نداء اماني الفيصل

طيب احد عنده حل اوخبره بالموضوع😭😭

دائماً وابداً حطي في بالك ان الميزان مو مقياس حقيقي لنزول الدهون والوزن
ولازم تاخذين مقاسات محيط جسمك الصدر البطن الخصر وبناء عليها تعرفين اذا جسمك نقص او لا
لان ممارسة التمارين الرياضيه تزيد من حجم الكتله العضليه والعضل له وزن بالجسم
عشان كذا تلاحظين الميزان ثابت لكن الجسم واضح عليه نقص المقاسات ونزول الوزن

وبخصوص نظام التخفيف استمري عليه طالما مرتاحه
لكن بنفس الوقت حاولي تخصصين لك يومين بالاسبوع تصومينها صيام متقطع يعني تصومين 15 أو 16 ساعه وتفطرين الـ 8 أو 9 ساعات اللي بقت ..
ومسموح خلال الصيام تشربين سوائل واعشاب وقهوه وشاي لكن بدون سكر
وساعات الافطار تاكلين وجبتين فقط وكل وجبه يفصل بينها 4 أو 5 ساعات
وساعات الصيام عادي تحسب خلال النوم ، واذا صحيتي من النوم ممنوع تاكلين لازم تنتظرين على الاقل 3 ساعات وخلال هذا الوقت ممكن تشربين اي شي من المسموحات بالصيام او تمارسين اي نوع رياضه
ابحثي بالنت عن الصيام المتقطع عشان تفهمينه اكثر وتطبقينه بشكل صحيح

بخصوص الكرش اذا عندك اراده وعزيمه واصرار امتنعي عن النشويات والسكريات امتناع تام
حتى الفواكه السكريه تقطعينها
يعني مثل رجيم الكيتو واتكنز
كذا تجبرين الجسم يستهلك الدهون المخزنه ويحرقها كمصدر للطاقه بدال ماهو معتمد على الكربوهيدرات اللي تاكلينها

الله يعطيك العافيه عواطف كفيتي و وفيتي