اختي اهمهم في قلبه
حبيبتي هذي طبيعة الرجال اذا صار له مصيبه او هم اومشكله
ما يحب احد يوقف جنبه عشان ما يحس بالضعف" كبرياء "
عاد انتي حبيبتي اتطمني عليه بالرسايل لحد ما يهدا بس خليك
دائما معاه عشان يحس انك مهتمه فيه حتى لو هو صدك وما
رضى انك تواسيه او تخففي عنه
والله يساعدك

مشكورة اختي رهوفة
والله انا اوضاعي الحمد لله بس انا قلقة
على خطيبي
شايفيلكم يابنات واحد خاطب ومالك ويخاف من خطيبته ان تتركة
والله انا حايرة بهذا الولد كل ايامة قلق في قلق
ما ني عارفة شو اسوي
ساعدوني بالدعاء له

السلام عليكم ورحمه الله.....شخباركن بنات سمحولي انا ودي اصير صديقة واخت يديده لكم واتمنىى منكم تقبلوني وتساعدني فلي بقوله....الله يوفجكن يارب ويكتبلكن كل خير مع ازواجكن اللهم امين اللهم امين اللهم امين

بنات بخبركن بسالفتي واتمنى اعرف رايكن فيه

الله يسلمكن انا مالجة من فترة والحمد والشكر لله اني مستانسة ويا ريلي من جميع النواحي وهو بعد نفس الحاله.....لكن يا بنات من كمن يوم قمنا نتخالف ونتزاعل على موضوع مادي وسخفيف وايد بس اسمحولي اطرحه لاني اعاني يا بنات وماريد نفس هالمواضيع تخرب على لي بيني وبينه......والمشكله هي انه يوم ملجتي الحمدلله يوم سالو اهلي عن الشروط اهلي ما حطو شروط تكسر الظهر والشرط الوحيد لي قالوه حتى ما يعتبر شرط ولي هو انهم اختارو صالة معينه نسوي فيه عرسنا....وواهل زوجي وافقو وبكل ثقه ورضا وفرحه والحمدلله ومرت الايام ووصلنا لها الاسبوع وقالي ريلي يلا بنحدد فترة العرس لكن بسويه في صاله ثانيه يعني مش نفس الصاله لي اخترتها انا واختاروها اهلي.....تخيلو يا بنات ويوم اسأله عن السبب يقولي انا انسان ابا اعتمد على نفس وابا اسوي حفلة عرسي بحسابي وماريد اطلب شي من الوالد ولا من اخواني...تخيلو بنات بالله عليكم هذا سبب مقنع..,المشكله يقهرني يقولي الحمدلله انا ابويه عنده خير وبناياته واراضيه وخيره تارسه بوظبي والامارات لكن انا من النوع لي احب اعتمد على نفسي ولي بمقدوري بسويه.....قلتله بس المشكله نحن ماشترطنا عليكم بشي غير هالشرط الحين كيف بتفاهم مع اهلي.....واهلي مستحيل يرضون يزوجوني في غير هالصاله...شفتو خواتي انتو يمكن تحسون المشكله سخيفة لكن تخيلو يا بنات يعني شرط شرطته وما يبا يوفيه وهو يقدر على هالشي....ولي زعلني يا بنات انه قالي جملة قويه...قالي انتي لو تحبيني كنتي بترضين بالشي لي انا راضي به وكنت ما بتكلفين على ريلج وبتخلينه يسوي شي ما يحب يسويه والي هو انه يطلب من اهله...قلت له انا يمكن ارضى لاني احبك وفاهمتنك لكن اهلي مستحيل يرضون لانهم مشترطين عليكم...قالي لو ما تبين تتفاهمين وتفتحين الموضوع لاهلج انا بيي وبتفاهم معاهم...وانا خايفة وااااايد يا بنات انه السالفه تكبر يوم يكلم هلي........دخيلكن يا بنات علموني شو اسوي ....يعني انا كيف ارد عليه وكيف اقنعه انه لازم يكون عند شرطه ووعده....دخيلكن بنات ساعدني يعني الحمدلله ترانا من بدايه فترة الملجة متفاهمين ونحب بعض واااااايد والحمدلله والله يديم المحبة بين كل بنيه وخطيبها يارب....بس ماريد سالفة مادي نفس هاي تخرب علينا


ساعدووني شو رايكم وسمحولي طولت بس مالي غيركن ولله يا بنات صدقوني مالي غيركن وانا اكبر وحده من خواتي وما عندي علم بهاي السوالف وماعرف اتعامل مع الرياييل..عطوني رايكن..احبكن فالله

ياهلا مفنودات بوظبي اسمك غريب:)

شوفي نصيحة لك لو فتح معاك موضوع القاعة قولي له مالي دخل بكيف اهلي هما اللي شرطوا وتفاهم معاهم
وانت واهلك تكون متفقين انه ابد مايغيرو رايهم
يعني بالعربي اسحبي نفسك من الموضوع لا تخلي كانه انت اللي مصره خليها انها من جهة اهلك

والله ماادري ايش حكاية انه اعتمد على نفسي هذي يااختي كان الواحد يقعد يجمع فلوس وبعدين يجي يخطب ويقول اعتمد على نفسي ماهو يطق صدره عند كل طلب وبعدين يقول ماهو مقدوري وابغى اعتمد على نفسي؟؟



سوي زي ماقلت لك وان شاء الله تعدي على خير

حبيبة قلبي سلافه ولله ما قصرتي على الرد.....وطريقتج حلوة وايد...بس تدرين انا لمحت له انه مش انا لي شرطت اهلي لي شرطو..تدرين الله يهديه ويشرحه صدره لي شو قال...قال حتى لو اهلج شرطو القرار الاخير يبكون في ايدج تخيلي يالغاليه ولله اني احترت هذا لي خلاني انجن وماعرف اتصرف............انزين اختي عطيني طريقة انه لو يا بيتنا هالويكند اطلع انا نفسي من الموضوع واخلي اهلي بس يشاورونه يعني اتهرب بس بطريقه ذكيه.....ان شاءلله فهمتي عليه



خواتي الغاليه اتمنى تسمعوني رايكن بسرعه......وبدعيلكن عن ظهر غيب.....ويزاكن الله الف خير يا رب..وعطاكم كل لي في بالكم