نداء الى بنات ابوظبي

عابرة سبيل3
هلا اختي وانا بعد عرسي قرب ومو عارفة وين اسير بس انا الفستان يبته من دبي بس بخصوص الميك اب والله انا اليوم الملكة سرت عروس الخليج وما كان بزيادة والحين يوم قرب عرسي نصحوني اسير عند هلن رشيد وتاخذ 2500 درهم بس مكياج وتسريحة من دون تنظيف بشرة زبدكير ومانكير بس يقولون فنانة وهي ايرانية . وانشاءالله حبيبتي تحصلي وردي علي.

انا بعد عندي زواج ولد عمي وما اعرف وين اروح كان عندنا زواج قبل 6 سنوات بس وقتها كنت صغيره وما سويت مكياج
تكفون انا معرف محلات اعطوني رقمهم وانا بحجز قبل لا اروح بس شغل حلو مو مهم بكم
تعرفون صعبه اروح واتفاجاء ان شغلهم شين ابغى مكياج وشعر واعطوني بالاسماء يعني اروح لمين مكياج ولمين شعر

بصراحه جربت في ملكتي صالون عروس الخليج وما كان زيادة

وبعد فترة وبالصدفة رحت صالون سحر العيون في شارع المطار مقابل نادي الوحدة

وجايه عنده كوافيره من السعودية اسمها (فيروز) بس رهييييييييييييييييبه في الماكياج والتساريح

سويت عندها تسريحه وماكياج يوم عرس صديقتي
وبدون مجاملة كان مكياجي وتسريحتي احلى من مكياج العروس نفسها حتى هي بنفسها اعترفت بالشيء هذا
وشكلي اتغير 180 درجه
ماشاء الله علي وعليها....

واسعارها جداً مناسبه جربوها وادعو لي

:42:

لاني ناويه اروح عندها يوم عرسي انشاء الله وما بروح عند غيرها