هلا والله بالغاليه ام لولو وانا اقول وين هالغيبه :24: قليبى انتى ادرى بالبنيان الحين ولله الحمد بدت تتضح معالم البيت خلوصا الارضيات والجبس بس باقى الصالات ومداخل البيت رخام وان شاء الله فى خلال اسبوع بيبتدون وانا اخذته رخام عمانى المتر 175 والمقاس 60 فى 60 واسمه كيه فايف واهو احلى شى بالعمانى وفى ناس وايد مركبينه يقولون ما يتشرب ولمعته قويه كنه قزاز المهم النوافذ والابواب حقه المداخل المنيوم عند الوكيل وحقيقه صلخنا تقريبا 95 الف والله العظيم هالبيت شكله بيفلسنا المهم الابواب الخشبيه عند سدكو بس للحين ما اخترنا الموديلات ولااعتمدنا التصميم والبوابه الخارجيه عند الشواف وللحين ما اعتمدنا التصميم الله المستعان والصبغ عند جوتن وفعلا ابتدو فى السنفره وعطوا البيت اول وجه بس زوجى ماخرهم لين البلاطين يخلصون شغلهم وبعد ايش فيه :26: :26: ام لولو انتى ايش اخبار بيتكم متى النزاله علشان نجى نبارك ام لولو انتى مجربته
ام الحلوين مشكوره وايد على المعلومات بس ياليت العنوان اذا قدرتى :24:

هاك التفاصيل يا ياسمين

احنا خلصنا الشغل الشديد داخل البيت ...يعني الرخام و الجبس والسيراميك

الحين بس يصبغون الجبس........الابواب ما بعد تركب بس خالصين ما نبغيهم الا بعد الصبغ

الالمنيوم نوافذ الوكيل ركبت......الابواب من المدلوح بس باقي لهم شوي......ترى شغلهم مثل الوكيل واسعارهم فيها مرونه

الحديد عند الشواف بس بعد ما خلص

بس الدربزين الخارجي من هيت خالص بس بعد ما نبغيه الحين لين يخلصون صبغ الجبس لاني اكتشفت ان صبغ الجبس مصيبه وطووووووويل هذا0 غير التعتيق
المطبخ جاهز بس مؤجل بعد

باقي لي بس المغاسل انشا الله الله ييسرها هالاسبوع التفت بعدها لصبغ الجدران

:26: :26: :26:

ليش انتى مو ملبسه الارضيات بلاستك احنا الدربزين الداخلى اخذناه من المصممون العرب انا اللى اخترعت الموديل
والخارجى عندنا حق البيسمنت هذا موديله عادى بس انه مجلفن علشان خارجى
عزيزتى المغاسل كيف التصميم عندك ؟؟ انا سويت لها قواعد طابوق وبلبسها رخام يا طبيعى او صناعى للحين ما قررت وهذه بالنسبه للاسطح اما اللى تحت بيكون خشب معالج وهذه حقت الضيوف النساء اما زوجى معجبه اللى جايه كنها حجريه عند كسكسيو والله مانى متاكده من الاسم اهو فى شارع الملك خالد شرينا منهم المدفاه وعندهم شغلات حلوه حق الجدران والحديقه بس غالين على انه احجار واسمنت ابيض بس هذا اللى هابين فيه هالايام :24: لا تقطعين وارسليلى على الخاص وين وصلتو وانا بعد بارسلك اذا خلصنا من هالمرحله واذا بغيت اسالك باى

مع اني ادعي اني حفظت كل المحلات اللي تتعلق بالبناء بس طلعتي لي بأشياء جديده:confused:

البيسمنت اول مره اعرفه

وكسكسيو بعد ما اعرفه.....عموما المغاسل انا بسويها رخام صناعي بس ابغي تحتها كاونترات ضروري

الخشب اخاف يخرب خصوصا للي داخل الحمام.....والالمنيوم تعبت وانا ادور ولا حصلت شي يعجبني يعني يشبه الخشب
بس اللي عجبني من عند كافكواللي في الخبر وسعره ناااااار......يعني مغسله وحده مع الدولاب مترين بس ب10 الاف

الارضية ملبسه بلاستيك بس الاشياء الجاهزه بس تركيب بنأخر تركيبهاا للي هو الدربزين والمطبخ والابواب الخشب
راجعي الخاص:26: :26: :26:

ام لولو شيكى على الخاص والمغاسل الخشبيه ترها خارج الحمامات الداخليه عاديه اخذتها من الدوسرى ماركه (الجر ) امريكيه الصنع :26: