اختي مشاعر الليل
آسفه اذا اعطيتك معلومات خاطئه
صح كلام زهوة التحويل يتم بعد دراسه ترم في القسم الي انتي اخترتيه
والترم الثاني في اوله يتم تقديم طلب التحويل


والافضل لك اختي انك تتصلين عليهموتسالينهم سواء قسم النسائي او العمادة الرجال(الي تابع لقسم النسائي)
حتى لو كان في تحويل ما يضيع عليك

وايضا الواسطه لها دور

أختي مشاعر ليل حياك الله و الموضوع موضوعك ، و حتى أنا و الله ما صدقت ان أحد رد علي ، بس الحمد لله هذا من بركات رمضان الله يتقبل منا
أختي دكتورة التصميم ، الله يجزاك خير ، وأنا داخلة أبي أستفيد وأبي أطلع بعلم أستفيد منه ، والله يوفقك على رغبتك في المساعدة ، الحمد القرآن أنا حافظة الجزء الأول ، بالنسبة للحديث بلوغ المرام عندي بس مابعد قريته أبقراه ان شاء الله ثم أشتري سبل السلام ، بالنسبة للتفسير أنا عندي تفسير السعدي وابن كثير وألاحظ ان كثير من المشايخ يوصون بتفسير السعدي للمبتدأين
حبيبتي تذكرين السورة اللي أخذتوا تفسيرها في المستوى الأول ؟؟
المصطلح أحس انه حلو حتى اني خرجت مروة حديث قلت أجرب !!!
بالنسبة للعقيدة حبيبتي فهمت ان الطحاوية هي المتن والأستاذ كل واحد يشرح حسب طريقته ، صح كذا ؟؟ وتكون الطحاوية من أول مستوى ؟؟
في الفقه أنا عندي أخصر المختصرات ودرست بعض الأبواب فيه ، وعندي الملخص الفقهي بس ودي أدرس أخصر المختصرات دام اني بديته و مشيت فيه
النحو ماعندي الا الآجرومية ، شكل ابشتري زاد الطلب
معقولة علوم القرآن ماتدرسونها الا في مستويين بس ؟؟؟؟؟؟ خسارة ؟؟؟؟
مباحث في علوم القرآن للشيخ مناع القطان حلو وسهل
الله يجزاك خير ياأختي ويرزقك جنات النعيم أجمعين برحمة أرحم الراحمين
أنتظرك حبيبتي ، وسامحيني ان كنت طولت عليك
زهوة ، ياحبني لي ، الله يوفقكم

ويجزاك خير اختي محبة الخير
انا اريد الفائده لك ولجيمع الاخوات

بالنسبة لعلوم القرآن المستويين هذي تدرسين فيها كل الكتاب كله
ومباحث في علوم القرآن هو الغالب الطلوب يمكن يجيك استاذ او استاذه تطلب منك كتاب آخر ولكن كل المواضيع في الكتابين نفسها ومتقاربة المعلومات

وبالنسبة للفقه انتي قارني بين الكتابين اذا كانوا نفس المعلومات او متقاربه كملي قراأته واعتقد انه مايضرك لو كملتي قرات اخصر المختصرات لانها مجرد معلومات تتزودين فيها ويصير عندك خلفيه للموضوعات واهم شي ركزي في البيوع لانه شوي صعب تضيعين فيه

النحو الافضل بل لازم تشترين يا الاصل (اوضح المسالك)او زاد الطالب لاوضح المسالك لانه هو الكتاب الي تمشين فيه في قسم اصول الدين وماادري عن كتاب الآجروميه هل هو سهل صعب نفس مستوى اوضح المسالك او لا ماادري لهذا الافضل انه يكون عندك احد الكتابين الي ذكرتهم لك

العقيدة..كتاب شرح الطحاويه هو الكتاب المستخدم ويشرح عليه اغلب الاساتذه وبعض الاساتذه يطلب الكتابه معاه بدل
الكتاب
والاستاذ يقرا الموجود على الكتاب ويشرحه واذا بنت تسال وهكذا طبعا طريقة استاذ تختلف عن طريقة استاذ او استاذه اخرى
بس اغلب الطالبات المجدات يعلقون على الكتاب لان تعليق الاستاذ او الاستاذه مطلوب

والطحاوية زي ما ذكرت سابقا من المستوى الاول الى المستوى السادس متواصل ..


المصطلح.. هو مادة نظريه مترفعة عن الحديث تدرسين فيها مقدمة عن الحديث و انواع الاحاديث واقسامها

مثل متواتر وآحاد ....
صحيح حسن ضعيف
مرسل منقطع وغيره كثير
طبعا هو حلو بس لابد تركز وتثبيت المعلومات لانك تحتاجينه للمستوات المتقدمة في التخريج والاسانيد

وهو ممتع حلو

طبعا هذا كله يعتمد على طريقة الاستاذ او الاستاذه هم الي يخلون المادة حلوةاو لا


بالنسبة للحديث ..
ياحبني لي صححت المعلومة وقالت انهم ياخذون توضيح الاحكام وليس بلوغ المرام
فلازم يكون عندك احدهما ان لم يكن كليهما

وبلوغ المرام تستفيدين منه حتى وان لم يكون من الكتب الم\لوبه لان الاحاديث تجدينها في الكتب الي ذكرتها وان لم تكن موجوده كلها
لان الاحاديث في سبل السلام وتوضيح الاحكام ما تاخذيناها كلها
بس تاخذين بعض الاحاديث في كل باب
لانه مطالبين باخذ كل الابواب في كتاب سبل السلام

بالنسبه للتفسير
نعم الاغلب يطالب بتفسير السعدي لانه ايسر واسهل ولكن لا يطلبونه في الجامعه الا نادرا على حسب الاستاذ ومااذكر صارت غير يمكن مرة لاحد البنات وانا غير متاكده
ولكن في الجامعه يطالبون بفتح القدير على عهدي والان مختصر ابن كثير لانه ايسر من فتح القدير
وانا اذكر ان احد الاساتذه قال لنا ..بما معنى كلامه ..انه كيف الجامعة تطالب بتدريس فتح القدير وفيه امور تخل بالعقيده
طبعا هي ليست كثيره
لذالك تلاحظين ان اغلب الاساتذه والاستاذات يطالبون بالكتابه لانهم هم الي مرتبين المنهج على حسب ماطلب منهم

اما ابن كثير المختصر فعلى حسب كلام الاستاذ انه محقق وخالي من الامور المخله بالعقيده طبعا الي بتحقيق احمد شاكر

والسور الي اخذناها مااذكرها بس ابدورها لك وابقولك ان شاء الله

ونسيت اقولك
ان في المستوى الاول تاخذين مادة (سيره )وهذي تتحدث عن سيرة الرسول صلى الله عليه وسلم وهي جميله جدا ورائعه..ومرجع يختلف من استاذ لاستاذه فانا مثلا ما طلب مني مرجع لازم نكتب مع الاستاذه واختي طلب منها مرجع(السيره النبيوة في ضوء المصادر الاصليه..للدكتور مهدي احمد)

وايضا تاخذين في المستوى السابع والثامن مادة (اوصول فقه) ولا تتخوفين منها لانه مره حلوه يمكن فيها شوي صعوبه في الستوى الثامن بس مرة رائعه ..ومرجعها كتاب(معالم صول الفقه عند اهل السنة والجماعة ..لمحمد بن حسين الجيزاني) طبعا المرجع قد يختلف من استاذه الي استاذه اخرى
فانا حاليا تدرسني استاذتين..وحدة منهجها في الدفرت نكتب معها والثانية من الكتاب الي قلت لك عنه والكتاب طلب منا في امستوى السابع

ومادة( قراءات ) المستوى الخامس والسادس ..هي مرجعها كتاب(الوافي في شرح الشاطبيه في القراءات السبع..لعبد الفتاح القاضي)

وايضا تاخذين مادة (الدعوة الاصلاحيه ) هي في المستوى السابع ومرجعها (الدعوه الاصلاحيه في بلاد نجد على يد الامام المجدد الشيخ محمد بن عبد الوهاب ...لعبد الله بن محمد المطوع)

وايضا تاخذيم مادة تاريخ المملكة العربية السعودية في المستوى الثالث
وهذي مرجعها منا لاستاذ او الاستاذه


وجزاكالله عنا كل خير
اختك
دكتورة التصميم
dr_designer

الله يجزاك خير أختي الدكتورة تصميم ...
أنتظرك حبيبتي بخصوص السور اللي درستوا تفسيرها ؟؟؟
رزقنا الله العلم النافع و العمل الصالح ..

اختي محبة السلف
بالنسبة للسور
انا اذكر انها كانت سورة البقرة مقاطع منها
وسألتلك وحدة تدرس مستوى اول الان اصول دين
وقلت سورة البقرة مقاطع بس للاسف ماقالتلي من اي آية

هذا الي قدرت عليه اختي
وآسفة على التقصير