لكم انهم من جماعتنا واكيد انهم عرفوه وماودي اكرره
مع انه جدا فخم
بتقولون لي حنا وش دخلنا بقولكم بس اصبروا شوي على رزقكم
ابي صور لفساتين كشوخية جدا واليقانت وماتكون نعومة جدا وماتكون زحمممممممممة جدا
لاني بركز على الميك اب والتسريحة فما ودي كل ابو شكلي يكون زحمة
المووهيم
انا جايزن لي بصراحة الموديلات اللي هي تجي تنورة تنزل ضيقة ومن تحت كنها حورية البحر
والبلوزة مدري ناسية شكلها بس الحزام عريض ان شاء الله تكون وصلت الصورة <<ماتعرف تشرح
شفتها على اخت عروس زآآت مرة
بس كانوا حاطين عرسهم بقاعة الميريديان اللي هي نظام فنادق وحنا عرسنا بيكون في قاعة ليلة زفافي وتعرفون هالقاعة كبيرة وفخمة فمادري احس اني مترددة
دورت بمستر جوجل على موديلات مالقيت الشي اللي يدخل مزاجي\
حتى كتبت موديلات 2010 يطلع لي موديل 2006 وكاتبين عليه 2010 اكره هالحركة بصراحة بوصف لكم جسمي عشان تكونو بالصورة\
انا متوسطة الطول ومع الكعب بيكون طولي لاباس به بس حطوا ببالكم اني بفسخ الكعب كل شوي عشان لزوم الرقص ماعرف ارقص بالكعب تصير حوادث بصراحة
المووهيم
<<اتحدى تقولون كم مرة قلت لكم المووهيم
انا لون بشرتي بيضاء والحمدلله ماعدا الرقبة اغمق من لون بشرتي بسوي خلطة تفتيح ان شاء الله
ومع الحمام المغربي والصنفرة والبخار بتتوحد الوان بشرتي ولون جسمي
معدل السمنة عندي معتدل ولله الحمد
يعني مانيب سمينة ولانيب نحيفة عصلة بين البينين
بس المشكلة الوحيدة ان صدري ماشاء الله لاقوة الا بالله كبير (مقاس DD)
ومهوب مرتز ولامشدود وهادي مشكلتي من الرضاعة اكتر شي
فابي موديل لفستان يناسبني
واوعدكم اني ان شاء الله بنزل لكم صور طبعا مطموسة الاجزاء للوك النهائي عشان الكل يستفيد
ملاحظة تتوقعون تصلح لي مثل هالمود من التسريحات؟؟
انتظرركم ياسيدات الاناقة
