نداء الى كل المعلمااات بلييييز عطوووني من خبرتكم شوووووي

الله يوفقك ويوفق الي في حالك اجمعين ...

عموما حبيبتي... فيك فيك المواجهة فلابد من النجاح .. يعني تعاهدين نفسك تنسين الخوف .. وحاوي تكسرينه بانك تشرحين لاهلك لنفسك بالمرايه ... هذا اللي عندي وان شاء الله يفيدونك العضوات اكثر....

ياعمري انا اتذكر ايام التطبيق ماكانت المشرفه ولا معلمة المادة تدخل معنا أول حصه يعني واجهي مصيرك المؤلم لوحدك ولما جا اليوم اللي علي الشرح فيه طبعا دخلت وغصب خرجت كلمة السلام عليكم لكن حاولت اني ابين انو الوضع عااادي لأنه لو حست الطالبة انك متوتره وخايفه ماراح يكون وضعك حلو بالفصل طبعا بدأت الشرح نسيت نص الكلام والدرس الطوييييل شرحته في 10 دقايق طبعا انا الحين ليه تقريبا 6سنوات ادرس وأحس من كثر ما ادخل حصص زااال التوتر والخوف والطالبه اذا شافت المعلمة متزنه وواثقة من معلوماتها وتحاول تعطيهم معلومات زيادة كمان هذا شي حلو
توكلي على الله وحضري درسك تمام وجيبي معلومات افيدي الطالبات حاولي تجذبين انتباههم بطريقة شرحك وصوتك لايكون واطي وتحس الطالبه بالملل ويجيهم النوم ولا يكون عالي ويجيهم صداع خلي صوتك مسموع حاولي ماتكرري نفس الكلمة والا بيمسكوها عليك وكمان حاولي ماتكون حركاتك كثيره ولاقليله خليك وسط بكل شي وكمان حاولي وانتي تشرحين تمشين بين الطالبات واشرحي وعيونك عليهم راح تشدي انتباههم وبنفس الوقت تحسسيهم انك منتبهه لكل تصرفاتهم وبالأخير اعذريني على الإطاله بس لأني مريت بنفس موقفك واتمنى لك التوفيق