نداء الى كل حرمه سنعه وشاطره وقرما في بيتها تكفين الفزعه ولك مني خالص الدعاء

السلام عليكم ورحمة الله وبركاته

خواتي بنات حواء
طلبي مدري هو صعب ولا سهل بس من جد ودي اصير سنعه والي يقالها بنت قرما, بس من جد تراي متوهقه وشكل رجلي بطلقني والسبه اني ماافهم شيء بسناعه , :icon33:
زبدة الموضوع انا وحده على قولت رجلي حلوه وكشخه ولكن ماتعرف بالسناعه شيء عندي ذكاء اجتماعي بس غباء في السناعه بالبيت ابي منكم تساعدوني اصير سنعه باسرع وقت ممكن لاني الحين في مشكله كبيره بيني وبين رجلي بسبت السناعه وانا الحين عند اهلي:icon33::icon33: قبل اي شيء
هل السناعه متوارثه يعني ينولد فيها الواحد وهو سنع اذا انها كذا عز الله الي رحت ملح وطلقني رجلي:06: او السناعه شيء مكتسب يمكن تعلمه اذا ممكن تعلمه تكفون علموني بالي تقدرون:(
اول شيء بعرف كيف اقنع رجلي اني بنتن سنعه وش الطرق يعني الي تدل على كذا.:(
ثانيا وشلون اصير سنعه في ترتيب البيت والغرفه والله يكرمكم الحمام والمطبخ وخصوصا الثلاجه لانها فاقعتن مرارتي احس ان كل شيء احط فيها يخرب مدري ليش اكيد اني ماعرف كيف احفظ فيها الطعام يعني مثل الكزبره والبقدونس وغيرها من يوم اشتريها تقعد يومين ثم تذبل وتخرب وهو عاد تطلع شياطينه علي وليش وليش تخرب
طيب تعطير المنزل ابي افضل طريقه له
وشلون ترتبين يومك بالتنظيف وترتيب البيت يعني الخطوات الي تبدين فيها وتنتهين منها
وشلون اصير احب ترتيب البيت ومااطفش (منه وشلون اقدر اركز) يعني اذا نويت ارتب هذاك اليوم وبغيت اصير سنعه احس اني احوس البيت زياده احس اني مشتتته بالترتيب مدري ليه ؟؟:(
تكفون ساعدوني ولكم مني فائق الحب والاحترام والتقدير وخالص الدعاء بالجنة والتوفيق ونيل رضى الله والله يخليكم للرجالكم ويخلي رجالكم وعيالكم لكم الفزعه ياخوات لاتخلوني تكفون ساعدوني احمي بيتي ونفسي من الطلاق ابي اجيب عيال وابي اصير خوش مره :icon36::icon36::icon36:
بنتظار ردودكم