نداء الى بنات الامارات الحبيبه مشروع يحتاج لدعمكم

السلام عليكم ورحمة الله وبركاته

خواتي الغاليات
عندي اقتراح وان شا ءالله انه يلقى استحسان منكم

البنات اللي عندهن اشياء ما يبونهن حتى لو مستهلكات ممكن تفيد عوايل ثانيه منهن
يعني ساعات الوحده تدخل المخزن وتشوف العجب اشياء وايده ما نباها بس امخزينها
وفي الكبت يميع الثييياب ونحن ما نلبسهن واشياء وايد ه

وفي ارامل وايدات في البلاد وعندهم ايتام عايشين في الامارات (غير مواطنين*) لان الحكومه تتكفل بالايتام المواطنين مثل البكستانين ،،والجنسيات الاخرى الاولى انا نحن نتكفل بهم يعني اندور على الايتام ونكفلهم اوجر لنا حتى ممكن في المناسبات اتمرين عليهم واتشوفين اللي كافلتنه شو محتاج
مش في اي جمعيه خيريه كفلتي اليتيم ولا تدري به ولا تدرين عن حاله بس اللي اتعرفينه ان كل شهر خذوا من حسابج لان اليتيم يحتاج لحنان واهتمام قبل المال

المهم
شو رايكم
كل وحده عندها اشياء ما تباها تتصدق بها
ادور بروحها على العوايل المحتاجه

واللي تعرف ايتام محتاجين اتخبرنا

يالله يا بنات
نتعاون على البحث على العوايل المحتاجه والارامل والايتام
فالساعي على الارمله كالمجاهد في سبيل الله

اتصدقون من اسبوع مريت على جمعيه من الجمعيات الخيريه في دبي
وما اتخيلون الوضع كيف ؟؟
الغنفات والطاولات على اكياس الثياب والعاب صغاريه كلها امعققه في الحوش
حتى لو كانن زينات خلاص ما من وراهن فايده من عقب الشمس اللي دقتهن

فالمفروض ان نتعاون كلنا في البحث عن الناس اللي اتجوز عليهم الصدقه من جميع الجنسيات
مثلا بنات دبي ينعتونا على عوايل فقيره او محتاجه في دبي

كل وحده منا تتكفل بروحها واتسير عند هالعايله وتتصدق باللي تبغيه سواء ثياب او ادوات كهربائيه .....الخ

وبنات ابوظبي ينعتن بنات ابوظبي على العوايل ولارامل

وكل وحده من لها اجر (الداعي للخير كفاعله )

وهكذا

والله يكتب لنا الاجر ان شاء الله

نبدا من اليوم
بنات دبي والشارقه اللي عندها ارقام عوايل محتاجه اطرشهن لي او اتعرف ايتام اتخبرني
وان شاء الله اللي فيه الخير الله ايجدمه

همتكم يا خواتي

وان شاء الله ان الفكره تتطبق على بنات الخليج كلهم