نداء الى بنات مكة الشرائع مخطط7

بسم الله الرحمن الرحيم
الى بنات حواء الغاليات عموما وبنات مكة الشرائع مخطط 7خاصة ابغى مساعدتكن يوم الثلاثاء العصر مرتني حرمة المهم قالت انها من الجيران وانا طبعا حتى الجيران مااعرفهم واستغربت كيف تمرني من غير سابق موعد وقبل صلاة المغرب يعني حوسة المهم سلمت عليها واعطيتها عصير قالت وينكم ماتسألون عن الجيران قلت لها والله لسى ماتعرفت عليهم فني توني متزوجه وماعندي احد يجيب ارقامهم لي المهم قالت اجلسي ابغى اقولك شي انا مات زوجي قبل اربعة اشهر وعشرة ايام في حادث سيارة على طريق الدمام احترقت فيه الشاحنه وتوني خلصت العدة امس وعندي بنت عمرها 7سنوات اسمها فاطمة كانت تغسل كلى قبل اربع سنوات ولما سمعت بخبر وفاة ابوها انهارت وجاها فشل كلوي في الكليتين وفي واحد من اهل الجنوب الله يذكره بالخير اخذ ملفاتها وقدمها لمستشفى التخصصي في الرياض ولقو لها متبرع بالكلى مصري عمره 9سنوات ميت دماغيا يبغون 50 الف ريال في كلى ولدهم وانا ماعندي شي المهم قالت انا ساكنة في عمارة المالكي جنب المسجد عمارة جديدة لسى والاجار الجمعية الخيرية هي اللي تسدده وتصرف عليهم وقالت انا باعت اثاث البيت كله وباعت حتى جهاز الجوال المهم تقول انها جمعت 45الف ريال ولسى 5000ريال المهم المهم انحرجت يابنات فن ماعندي شي ارسلتها لسلفتي تحت وقلت بعد ماتخلصين تعالي عندي ةاتصلت بزوجي وحكيته وقال انه بيجي العشاء اذا بتستنى لين العشاء في البداية قالت انها بتسافر المغرب نقل جماعي الرياض وبعدين غيرت كلامها قالت انها بتسافر بعد العشاء المهم رجعت لي بعد المغرب وجلست عندي لين قبل العشاء اعطيتها رقمي قلت لها اتصلي علي بشرينا عن عملية بنتك كانت يوم الخميس والى الحين مااتصلت السالفة ومافيها ان سلفتي تقول انا حاسة انها كذابه لإن كلامها متغير لما نزلت عند سلفتي غيرت بعضه والى الحين انتظر اتصالها ومااتصلت واللي تعرف شي عنها تقولي عندها بنت كبيرة اسمها فاطمة عمرها 7سنوات طبعا هذي المريضة وهبه عمرها 5سنوات واحمد والعنود تؤام اعمارهم سنة وشهرين وهي حربية من المدينة وزوجها عطوي من تبوك بس له 30سنة عايش في مكة وساكنة في عمارة المالكي جنب المسجد في مخطط 7 بس ماحددت اي مسجد لإنها خلاص مابترجع مكة بتجلس في الرياض ثلاث شهور وبتروح لأهلها في المدينة وسلامتكم انا محتارة نفسي اعرف الصدق من الكذب تكفون ساعدوني يابنات :(:(:(:(